اۆتونوميالى رايوننىڭ ساياحاتتى دامىتۋ ماجىلىسىندە ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارۋ ماڭىزدى مىندەتى جونىندە جاپپاي ورنالاستىرۋ جاسالدى. ىلە قازاق اۆتونوميالى وبلىسىنداعى جەر - جەر ٴماجىلىس رۋحىن بەلسەنە دايەكتىلەندىرىپ، ساياحات نەگىزدىك قۇرىلعىلارىن ۇزدىكسىز كەمەلدەندىرىپ، تۇتاس وڭىرلىك ساياحات قاجەتىنە سايكەستى قوسالقى قىزمەت وتەۋ جۇيەسىن قۇرىپ، كورىنىس رايوندارىنداعى «ٴۇش قيىن بولۋ، ٴبىر ىركىلىسسىز بولماۋ» سياقتى ماسەلەلەردى ٴونىمدى شەشىپ، ساياحاتقا قىزمەت وتەۋدىڭ دارەجەسى مەن دەڭگەيىن جوعارىلاتىپ، اڭساپ كەلگەن ساياحاتشىلاردى ريزا ەتىپ قايتارۋعا كۇش جۇمسادى.

ىلە وبلىستىق مادەنيەت جانە ساياحات مەكەمەسى پارتيا باسشىلىق گرۋپپاسىنىڭ شۋجيى جاڭ چۇنميڭ بىلاي دەدى: ىلە وبلىسى تۇتاس وڭىرلىك ساياحاتتان ۇلگى كورسەتۋ رايونىن قۇرۋدان باستاپ ىسكە كىرىسىپ، قىزمەت وتەۋ ساپاسىن جوعارىلاتۋ مەن ساياحات ونىمدەرىن كوبەيتىپ، ٴونىمدى قامداۋدى نىسانا، كاسىپ جۇيەسىن ساتى بويىنشا جوعارىلاتۋدى باعىت ەتىپ، ىلەنىڭ ساياحات كاسىبىندەگى قامداۋ جاعىنداعى قۇرىلىمدىق ۋنيۆەرسالدى رەفورماسىن ۇزدىكسىز تەرەڭدەتىپ، ساياحات كاسىبىنىڭ جوعارى ساپالى دامۋىن ىلگەرىلەتەدى؛ كاسىپتىڭ دامۋ نەگىزىن بەكەمدەپ، سارا كورىنىس رايوندارىن جەتىلدىرۋ، بازاردى اشۋ تەبىنىن ارتتىرۋ، قىزمەت وتەۋ ساپاسىن جوعارىلاتۋ، ساياحاتقا قىزمەت وتەۋدى ولشەمدەندىرۋ ارقىلى ساياحاتشىلاردىڭ ريزا بولۋ سالىستىرماسىن جوعارىلاتىپ، ىلە وبلىسى ساياحات كاسىبىنىڭ دامۋ نەگىزىن بەكەمدەيدى.

«ٴۇش قيىن بولۋ، ٴبىر ىركىلىسسىز بولماۋ» ماسەلەسىن توڭىرەكتەي وتىرىپ، قورعاس قالاسى بيىل ٴتۇيىندى كورىنىس رايوندارىندا 12 ساياحات دارەتحاناسىن، 7 اۆتوكولىك توقتاتۋ الاڭىن جاساپ، ساياحاتشىلاردى 5 مىڭنان استام كولىك توقتاتۋ ورنىمەن قامدادى؛ توعىزتاراۋ اۋدانى تاعى 63 ساياحات دارەتحاناسىن سالىپ، جابايى جاڭعاق اڭعارى، كولدەنەڭ سياقتى ساياحات، كورىنىس رايوندارىندا اقىسىز سىمسىز توراپتىڭ جاپپاي قامتۋىن، ينتەرنەت جەلىسىندە تاپسىرىس بەرۋ، ينتەرنەت جەلىسىندە اقى تولەۋ سياقتىلاردى جۇزەگە اسىرۋدى جوسپارلادى.

نارات ساياحات كورىنىس رايونى بيىل 69 ٴتۇيىندى نىساندى اتقارىپ، بۇعان جالپى 25 ميلليارد 500 ميلليون يۋان قارجى قوسىپ، بيىلدىڭ ىشىندە 4 ميلليارد يۋان قارجى قوسۋدى جوسپارلاۋدا. قازىر 25 ميلليون يۋان قارجى قوسىلعان كوشىرىپ ورنالاستىرۋ ينجەنەرياسى باستالىپ، يەلەگەن جەر اۋماعى 355 مۋ كەلەتىن ورىنعا 205 اۋلا سالىنىپ، 5 مىڭ مەتر جول جاسالىپ، قۇبىر سۋىمەن قامداۋ، لات سۋدى ٴبىر جاقتى ەتۋ تورابى، ەلەكتر قۋاتى، تەلەگراف لەنياسى، الاڭ سياقتى قوسالقى قۇرىلعىسى كەمەلدى شاعىن تۇرعىندار رايونىن سالۋدى جوسپارلاعان.

