汉文 ىلە اقپارات تورابىنا حوش كەلدىڭىزدەر!
كوكتەم مەرەكەسى دەمالىسىندا ىلەنىڭ قابىلداعان ەل ٴىشى ساياحاتشىلارى جيىنى 983 مىڭ 200 ادام - رەت بولدى
2023-01-30 10:28:05     كورىلىم:رەت كەلۋ قاينارى:ىلە گازەتى  جاۋاپتى رەداكتور:جاڭىلقان قوجا قىزى

كوكتەم مەرەكەسى دەمالىسىندا ىلەنىڭ قابىلداعان ەل ٴىشى ساياحاتشىلارى جيىنى 983 مىڭ 200 ادام - رەت بولدى

سايكەس مەزگىلدەگىدەن %24.95 ارتتى

微信图片_20230128204810.jpg

1 - ايدىڭ 24 - كۇنى تۇستەن كەيىن قۇلجا قالاسىنان كەلگەن ٴدىليار ٴابدۋالي وتباسىنداعىلار سايرام - كەڭساي كورىنىس رايونىنداعى الاڭقىدا ٴبىر جاعىنان وتتىقتى قازان تاعامىن جەپ، ٴبىر جاعىنان تاياۋ ماڭداعى كەڭساي كوپىرىنىڭ كوركەم كورىنىسىن تاماشالادى. كوكتەم مەرەكەسى دەمالىسىندا ادامدار ۇيلەرىنەن ۇزاپ شىعىپ، كورىنىس رايوندارىن ارالاپ، كوركەم كورىنىستەردى تاماشالاپ، قار - مۇز ويىندارىنان ٴلاززاتتانىپ، وتباسىنداعىلارمەن بىرگە  سەيىل - سەرۋەن قۇرىپ، كوكتەم مەرەكەسىن قارسى الىپ، قار - مۇز ساياحاتىن باستادى.    سۋرەتتى ٴتىلشىمىز ليۋ چۇنشيڭ تۇسىرگەن 

ٴتىلشىمىز لۋ جۇڭ حابارلايدى. بيىلعى كوكتەم مەرەكەسىندە قار - مۇز ويىنىن تاماشالاۋ قىزۋ ورلەۋگە كوتەرىلىپ، ىلە وبلىسىنا توتە قاراستى اۋدان، قالالارداعى قار شاڭعى الاڭى، كونكي الاڭى سياقتى قار - مۇز سپورتى ورىندارىندا ساياحاتشىلار ٴيىن تىرەستى. سونىمەن بىرگە، ٴارقايسى كورىنىس وڭىرلەرىنىڭ قىسقى كوركەم كورىنىسى جانە بەيزاتتىق مادەنيەت مۇرالارى، ۇلتتىق سالت - سانا مادەنيەتىن سەزىنۋ قيمىلدارى دا كوپتەگەن ساياحاتشىلاردى باۋرادى.

1 - ايدىڭ 27 - كۇنى وبلىستىق مادەنيەت - ساياحات مەكەمەسىنەن ۇعىسۋىمىزشا، 1 - ايدىڭ 21 - كۇنىنەن 27 - كۇنىنە دەيىن وبلىسقا توتە قاراستى ورىنداردىڭ قابىلداعان ەل ٴىشى ساياحاتشىلارى جيىنى 983 مىڭ 200 ادام - رەت بولىپ، سايكەس مەزگىلدەگىدەن %24.95 ارتقان، ساياحات كىرىسى 539 ميلليون يۋانعا جەتىپ، سايكەس مەزگىلدەگىدەن %25.84 ارتقان.

