التاي:

”ءبىر ماۋسىمدىق ساياحاتتان“ ”ءتورت ماۋسىم ءانىن“ شىرقاۋعا دەيىن

التاي قالاسىنان ءبىر قيىق كورىنىس (7 - ايدىڭ 19 - كۇنى ۇشقىش اپپاراتىمەن تۇسىرىلگەن).

　　 سۋرەتتى بارلان جانار تۇسىرگەن

انار بۇلت \ شينجياڭ گازەتىنىڭ ءتىلشىسى رىن جياڭ

جاز كىرگەندە التاي تاۋىنىڭ ورمان - توعايى قات - قابات جاسىل جەلەك جامىلىپ، قاناس كولىندە كوگىلجىم تولقىن ويناپ، كوكتوعايدا ساياحاتشىلار ءيىن تىرەسىپ، شار تاراپتان ساياحاتشىلار ءۇستى - ۇستىنە كەلىپ جاتتى. بيىلعى قۇربان ايت مەرەكەسىنىڭ دەمالىسىندا التاي ايماعى جالپى ءبىر ميلليون 203 مىڭ 800 ادام - رەت ساياحاتشى قابىلداپ، سايكەس مەزگىلدەگىدەن ％55. 52 ارتتى؛ ساياحات كىرىسى ءبىر ميلليارد 59 ميلليون يۋانعا جەتىپ، سايكەس مەزگىلدەگىدەن ％63. 54 ارتتى. بۇل جاقىنعى جىلداردان بەرى التاي ساياحات كاسىبىنىڭ قاۋىرت دامۋىنىڭ، شاپشاڭ دامۋىنىڭ شاعىن كارتيناسى سانالادى.

پارتيا 18 - قۇرىلتايىنان بەرى التاي ايماعى ”ساياحات ارقىلى شينجياڭدى گۇلدەندىرۋ“ ستراتەگياسىن ىشكەرىلەي اتقارىپ، ساياحات كاسىبىن نەگىزگى كاسىپ سالاسى ەتىپ، نازاردى جۇڭگوداعى ەڭ تاماشا ساياحات نىسانالى جەرى، الەمدىك قار - مۇز سپورتىنىڭ نىسانالى جەرى ەتىپ قۇرىپ شىعۋعا شوعىرلاندىرىپ، بايلىق باسىمدىعىن ۇزدىكسىز ۇلعايتىپ، مادەنيەت پەن ساياحاتتىڭ توعىسۋىن ىلگەرىلەتىپ، قىس ماۋسىمىنداعى ”4 اۋماق، ءبىر باقشا“ قار - مۇز وزەكتى اۋماعى، جاز ماۋسىمىنداعى مىڭ شاقىرىمدىق سۋرەت ءدالىزى تاڭداۋلى جەلىسى قۇرىلىسىن جاپپاي جەدەلدەتىپ، ساياحات كاسىپ سالاسىنىڭ دەڭگەيىن جوعارىلاتۋدى، دارەجەسىن كوتەرۋدى جەبەپ، ”جەر ۇيىعى قاناس · قار قالاسى التاي“، ”ادامزاتتىڭ قار شاڭعىسىنىڭ باستالعان جەرى“ التىن ءارىپتى بەلگىسىن جارقىراتتى، اسىرەسە، بيىل جىل باسىنان بەرى زور ساياحات باستاعان ”5 ۇلكەن كاسىپ سالاسىنىڭ“ دامۋ ارناسىن بەلگىلەپ، التاي ساياحات كاسىپ سالاسى دامۋىنىڭ جەدەل ارناعا ءتۇسۋىن ىلگەرىلەتىپ، ساياحاتتىڭ ءتورت ماۋسىم جىرىن شىرقادى.

قار - مۇز ساياحاتى پارمەندى ەڭسەلەندى

تال تۇستە التاي قالاسىنىڭ گەنەرال تاۋى حالىقارالىق قار شاڭعى دەمالىس اۋماعىندا كۇن شۇلەن شۇعىلاسىن توگىپ تۇر، ارقاندى ۆاگون تاۋ توبەسىنە قاراي باياۋ كوتەرىلىپ بارادى.

