ءۇرىمجى نانشان
ءتۇرلى حالىقتىق تۇسەلحانالار ساياحاتشىلاردى باۋرادى
□ انار بۇلت \ شينجياڭ گازەتىنىڭ ءتىلشىسى جاڭ شياۋمي
قازىر ءۇرىمجىنىڭ نانشان تاۋىنداعى حالىقتىق تۇسەلحانالاردىڭ بارىنەن كوكتەم مەرەكەسىنىڭ قويۋ ءتۇسى مەن مۇندالايدى.
ەسكىشە كالەندار بويىنشا كوكتەم مەرەكەسىنە قاراعان كۇنى، ءۇرىمجى اۋدانى بانفاڭگوۋ قالاشىعى مانتۋشان جۇيحۋايۋان حالىقتىق تۇسەلحاناسىندا بالالار سىرعاناۋ دوڭگەلەگىنە وتىرىپ، سىرعاناۋ جولىندا سىرعاناپ ءجۇر. كەنەت ”تورس“ ەتكەن دىبىس شىقتى، اتا - انالاردىڭ ءتۇستى قاعاز جارقىلداقتارىن اتۋىنا ىلەسە، الۋان رەڭدەگى قاعاز قيقىمدارى مەن بالالاردىڭ كوڭىلدى كۇلكىسى بىرگە قالىقتادى.
شاڭعى جولىنىڭ قاسىنداعى قارلى فۋتبول الاڭىندا حالىقتىق تۇسەلحانانىڭ جاۋاپتىسى ۋاڭ يۇڭحۋ ساياحاتشىلاردى گرۋپپاعا ءبولىپ كوكتەم مەرەكەسىندىك فۋتبول جارىسىن وتكىزگەلى جاتىر، اقشا ورنىنا جۇرەتىن قۇندى قاعاز سياقتى سيلىقتاردى الدىن الا دايىنداپ قويعان ەكەن.
”كوكتەم مەرەكەسىنە قاراعان كۇننەن جاڭا جىلدىڭ 5 - كۇنىنە دەيىن 9 بولمەلى ءۇيدىڭ 8 بولمەسىنە تاپسىرىس كەلىپ بولدى“. بيىل ۋاڭ يۇڭحۋ اۋلاسىنداعى قار - مۇزدى كەرەككە جاراتىپتى: ”ساياحاتشىلار مۇندا كەلگەندە وزگەشە ءبىر جاڭا جىل وتكىزەتىن بولسىن دەگەنىم عوي“، - دەدى ول.
ءۇرىمجى اۋدانى شۇيشيگوۋ قالاشىعى پيڭشيلياڭ قىستاعىنداعى شيانزاي تۇڭچۇي حالىقتىق تۇسەلحاناسى دا تىم وزگەشە ەكەن. بالالاردى نەگىزگى تاقىرىپ ەتكەن سايران باعى ۇلگىسىندەگى وسى حالىقتىق تۇسەلحانادا شاڭعى جولىنا، مۇز ۇيلەرگە، مۇز قابىرعالارعا كوكتەم مەرەكەسى بوساعالىعىن، تەرەزە اشەكەيىن جاپسىرىپتى، بۇل ارانىڭ مەرەكەلىك ءتۇسى قانىق ەكەن.
1 - ايدىڭ 21 - كۇنى ءۇرىمجى قالاسىنىڭ تۇرعىنى ۋاڭ جيان ۇيىندەگىلەردى ەرتىپ حالىقتىق تۇسەلحاناعا كەلدى، 4 جاستاعى قىزى ۋاڭ ي - ي حالىقتىق تۇسەلحانا باسقارۋشىسى گۋان فەيفەيدىڭ جەتەكشىلىگىندە ادەمى تەرەزە اشەكەيىن قيىپ جاسادى. ”بۇل ارادا كوپتەگەن جاڭا جىلدىق جوسىن - جورالعى قيمىلدارى وتكىزىلەدى ەكەن، بالالار دا ءبىزدىڭ كىشكەنە كەزىمىزدەگى جاڭا جىل اسەرىمىزدى سەزىنسىن“، - دەدى ۋاڭ جيان.