سوڭعى جىلدارى توعىزتاراۋ اۋدانى قار - مۇز ساياحاتىنا سايكەستى قىزمەت وتەۋدى ۇزدىكسىز ساپالىلاندىردى، شاڭعى تەبۋ بيىلعى كوكتەم مەرەكەسى ساياحاتىنداعى جاڭا سالتقا اينالدى. توعىزتاراۋ اۋدانىنىڭ ىلگىداي قار شاڭعى الاڭىندا ۇيرەنشىك شاڭعى جولى، جوعارى دارەجەلى شاڭعى جولى، بالالار شاڭعى جولى جانە جاتتىعۋ رايونى بار، 5000 ادام قار شاڭعى ويناي الادى. كوكتەم مەرەكەسى كەزىندە، ساياحاتشىلار قاۋىرت كوبەيگەندىكتەن، قار شاڭعى الاڭى ەرەكشە دۋمانعا بولەنگەن، ونان دا ماڭىزدىسى، تاجىريبەلى قار شاڭعى اۋەسكەرلەرى كاسىپتىك جابدىقتارىن الا بارىپ وسى ارادا جاڭا جىلداعى العاشقى شاڭعى تەبۋدى باستاعان.

كوكتەم مەرەكەسى دەمالىسىندا موڭعۇلكۇرە اۋدانى قار شاڭعى الاڭىنىڭ ساياحاتشىلاردى قابىلداۋ زالىندا بەلەت ساتىپ الاتىن، قار شاڭعى جابدىقتارىن الاتىن قار شاڭعى اۋەسكەرلەرىنىڭ اياعى ۇزىلمەدى، قار شاڭعى الاڭىنان شاتتىق ٴۇنى تولاستامادى.

مەرەكە كەزىندەگى ساياحاتشىلاردىڭ قاۋىرت مەزگىلىنە توتەپ بەرۋ ٴۇشىن، موڭعۇلكۇرە اۋدانىنىڭ قار شاڭعى الاڭى جابدىق - قۇرىلعىلار جانە سايكەستى اۆتوكولىك توقتاتۋ قىزمەت وتەۋى جاعىندا ەرتە جوسپار جاساپ، قار شاڭعى اۋەسكەرلەرىنىڭ قار - مۇزدى تاماشالاۋىنا، قار - مۇز ويىنىن ويناۋىنا، قار - مۇز شاتتىعىنا شومۋىنا مۇمكىندىك جاسادى. قار شاڭعى اۋەسكەرى جۇپار اقجول قىزى بىلاي دەدى: «بۇل ارادا دوستارىممەن وتە كوڭىلدى وينادىم، قار دوڭعالاعى، قارلى القاپ موتوتسيكلى سياقتى تۇرلەر قىزىقتى ەكەن، ويناپ، سىناپ كورۋگە تاتيدى. كوكتەم مەرەكەسى دەمالىسىندا قار - مۇز سپورتىنا قاتىناسۋ ەرەكشە كوڭىلدى ٴىس بولدى».

وسى كوكتەم مەرەكەسىندە ۇلتتىق سالت - سانا، مادەنيەت قيمىلدارى ىلەگە قويۋ مەرەكەلىك لەپ قوستى.

1 - ايدىڭ 20 - كۇنى ساعات 19 دان 30 مينۋت وتكەندە قۇلجا قالاسىنىڭ «شۇعىلا شاشقان تيانشان . باقىت نارلەندىرگەن شينجياڭ» اتىنداعى كوكتەم مەرەكەسىنە ارنالعان شام كورمەسى التىشۋار كورىنىس وڭىرىندە شىمىلدىعىن اشتى، اشەكەيلى شامدار سامالاداي جارقىراپ، تۇنگى كورىنىستەر ادامدى وزىنە باۋراپ، ساياحاتشىلار مەن كوپتەگەن قالا تۇرعىندارىن ايالداپ تاماشالاۋعا، سۋرەتكە ٴتۇسىپ ەستەلىك قالدىرۋعا باۋرادى.

سول كۇنى قاقاعان سۋىق بولسا دا، ساياحاتشىلاردىڭ، قالا تۇرعىندارىنىڭ شىراقتى تاماشالاۋ قىزعىندىلىعىن باسا المادى. «كوكتەم مەرەكەسىنە ارنالعان شامدار قۇلجا قالاسىنا قويۋ مەرەكەلىك لەپ سيلادى» دەدى قالا تۇرعىنى لي شۋفاڭ تىلشىگە.