نىلقى اۋدانى ورايدى مىقتى يگەرىپ، «مادەنيەت+ ساياحاتتى» توڭىرەكتەي وتىرىپ، مايتاۋ - كۇشار تاس جولىن جاساۋ بارىسىندا قۇربان بولعان قاھارمانداردىڭ ىزگى ىستەرىن كەڭ كولەمدە ۇگىتتەپ، «قاھارماندار جاساعان مايتاۋ - كۇشار تاس جولى وڭتۇستىك، سولتۇستىك شينجياڭدى ىركىلىسسىز ساياحاتتاۋدىڭ» تانىمالىلىعىن جانە كوركەمدىگىن اناعۇرلىم جوعارىلاتتى، قازىرگە دەيىن ٴار كۇنى شۋىرما توڭكەرىستىك قۇرباندار قابىرىستاندىعىن ەكسكۋرسيالايتىن ساياحاتشى رەت - سانى بويىنشا 2 مىڭنان 3 مىڭعا دەيىن كوبەيدى. بيىل قورعاس اۋدانى تاعى 50 ميلليون 500 مىڭ يۋان قارجى قوسىپ، كۇرە بايىرعى قالا كورىنىس رايونىنىڭ ساياحات نەگىزدىك قۇرىلعىلارىن جاپپاي وزگەرتىپ، دارەجەسىن جوعارىلاتىپ، ىلە گەنەرال مەكەمەسى ساياحات ورتالىعىن، كۇرە بايىرعى قالا كونسەرت ورتالىعىن، ساياحاتشىلاردى شوعىرلاندىرۋ، جونەلتۋ ورتالىعىن، ىلە گەنەرال مەكەمەسىنىڭ ۇساق تاۋارلاردى شوعىرلاندىرۋ، تاراتۋ ورتالىعىن سالىپ، ساياحايشىلاردىڭ الۋان ٴتۇرلى قاجەتىن قاناعاتتاندىرادى.

«كەلەسى قادامدا ىلە وبلىسى ٴداستۇرلى  ارالاپ كورۋ ساياحاتىن دامىتۋ نەگىزىندە كاسىپتەردىڭ توعىسپالى دامۋىن ۇزدىكسىز ىلگەرىلەتىپ، ىلە وبلىسى ساياحات كاسىبىنىڭ ساياحات بايلىعىنداعى ٴىرى وبلىستان ساياحات ەكونوميكاسىنداعى الۋەتتى وبلىسقا قاراي ويسۋىنا كۇش قوسادى. ساياحات كاسىبىن باستاماشى، كوپ ٴتۇرلى كاسىپ قالىبىن تىرەك ەتكەن <ساياحات+> كاسىپ شوعىرىن قالىپتاستىرىپ، ماڭىزدى فاكتورلاردىڭ توعىسۋىن ۇزدىكسىز تەرەڭدەتەدى» دەدى جاڭ چۇنميڭ.

جاڭ چۇنميڭنىڭ تانىستىرۋىنشا، بۇدان بىلاي ٴتورت ماۋسىمدىق، تۇتاس وڭىرلىك ساياحاتتاعى تىڭ ىلگەرىلەۋشىلىكتى جۇزەگە اسىرۋدا قىس ماۋسىمىنداعى ساياحات پەن جاڭاشا ۇلگىدەگى كاسىپ قالىبىن جەتىلدىرۋ ارقىلى قىس ماۋسىمى ساياحاتىنداعى تىڭ ىلگەرىلەۋشىلىكتى جۇزەگە اسىرىپ، جوعارى ولشەممەن ىلە وبلسىنىڭ قار - مۇز كاسىبىن جوعارى ساپالى دامىتۋ جوباسىن جاساپ، قار - مۇز ساياحاتى، جارىس ىستەرى، وقۋ - اعارتۋ، مادەنيەت، جابدىق - قۇرىلعى سياقتى كاسىپتەردى سايكەستى دامىتىپ، قار - مۇز ساياحاتى كاسىپتىك ونىمدەرىمەن جانە وسى تەكتەس ونىمدەرمەن قىزمەت وتەۋ، قامداۋ اۋماعىن كەڭەيتۋ ماڭىزدى ٴتۇيىن ەتىلەدى ەكەن؛ جاڭاشا ۇلگىدەگى كاسىپ قالىبىن جەتىلدىرۋ كۇشەيتىپ، ٴداستۇرلى  ارالاپ كورۋ ساياحاتىنان سەيىل - سەرۋەن ساياحاتىنا ويىسۋ اياق الىسى جەدەلدەتىلىپ، ٴبىر قىدىرۋ سەيىل - سەرۋەن، قوناقجاي ۇلگىسىندەگى كورىنىس رايوندارى مەن  ٴونىم تۇرلەرى جارىققا شىعارىلىپ، كوپ ساتىلى، الۋان ٴتۇرلى ساياحات ونىمدەرىمەن قامداۋ كوبەيتىلىپ، ساياحاتتىڭ كاسىپ قالىبى زورايتىلىپ، ورتا، جوعارى دارەجەلى ساياحات تۇتىنۋىن جوعارىلاتۋعا كۇش سالىنىپ، ساياحات ماركاسىن جاراتىپ، دۇنيە جۇزىلىك دەڭگەيدەگى ساياحات ورنىن قالىپتاستىرۋعا قۇلشىنىس جاسالادى ەكەن.

«شينجياڭ گازەتىنىڭ» تىلشىلەرى جاڭ شياۋمي، بارشا تەگىس قىزى