بيىل 1 - ايدان بەرى اۆتونوميالى رايوندىق دامۋ جانە رەفورما كوميتەتى بۇكىل شينجياڭنىڭ 14 ايماعىندا (وبلىس، قالا) ساياحات كورىنىس ءوڭىرىنىڭ قىزمەت وتەۋ اقىسىن قاداعالاۋ - ساراپتاۋ قىزمەتىن ورىستەتتى.

وسى رەتكى تەكسەرۋ وبيەكتىسى ۇكىمەتتىڭ جەتەكشى باعاسى مەن بازاردىڭ رەتتەۋ باعاسىن اتقارعان كورىنىس وڭىرلەرى، تەكسەرۋ مازمۇنى كورىنىس ءوڭىرىنىڭ اتاۋى، كورىنىس ءوڭىرىنىڭ دارەجەسى، باعا باسقارۋ ۇلگىسى، رەتتەۋدىڭ الدى - ارتىنداعى باعاسى، باعانى رەتتەۋ ءتارتىبى سياقتىلاردى قامتيدى، تەكسەرۋدەگى ماڭىزدى ءتۇيىن ساياحات كورىنىس ءوڭىرىنىڭ بەلەت باعاسى، سونداي - اق سايكەستى قۇرىلعىلارى قىزمەت وتەۋ اقىسى.

تەكسەرۋ ناتيجەسىنەن مىناداي قورىتىندى شىعارىلدى: تەكسەرۋگە ساياتىن 324 ساياحات ءوڭىرى جانە تاماشالاۋ ءتۇيىنىنىڭ ەسىك بەلەتى، اۋماق ارالىق اۆتوكولىك بەلەتتەرىندە ەكى جىلدان بەرى باعا ءوسىرۋ احۋالى بولماعان، «اۆتونوميالى رايوننىڭ ساياحات كورىنىس ءوڭىرى ەسىك بەلەتىن جانە قاتىستى قىزمەت وتەۋ باعاسىن باسقارۋ ادىسىنە» ساي ازايتۋ، كەشىرىم ەتۋ تيىمدىلىك ساياساتتارىن دايەكتىلەندىرىپ وتىرعان.

اۆتونوميالى رايوندىق دامۋ جانە رەفورما كوميتەتى ساياحات بازارى باعاسىن باقىلاۋ - باسقارۋ، رەتتەۋدى اناعۇرلىم كۇشەيتىپ، جەر - جەردىڭ ساياحات بازارى باعاسىن قاداعالاۋ - ساراپتاۋىن كۇشەيتۋىنە جەتەكشىلىك ەتىپ، دەر كەزىندە ساقتىق ينفورماتسياسىن جاريالاپ وتىرادى، اسىرەسە، ”شەكتەن تىس قىمبات قونالقى“، ”شەكتەن تىس قىمبات اس - سۋ“ سياقتىلاردى قاداعالاۋ، سونداي - اق جونگە سالۋ تەبىنىن ارتتىرىپ، ساياحات بازارى باعاسىنىڭ لايىقتى، ارەكەتىنىڭ ولشەمدى بولۋىن اناعۇرلىم جەبەپ، ساياحات بازارى باعاسىنىڭ ءتارتىبىن شىنايى قورعايدى.

كوكتەم مەرەكەسى كەزىندە شينجياڭ ساياحاتى پارمەندى تۇردە تۇلەجىدى. قار - مۇزدىڭ قىزۋى، اسەمونەر سارايىنىڭ قىزۋى، مۇراجايدىڭ قىزۋى، جاڭا جىل مەرەيىنىڭ قىزۋى قاتار كوتەرىلدى، 7 كۇندە تۇتاس شينجياڭ جيىنى 4 ميلليون 781 مىڭ 900 ادام (رەت) ساياحاتشى قابىلداپ، سايكەس مەزگىلدەگىدەن %32.79 ارتتى؛ 3 ميلليارد 551 ميلليون يۋان ساياحات كىرىسىن كىرگىزۋدى جۇزەگە اسىرىپ، سايكەس مەزگىلدەگىدەن %35.11 ارتتى. ىندەت جاعدايىنان بەرگى ەڭ تەز قالپىنا كەلۋ سيپاتتى ارتۋدى جۇزەگە اسىردى.

مەيتۋان ساناعىنا نەگىزدەلگەندە، كوكتەم مەرەكەسى كەزىندە ”شينجياڭدىقتاردىڭ شينجياڭدى ساياحاتتاعان“ جاعدايىنان تىس، چىڭدۋ، شي - ان، بەيجيڭ، شاڭحاي، شىنجىن قاتارلى جەرلەردەن كەلگەن ساياحاتشىلار شينجياڭ ساياحاتىنىڭ جاندانۋىنا پارمەندى كۇش ۇستەدى.

قار - مۇز ساياحاتىن جەتەكشى ەتكەن شينجياڭنىڭ ساياحات كاسىبى تىڭ سەرپىن بايقاتتى. ءارقايسى ايماق، وبلىس، قالالار، سونداي - اق ساياحات كاسىبى سالاسىنداعىلار تۇتاس جىلدا ”200 ميلليون ادامنان (رەت) استام ساياحاتشى قابىلداۋعا كۇش سالۋ“ نىساناسىنا كوز تىگىپ، ساياحاتتى بەلسەنە جوسپارلاپ، ساياحاتتى كۇش سالا دامىتىپ، قار - مۇز قىزۋ ورلەۋىنىڭ ”تۇتاس جىلدا تابىستى بولۋىنا“ قۇلشىنا كۇش قوسادى. (ءتىلشى گو ليڭ)

”انار بۇلتتان“ اۋدارىلدى