شۇي چيڭگۋاڭ

سولتۇستىكتەن وڭتۇستىككە، شىعىستان باتىسقا دەيىن شينجياڭنىڭ وسى كەزەكتى جاڭا تيپتى ايدارشا ۆيرۋس وكپە قابىنۋ ىندەتىندە ءىشىنارا وڭىردە شوعىرلانۋ جانە كوپ تۇيىندە تارالۋ جاعدايى جارىققا شىقتى. ساياحاتتىڭ قاۋىرت ماۋسىمىنا كۇردەلى ىندەت جاعدايىنىڭ قاباتتاسۋى باسقارۋ قابىلەتىنە وراسان زور سايىس بولاتىندىعى ءشۇباسىز، جاعداي نەعۇرلىم اۋىر بولعان سايىن، ءبىز ساياحات كاسىبىنىڭ دامۋى مەن ىندەتتەن ساقتانۋ - تىزگىندەۋدىڭ قاتىناسىن سولعۇرلىم ويداعىداي ءبىر جاقتى ەتىپ، ءار ساياحاتشىعا جىلى شۋاقتى، جاناشىرلىقپەن قىزمەت وتەپ، ولاردىڭ كوڭىلىن جادىراتۋىمىز كەرەك.

ساياحاتشىلار ۇزاق جولدى الىسسىنباي، ايبىندى، كوركەم كورىنىسكە جانە دارا وزگەشەلىككە يە سالت - ساناعا دەگەن اڭساۋمەن شينجياڭعا كەلگەندە، توسىن تۋىلعان ىندەت ولاردىڭ جوسپارى مەن ريتىمىن بۇزدى، بۇندايدا البەتتە ابىرجۋ مەن تىقىرشۋدان اۋلاق بولۋ قيىن. وسى ساتتە، قاتىستى جەرگىلىكتى ورىندار، تاراۋلار جان اشىرلىقتى كۇشەيتىپ، سانالى تۇردە ورىن اۋىستىرىپ ويلاپ، ساياحاتشىلاردىڭ بەيتانىس ەل، بەيتانىس جەردەگى ءىس جۇزىندىگىن تولىق ويلاستىرىپ، ساياحاتشىلار ويلاعاندى ويلاپ، ساياحاتشىلار اسىققانعا اسىعىپ، ساياحاتشىلاردىڭ مۇڭ - مۇقتاجىن شەشىپ، ولاردىڭ قاتىناس، قونالقا، اس - سۋ، ەمدەلۋ سياقتى جاقتارداعى كوكەي تەستى قاجەتتەرىن مۇمكىندىكتىڭ بارىنشا قاناعاتتاندىرىپ، ولاردىڭ ابىرجۋى مەن الاڭداۋىن شىنايى جەڭىلدەتۋى كەرەك. الاڭ - ۋايىمنان ارىلتۋ قىزمەتى جاقسى ىستەلسە، ساياحاتشىلار ءوز ءۇيى ولەڭ توسەگىندە جاتقانداي سەزىمگە بولەنىپ، شينجياڭ ساياحاتىنا بەدەل قوسىپ، مارتەبە ۇستەيدى؛ ايتپەسە، ساياحاتشىلاردى نازالاندىرىپ، رەنجىتىپ، ءتىپتى، شينجياڭ ساياحاتىنىڭ ابىرويىن توگىپ الۋىمىز مۇمكىن.

شينجياڭ سىرتىنان كەلگەن ساياحاتشىلاردى تارتىپپەن قايتۋعا جەتەكتەپ، ساياحاتشىلاردىڭ قوناق ۇيدە جاتۋىنا وزىندىك قۇندىق باعا اتقارىپ، ءبىر ءبولىم كورىنىس وڭىرلەرىندە، كورىنىس تۇيىندەرىندە حىسۋان تەكسەرۋىنەن سىناما الۋ تۇيىندەرىن ورنالاستىرىپ، ساياحاتقا قاتىستى ىندەتتەن ساقتانۋ - تىزگىندەۋ ىستىق لەنياسىنىڭ جانە شاعىم ايتۋ تۇعىرلارىنىڭ رولىن كۇشەيتتى... كىسىنى جۇبانتارلىعى، وسى كەزەكتى ىندەت تۋىلعاننان بەرى، شينجياڭنىڭ قاتىستى جەرگىلىكتى ورىندارى، تاراۋلارى شاپشاڭ، جىلى شۋاقتى شارالار قولدانىپ، ساياحاتشىلارعا جان - جاقتى قىزمەت وتەپ، ساياحاتشىلاردىڭ ىندەتتەن ساقتانۋ ساياساتىنا دەگەن ءتۇسىنۋى مەن قولداۋىنا يە بولدى.

دامۋدا نازاردى ۇزاق بولاشاققا سالىپ، حالىق تىلەگى قىزمەتىن تىڭعىلىقتى ىستەپ، ءار ساياحاتشىعا قامقورلىق جاساساق، ءبىز، ءسوز جوق، ”شينجياڭ جاقسى جەر“ دەگەن تاماشا اتتىڭ ۇددەسىنەن شىعا الامىز.

(”لەپتى لەبىز“ ماقالا جولداۋ پوچتا ساندىعى: xjrbplb@126.com)