اۋلاداعى مۇز ءۇيدى گۋان فەيفەي مەن قىزمەتتەستەرى 70 سۋلياۋ قوراپشاعا مۇز كەرپىش قاتىرىپ، ءبىر اپتادان استام ۋاقىت جۇمساپ، بىردەن - بىردەن قالاپ شىعىپتى. بالالاردىڭ ءبارى ونىڭ ىشىنە ”تۇنەپ شىققان“ بولىپ ويناپ ءجۇر.
قار - مۇز قيمىلدارىنان سىرت، ەسكىشە كالەندار بويىنشا 12 - ايدىڭ 28 - كۇنىنەن باستاپ، وسى حالىقتىق تۇسەلحانا قولمەن بوساعالىق جازۋ، تەرەزە اشەكەيىن قيىپ دايىنداۋ قيمىلدارىن ۇيىمداستىردى، بۇدان سىرت، كوكتەم مەرەكەسىندىك قىستىرما گۇلدەردى جاساۋ، الاۋ كەشىن وتكىزۋ سەكىلدى قيمىلداردى وتكىزىپ، جاڭا جىلدىڭ 7 - كۇنىنە دەيىن جالعاستىرادى ەكەن. وسى حالىقتىق تۇسەلحانانىڭ جاۋاپتىسى مياۋ يۇي بىلاي دەدى: ساياحاتشىلارعا سالتتىق سەزىمگە تولى كوكتەم مەرەكەسىن سومداۋدى ءۇمىت ەتتىك، ”ءداستۇرلى قولونەر، دىر - دۋمان، مەرەكە شاتتىعىن قۋانا تويلاۋ دەگەننىڭ ءبارى بار، ساياحاتشىلاردىڭ ۇيدە جاڭا جىلدى تويلاۋىنا جانە سۇيىسپەنشىلىككە تولى ادامگەرشىلىكتى سەزىنۋىنە مۇمكىندىك تۋدىرامىز“.
كوكتەم مەرەكەسىنە قاراعان كۇنگى تۇنگى اس − كوكتەم مەرەكەسىندەگى ماڭىزدى بۋىن. لىيە حالىقتىق تۇسەلحاناسىنىڭ قۇرۋشىسى جوۋ چىڭ 10 كۇننىڭ الدىندا كوكتەم مەرەكەسىنە قاراعان كۇنگى تۇنگى استىڭ دايىندىعىنا كىرىسكەن بولاتىن. ونىڭ شۇيشيگوۋ مەن بانفاڭگوۋدە دە دۇكەنى بار، جيىنى 15 بولمەلى ءۇي. كوكتەم مەرەكەسىنە قاراعان كۇننەن كوكتەم مەرەكەسىنىڭ 3 - كۇنىنە دەيىن تۇسەلحانا تۇگەلدەي تاپسىرىس قابىلداپ بولدى، كوكتەم مەرەكەسىنىڭ 1 - كۇنىنەن 6 - كۇنىنە دەيىن، ءار كۇنى تاماققا تاپسىرىس بەرگەن ساياحاتشى 160 ادام اينالىسىندا ەكەن.
حالىقتىق تۇسەلحانا اشقالى 4 جىل بولىپتى، بيىل جوۋ چىڭ ”نانشان تاۋى دامىنە“ يە ەكى ءتۇرلى جاڭا جىل كەشى تاعامىن شىعاردى، نانشان جەرگىلىكتى تاۋىق سورپاسى، تيانپانزى، مەرۋەرت دومالاقتاماسى دەگەننىڭ ءبارى تاعام تىزىمدىگىندە تۇر. جوۋ چىڭ كوكتەم مەرەكەسى كەزىندە ءوزىنىڭ شۇيشيگوۋدەگى دۇكەنىنىڭ اينەك بولمەسىنىڭ ىشىندە جۇلدىزدى اسپان مۋزيكا كەشىن وتكىزەتىندىگىن، بانفاڭگوۋدەگى دۇكەنىندە الاۋ كەشى ساۋىعىن وتكىزەتىندىگىن ايتتى.
قازىر ءۇرىمجى اۋدانىندا تيجارات جۇرگىزەتىن حالىقتىق تۇسەلحانادان 108ى بار بولىپ، جاڭا جىل وتكىزىپ قونىپ قايتۋعا الدىن الا تاپسىرىس العانى ％90 مولشەرىندە، ءبىر ءبولىم حالىقتىق تۇسەلحانالاردا ورىن قالماپتى.