جازدىڭ شىلىڭگىر ىستىعىندا قاردا شاڭعى تەبۋشىلەر ازايعانىمەن، قار شاڭعى دەمالىس اۋماعى قۇلازىپ قالعان جوق. 7 - ايدىڭ 13 - كۇنى وسى قار شاڭعى دەمالىس اۋماعىنىڭ ساياحاتشىلارعا قىزمەت وتەۋ ورتالىعى قۇرىلىس نىسانىنىڭ قۇرىلىس الاڭىندا اۋىر تۇرپاتتى جۇك تيەۋ ماشينالارى ارلى - بەرلى قايشالىسىپ، جۇمىسشىلار قاربالاس قۇرىلىس جۇرگىزىپ جاتتى. ”قازىر تايلۇي توبىنا قاراستى گەنەرال تاۋى، كوكتوعاي، قوم (جىكبەلەڭ) 3 ۇلكەن حالىقارالىق قار شاڭعى دەمالىس اۋماعى قۇرىلىستى مەرزىمىندە اياقتاۋعا اسىعۋدا. 2022 − 2023 - جىلعى قار ماۋسىمىندا ءبىز بۇكىل ەلدەگى شاڭعىشى دوستاردى شىت جاڭا بەينەمەن قارسى الماقپىز“، - دەيدى شينجياڭ التاي ساياحاتتى دامىتۋ توبى شەكتى سەرىكتەستىگىنىڭ ورىنباسار باس ديرەكتورى، شينجياڭ التاي تاۋى قار - مۇز ساياحاتى شەكتى سەرىكتەستىگىنىڭ باس ديرەكتورى شى جىچياڭ تانىستىرۋىندا.

التاي ايماعىنىڭ ەلدەن ەرەك قار - مۇز بايلىعى بار، ”ادامزاتتىڭ قار شاڭعىسىنىڭ باستالعان جەرى“، ”جۇڭگونىڭ قار قالاسى“ دەگەن ادەمى اتتارى بار. پارتيا 18 - قۇرىلتايىنان بەرى التاي ايماعى ”تۇنىق سۋ، جاسىل تاۋ − باعالى بايلىق، مۇزدى القاپ، قارلى دالا دا باعالى بايلىق“ سىندى دامۋ ۇستانىمىنا تاباندى بولىپ، ”300 ميلليون ادامدى قار - مۇز سپورتىنا ات سالىسۋعا باستاۋدىڭ“ شىعىس جەلىنەن پايدالانىپ، قار - مۇز ساياحاتىن التاي ساياحاتىنداعى تاماشا تانىسقىعا اينالدىردى. 2021 − 2022 - جىلعى قار ماۋسىمىندا التاي ايماعى جالپى 11 ميلليون 961 مىڭ 700 ادام - رەت ساياحاتشى قابىلداپ، سايكەس مەزگىلدەگىدەن ％19. 20 ارتىپ، تاريحتاعى ەڭ دۋماندى، ەڭ دابىرالى قار - مۇز ماۋسىمى بولدى؛ ساياحات كىرىسى 10 ميلليارد 291 ميلليون يۋانعا جەتىپ، سايكەس مەزگىلدەگىدەن ％05. 27 ارتتى.

