سۋرەتتە: تاياۋدا نارات كورىنىس رايونىنىڭ اقوزەن جايلاۋىندا گۇل تاماشالاپ، سەرۋەندەپ جۇرگەن ساياحاتشىلار.

ليۋ چۇنشيڭ فوتوسى

4 - ايدىڭ 25 - كۇنى مادەنيەت جانە ساياحات مينيسترلىگىنىڭ ۇكىمەت سايتىندا جاريالاعان «مەملەكەتتىك ساياحاتتى ولشەمدەندىرۋ تەحنيكاسى كوميتەتىنىڭ 2 - توپتاعى مەملەكەت دارەجەلى وركەنيەتتى ساياحاتتان ۇلگى كورسەتەتىن ورىنداردى باعالاۋ ناتيجەسى جونىندەگى حابارلاندىرۋى» اياقتالدى، ٴوتىنىش ەتكەن 66 ورىن مەملەكەت دارەجەلى وركەنيەتتى ساياحاتتان ۇلگى كورسەتەتىن ورىن ولشەمىنە جەتتى. مۇنىڭ ىشىندە ىلە قازاق اۆتونوميالى وبلىسىنىڭ نارات كورىنىس رايونى «2 - توپتاعى مەملەكەت دارەجەلى وركەنيەتتى ساياحاتتان ۇلگى كورسەتەتىن ورىن» بولىپ تاڭدالدى.

2022 - جىلى نارات كورىنىس رايونى مەملەكەتتىڭ تۇڭعىش توپتاعى مەملەكەت دارەجەلى ساياحاتقا قىزمەت وتەۋدى ولشەمدەندىرۋدەن ۇلگى كورسەتۋ نىسانىنا ەنگىزىلگەن، سونداي - اق «1 - توپتاعى اۆتونوميالى رايون دارەجەلى وركەنيەتتى ساياحاتتان ۇلگى كورسەتەتىن ورىن» سياقتى داڭقتى اتاققا يە بولدى. وسى جولى «2 - توپتاعى مەملەكەت دارەجەلى وركەنيەتتى ساياحاتتان ۇلگى كورسەتەتىن ورىن» بولىپ باعالانۋى - نارات كورىنىس رايونىن تۇراقتاندىرعاندىق جانە مويىنداعاندىق، سونداي - اق كورىنىس رايونىنىڭ بۇدان بىلايعى قىزمەتىنە ٴتىپتى دە جوعارى تالاپ قويعاندىق سانالادى.