”قار - مۇزدىڭ كوركى شينجياڭدا“ اتىنداعى قىسقى ساياحاتتى ۇگىتتەۋ، جالپىلاستىرۋ ماۋسىمى باستالدى
12 - ايدىڭ 18 - كۇنى ارتيستەر ”قار - مۇزدىڭ كوركى شينجياڭدا“ اتىنداعى قىسقى ساياحاتتى ۇگىتتەۋ، جالپىلاستىرۋ ماۋسىمىنىڭ باستالۋ سالتىندا ايداعار ءبيىن بيلەۋدە.
□ سۋرەتتى جاڭ زىحۋان تۇسىرگەن
انار بۇلت \ شينجياڭ گازەتىنىڭ ءتىلشىسى جاڭ شياۋمي 12 - ايدىڭ 18 - كۇنى ۇرىمجىدەن حابارلايدى. 12 - ايدىڭ 18 - كۇنى 2022 - جىلعى ”قار - مۇزدىڭ كوركى شينجياڭدا“ اتىنداعى قىسقى ساياحاتتى ۇگىتتەۋ، جالپىلاستىرۋ ماۋسىمىنىڭ باستالۋ سالتى شينجياڭ جىبەك جولى حالىقارالىق دەمالىس ورنىندا باستالدى.
وسى رەتكى قىسقى ساياحاتتى ۇگىتتەۋ، جالپىلاستىرۋ ماۋسىمى قازىردەن باستاپ كەلەر جىلعى 5 - ايعا دەيىن جالعاسادى، وسى مەزگىلدە قار - مۇز ساياحاتىن نەگىز ەتكەن 180 ءتۇرلى قيمىل وتكىزىلەدى، وندا كوكتەم مەرەكەسىنە ارنالعان ساۋىق كەش، ينتەرنەت جەلىسىندەگى جانە ينتەرنەت جەلىسىنەن تىسقارعى ”قىستاق كەشى“، بەيزاتتىق مادەنيەت مۇرالارى قويىلىمى، مەرەكەلىك بۇيىمدار ۇلكەن بازارى، يۋانشياۋ شىراق جارمەڭكەسى سياقتىلار وتكىزىلەدى، بۇدان سىرت، قارلى دالاداعى بايگە، كوكبار تارتۋ، قىز قۋار، ساداق اتۋ، كۇرەس، ات شانا، ۇلتتىق كيىم - كەشەك كورمەسى، ۇلتتىق سالت - سانا تويى سياقتى ەرەكشە ۇلتتىق سالت - سانا مادەنيەت قيمىلدارى دا بار، قيمىل فورماسى الۋان ءتۇرلى، مازمۇنى باي.
باستالۋ سالتىندا ءبىر توپ ”قار - مۇز جيناقتاما ويىندارىنىڭ“ جەڭىلدىك ساياساتى، قىسقى ساياحاتتىڭ 12 سارا جەلىسى جاريالانىپ، شينجياڭنىڭ ءىشى - سىرتىنداعى ساياحاتشىلارعا 4 ميلليون يۋان كومەك قاراجات شىعارىلىپ، ”شينجياڭدا ءبىر كودپەن ساياحاتتاۋ“ ۋيشين شاعىن باعدارلاماسى ارقىلى 50 مىڭداي قار - مۇز ساياحاتى تۇتىنۋ بەلەتى تاراتىلىپ، ساياحاتشىلاردىڭ ويىن قىزىعىنا شومىپ، كوڭىلدى بولۋىنا مۇمكىندىك جاسالىپ، قىسقى ساياحات رايىنا ونان ارى دەم بەرىلدى.
اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى شۇي رۇيجۇن بىلاي دەدى: ”وسى رەتكى ’قار - مۇزدىڭ كوركى شينجياڭدا‘ قىسقى ساياحاتىن ۇگىتتەۋ، جالپىلاستىرۋ ماۋسىمىنداعى جەلىلەس قيمىلدار جۇڭحۋا مادەنيەتىن تاراتاتىن قاقپا ءارى شينجياڭنىڭ قىسقى ساياحاتىن ايگىلەيتىن تەرەزە سانالادى. ءبىز قار - مۇزدى دانەكەر ەتىپ، تەرەزەنى اشىپ كورىنىس ۇسىنىپ، ەسىكتى اشىپ قوناقتاردى قارسى الىپ، قار - مۇز ساياحاتىنا ۇزدىكسىز جاڭا مازمۇن قوسىپ، قار - مۇز كاسىپ سالاسىنىڭ جاڭا ءورىسىن اشىپ، قار - مۇز سپورتىنىڭ جاڭا ولشەمىن ورناتىپ، شينجياڭنىڭ قار - مۇزىنىڭ مەملەكەت قاقپاسىنان شىعىپ، دۇنيە جۇزىنە بەت الۋىن ىلگەرىلەتەمىز“.
”قار - مۇزدىڭ كوركى شينجياڭدا“، ”ىلە وزەنى اڭعارى ءسىزدى قارسى الادى“، ”قاشقار كونە قالاسى ءسىزدى كۇتىپ وتىر“... باستالۋ سالتىندا شينجياڭنىڭ جەر - جەرىنەن 12 ساياحات كورىنىس ءوڭىرى مەن ساياحات كاسىپورىندارىنىڭ جاۋاپتىلارى بىرلەسىپ، بۇكىل ەل مەن دۇنيەنىڭ جەر - جەرىندەگى دوستاردى شينجياڭعا كەلىپ قوناق بولىپ، قار - مۇز ساياحاتىنىڭ كەرەمەتىن سەزىنۋگە ىقىلاسپەن شاقىردى.