بۇگىنگى تاڭدا التاي ايماعى ساياحاتتى دامىتۋدىڭ ”جازدى قىسپەن تولتىرۋ“ وي جەلىسىن العا قويىپ، قار - مۇز كاسىپ سالاسىنىڭ دامۋ جىلدامدىعىن ونان ارى ۇدەتتى. ”ءبىز جيلين مەن شينجياڭنىڭ جۇڭگو قار - مۇز ەكونوميكاسىنىڭ جوعارى ساپالى دامۋى سىناق رايونىن بىرگە قۇرۋىن جەتەكشى ەتىپ، گەنەرال تاۋى، كوكتوعاي، قوم (جىكبەلەڭ)، شىڭگىل لاڭشان حالىقارالىق قار شاڭعى دەمالىس اۋماعىن جانە ەكى اشا دالالىق شاڭعى باقشاسى سىندى ”4 اۋماق، ءبىر باقشانىڭ“ سايكەستى قىزمەت وتەۋ قۇرىلعىلارىن اقاۋسىزداندىرىپ، كەمەلدەندىرىپ، كوكتوعاي حالىقارالىق قار شاڭعى دەمالىس اۋماعىن مەملەكەت دارەجەلى قار شاڭعى ساياحات - دەمالىس ورنى، جىكبەلەڭ قار شاڭعى الاڭىن 5S دارەجەلى قار شاڭعى الاڭى ەتىپ قۇرىپ شىعۋعا كۇش سالىپ، بۇكىل ايماقتاعى 5S دارەجەلى قار شاڭعى الاڭىن ۇشكە جەتكىزەمىز“، - دەيدى التاي ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى جاڭ جياجىن.

دامۋدىڭ جوعارى ورلەۋ كەڭىستىگىن اشتى

”ءبىز بۇل جەردە 5 جۇلدىز دارەجەلى دەمالىستىق قوناق ءۇيدى وزەك ەتكەن، ’مادەنيەت ساياحاتى، اۋىل ساياحاتى، سالاماتتىق ساياحاتى، ساۋدالىق ساياحات‘ سىندى 4 دەمالىس ۇلگىسىن ءبىر تۇلعادا توعىستىرعان قوناق ۇيلەر شوعىرى نىسانىن سالامىز، ءبىر ميلليارد يۋاننان استام قارجى قوسىلعان بۇل نىساننىڭ قۇرىلىسى مەجەمەن 8 - ايدا باستالادى“ . التاي داۋچۋان قورا - جاي اشۋ شەكتى سەرىكتەستىگىنىڭ ورىنباسار باس ديرەكتورى زۇڭ جيا - يدىڭ تانىستىرۋىنشا، التايدىڭ وزگەشە قار - مۇز بايلىعىن، ساياحات بايلىعىن، تاۋ اڭعارلارى بايلىعىن، ەكولوگيالىق بايلىعىن، سالقىن سايالىق بايلىعىن ارقاۋ ەتىپ، اتالعان سەرىكتەستىك مەملەكەت دارەجەلى ساياحات دەمالىس اۋماعىن قالىپتاستىرۋعا بار كۇشىن سالىپ جاتىر ەكەن.

”ءتورت ماۋسىم جىرى“ التاي ساياحاتىن دامىتۋدىڭ جوعارى ورلەۋ كەڭىستىگىن اشتى. ساياحات كاسىبىنىڭ جالپى وڭىرلىك، بارلىق ماۋسىمدىق باعىتقا دامۋىن ىلگەرىلەتۋدە التاي بۇرىن بولماعان دامۋ ورايىن قارسى الدى.

ساياحاتتىق تۇتىنۋدىڭ جازدا جاندانىپ، قىستا كەنەرەسىنەن اسۋىن ىلگەرىلەتتى. التاي ايماعى ەرەكشە بايلىقتى ىشكەرىلەي اشىپ، گۇل تاماشالاۋ ساياحاتى، سالت - ءداستۇر ساياحاتى، ءوز اۆتوكولىگىمەن ساياحاتتاۋ، اۋىل - قىستاق ساياحاتى سەكىلدى ساياحات ونىمدەرىن شىعارىپ، قار - مۇز ەكونوميكاسىن جوعارى ساپالى دامىتۋ جينالىسى. التاي جوعارى دارەجەلىلەر باس قوسۋى، قاناس مادەنيەت - ساياحات اپتالىعى سياقتى مەرەكەلىك قيمىلداردى ۇزدىكسىز وتكىزىپ، ”التايعا ساياحاتقا كەلەتىندەرگە قۇشاق جايۋ“، ”التايلىقتار التايدا ساياحاتتاۋدى“ ۇزدىكسىز ورىستەتىپ، التاي ساياحاتىنىڭ توقتاۋسىز قىزا ءتۇسۋىن، جاندانا ءتۇسۋىن ىلگەرىلەتتى.

نەگىزدىك قۇرىلعىلاردىڭ دەڭگەيىن جوعارىلاتىپ، دارەجەسىن كوتەرۋدى، ءتۇبىردى كۇشەيتىپ، نەگىزدى بەكەمدەۋدى جەدەلدەتتى. التاي ايماعى قاناس كورىنىس اۋماعىن باستاۋشى ەتكەن ”3 ءوستى N اينالما“ جازعى ساياحات جەلىلەرىنىڭ ساپاسىن ۇزدىكسىز بەكەمدەپ، جوعارىلاتىپ، قويتاس جايلاۋى سياقتى كورىنىس اۋماقتارىن اشۋ قۇرىلىسىن جەدەلدەتىپ، مەملەكەتتىك 4A دارەجەلى كورىنىس اۋماعىنان تاعى ەكەۋىن قۇرۋعا، قاناس كورىنىس اۋماعىن مەملەكەت دارەجەلى ساياحات - دەمالىس اۋماعى ەتىپ قۇرىپ شىعۋعا قۇلشىندى، سونىمەن بىرگە G331 جەلىسى، G681 جەلىسى سياقتى ءتۇيىندى ساياحاتتىق تاس جولدار قۇرىلىسىن جەدەلدەتىپ، ”تەز جەتىپ، اسىقپاي ساياحاتتايتىن“ ستەرەولدى ساياحات - قاتىناس جۇيەسىن ورناتتى.

”بيىل التاي ايماعى تۇتاس جىلدا ساياحاتتاعان ادام - رەت سانى مەن ساياحات كىرىسىنىڭ ەكەۋىنىڭ دە سايكەس مەزگىلدەگىدەن ％15تەن كوپ ارتۋىن جۇزەگە اسىرىپ، قىس ماۋسىمىنداعى ساياحاتتاعان ادام - رەت سانىنىڭ، ساياحات كىرىسىنىڭ ەكەۋىنىڭ دە تۇتاس جىلداعى ساياحات كاسىپ سالاسىندا ۇستايتىن ارا سالماعىندا جارتىسىنان كوپ بولۋىنا كۇش سالادى“، - دەگەندى ءبىلدىردى جاڭ جياجىن.

”3 شوق التىن گۇل“ ساياحاتى حالىقتى بايىتتى

قۇربان ايت مەرەكەسى دەمالىسىندا ”ەرتىس بويىنداعى 1 - قىستاق“ كوكتوعاي اۋدانى كوكتوعاي قالاشىعى تاراتى قىستاعىنىڭ اتاعى تاعى ءبىر مارتە اسپاندادى − حالىقتىق تۇسەلحانالار، شارۋالار شاتتىعى ساياجايلارى ساياحاتشىلارعا لىق تولىپ، كوپتەگەن حالىقتىق تۇسەلحانالارعا مەرەكەدەن ءبىر اپتا بۇرىن الدىن الا تاپسىرىس بەرىلىپ بولدى.

مۇنداي كورىنىسكە كوكتوعاي اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ تاراتى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى قاقا توقان تالاي كۋا بولىپتى. ”قازىر قىستاقتاعى باسىم كوپ ساندى تۇرعىندار ساياحات كاسىبىن دامىتۋعا ات سالىسۋدا، بىلتىر بۇكىل قىستاقتىڭ جان باسىندىق تازا كىرىسى 28 مىڭ يۋاننان استى“، - دەيدى ول. قازىرگى تاڭدا قىستاق تاعى ”گۇل تاماشالاۋ + حالىقتىق تۇسەلحانا“، ”ەلەكتروندى مۋزيكا فەستيۆالى + حالىقتىق تۇسەلحانا“ سياقتى كوپتەگەن كاسىپ كۇيلەرىن دامىتىپ، قىستاق تۇرعىندارىن جىلدىڭ ءتورت ماۋسىمىندا دا ساياحاتپەن كىرىس كىرگىزۋگە ىنتالاندىرعان.

”ءبىر جاپىراق قار گۇلى بارشا الەمگە ايگىلى، ءۇش شوق التىن گۇلمەن (قار گۇلى، سۋ گۇلى، تاۋ گۇلى) بۇقارا بايىدى“، بۇل التاي ايماعى بار كۇشىن سالىپ تۇلعالاعان ساياحاتتى دامىتۋ ارناسى عانا ەمەس، ونان دا ماڭىزدىسى، ساياحات ارقىلى حالىقتى بايىتۋدىڭ كوركەم كارتيناسى.

”13 - بەسجىلدىق“ مەزگىلدە التاي ايماعى جالپى 103 ميلليون ادام - رەت ساياحاتشى قابىلداپ، ”12 - بەسجىلدىقتان“ 3.9 ەسە ارتقان؛ ساياحاتتىق جالپى تۇتىنۋ 94 ميلليارد 380 ميلليون يۋانعا جەتىپ، ”12 - بەسجىلدىقتان“ 8. 4 ەسە ارتقان. مۇنان دا ماڭىزدىسى، ساياحات كاسىبى ”ءبىر كاسىپ گۇلدەنسە، 100 كاسىپ قاۋلايتىن“ قۋاتتى جەتەكتەۋ رولىن تولىق ساۋلەلەندىرىپ، ەگىن شارۋاشىلىعى، مال شارۋاشىلىعى، اۋىل شارۋاشىلىعى قوسىمشا ونىمدەرىن تەرەڭدەي وڭدەۋ كاسىبى سياقتىلاردى قاتار ىلگەرىلەۋگە باستاپ، ”مىڭ شاقىرىمدىق سۋرەت ءدالىزى، 100 قىستاقتا كىرىس ارتتىرۋ، 10 مىڭ وتباسى جۇمىستانۋ“ سىندى ساياحات ارقىلى حالىققا تيىمدىلىك جاساۋ جۇيەسىن ورناتتى.

بۇگىنگى كۇنى التاي تاۋىنىڭ ەتەگىندە، ەرتىس وزەنىنىڭ جاعاسىندا ”ساياحات ارقىلى حالىقتى بايىتۋ“ گۇلدەرى جامىراي اشىلۋدا.

5 -، 6 - ايلاردا قابا اۋدانى جايىلما اۋىلى شىعىس جايىلما قىستاعىنىڭ شۇعىنىعى قۇلپىرا اشىلۋ مەزگىلىن قارسى الىپ، ونى كورۋگە كەلگەن ساياحاتشىلاردىڭ قاراسى ۇزىلمەدى. ”ءبىز اي سايىن مادەنيەت - ساياحات مەرەكەلىك قيمىلدار وتكىزىپ تۇرامىز، مىسالى، 5 - ايدا تاۋ گۇلى مەرەكەسى، 6 - ايدا شۇعىنىق مەرەكەسى، 7 - ايدا قىزىل گۇل مەرەكەسى سياقتىلار وتكىزىلەدى، اۋىل شارۋاشىلىعى مەن ساياحاتتى توعىستىرۋ سياقتى تاسىلدەر ارقىلى ساياحات كاسىبىنىڭ دامۋىن ىلگەرىلەتىپ، ەگىنشى - مالشىلاردىڭ كىرىسىن ارتتىرۋىن جەبەيمىز“، - دەيدى قابا اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى ياڭ جىچين تانىستىرۋىندا.

كەزەكتە التاي ايماعى ساياحات ارقىلى تىكەلەي 68 مىڭ ادامدى جۇمىستانۋعا، جانامالاي 170 مىڭ ادامدى جۇمىستانۋعا جەتەكتەدى، بۇل التاي ايماعىندا ۇشتەن بىردەن استام ادامنىڭ ساياحاتقا سۇيەنىپ كىرىس كىرگىزەتىندىگىن تۇسىندىرەدى.