汉文 ىلە اقپارات تورابىنا حوش كەلدىڭىزدەر!
التىشۋار كوشەسىنە بارىپ، ”بۇل قالانى ۇناتىپ قالدىم“ اتىنداعى فوتو سۋرەت كورمەسىن تاماشالاڭىز
2023-05-31 11:22:48     كورىلىم:رەت كەلۋ قاينارى:ىلە گازەتى  جاۋاپتى رەداكتور:جاڭىلقان قوجا قىزى

ٴتىلشىمىز ۋاڭ جىحۋا حابارلايدى. تاۋ - وزەننىڭ اسەم كوركىن ەستەمە ەتىپ، ساۋلە شاشقان شۇعىلادان جاقسى ەستەلىك الۋ كەرەك. 5 ـ ايدىڭ 19 ـ كۇنى قۇلجا قالاسىنىڭ ”بۇل قالانى ۇناتىپ قالدىم“ اتىنداعى فوتو سۋرەت كورمەسى ادامدار قايشالىسقان التىشۋار كوشەسى كورىنىس وڭىرىندە وتكىزىلدى. ادامدار جەرگىلىكتى فوتوگرافتار مەن فوتو اۋەسكەرلەرىنىڭ اپپارات كوزىمەن تۇسىرگەن ٴبىر - بىرلەگەن فوتو سۋرەت تۋىندىلارى ارقىلى قۇلجا قالاسىنىڭ حيكىمەت كورىنىسىن، گۋمانيتارلىق تاريحىن، ەكونوميكالىق دامۋىن، قالا قۇرىلىسىن، مادەنيەت قۇرىلىسىن، قوعامدىق دامۋ جەتىستىكتەرىن تاماشالاپ، قۇلجا قالاسىنىڭ وزگەشە قالا كەلبەتى مەن گۋمانيتارلىق رۋحىن سەزىندى.

وسى رەتكى فوتو سۋرەت كورمەسى − ”كورىكتى جۇڭگو، كوڭىلدى ساپار“ اتىنداعى قۇلجا قالاسىنىڭ ”19 - مامىر جۇڭگو ساياحات كۇنى“ جەلىلەس قيمىلدارىنىڭ ٴبىرى، بۇل قيمىلدى قۇلجا قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى ۇيىمداستىرعان، قۇلجا كورىنىس رايونىن باسقارۋ كوميتەتى، قۇلجا قالاسى ازات جولى ٴمالى باسقارماسى، قۇلجا قالالىق فوتوگرافتار قوعامى، بيڭتۋان 4 - شىسى كوكدالا قالالىق فوتوگرافتار قوعامى سەلبەسكەن، قۇلجا قالالىق مادەنيەت سارايى جاۋاپتى بولىپ وتكىزگەن، 80 پارشا ٴتۇرلى تارتىمدى فوتو سۋرەت تۋىندىسى كورمەگە قويىلعان. كورمەنىڭ ۋاقىتى سول كۇننەن باستاپ 6 - ايدىڭ 1 - كۇنىنە دەيىن جالعاسادى.

تاريحتىڭ تىڭ جورىعىندا قۇلجا قالاسى تولىق سەنىممەن بىرتىندەپ ىلگەرىلەپ، قارىشتاپ دامۋدى جۇزەگە اسىرىپ، عىلىم ـ تەحنيكا، ەكولوگيا، گۋمانيتارلىق مادەنيەت سياقتى وزگەشە بەينەمەن شار تاراپتان كەلگەن قوناقتاردى قارسى الدى؛ قىزمەت ورنىن ٴسۇيىپ، كاسىپتى قاستەرلەگەن، ايانباي ۇلەس قوسقان قۇرىلىسشىلار ٴداۋىردىڭ ەڭ زور ٴۇنىن اسقاقتاتتى؛ سۋى تۇنىق، جاعاسى جاسىل كوركەم كورىنىس جانە اق كوڭىل، قاراپايىم حالىقتىڭ جەرگىلىكتى سالت ـ ساناسى ارناسىن تاۋىپ، ەستەلىككە الىندى، جىرلاندى. فوتوگرافتار نازارىن سۋى تۇنىق، جاعاسى جاسىل جەلەك جامىلعان قالا - اۋىل كەلبەتىنە، جالىنداعان قىزمەت ورتاسىنا جانە الۋان ٴتۇستى تۇرمىستىق كورىنىستەرگە اۋدارىپ، فوتو اپپارات كوزىندە بەينەلەنگەن تاماشا ٴومىر ساتتەرىن ەستەلىككە الدى.

قۇلجا قالاسىنىڭ تۇرعىنى ليۋ ليجۋان فوتو سۋرەت كورمەسىن كورگەننەن كەيىن تەبىرەنە: ”بۇل تۋىندىلار قۇلجا قالاسىنىڭ ەڭ كوركەم بەت - بەينەسىن ايگىلەگەن، مەن وسىنداي جەردە تۇرمىس كەشىرىپ جاتقاندىعىمدى ماقتانىش سەزىنەمىن“ دەدى.

شانشيدەن كەلگەن ساياحاتشى ما لي ٴبىر جاعىنان، فوتو سۋرەت تۋىندىلارىن كورىپ، ەندى ٴبىر جاعىنان، جانىنداعى دوستارىنا مىنا جەرلەرگە مەن بارىپ كورگەنمىن دەپ تانىستىردى، ول: ”مەنىڭ ىلەگە 2 ـ رەت ساياحاتتاي كەلۋىم، بۇل جەردىڭ جاراتىلىستىق كورىنىسى مەن ۇلتتىق سالت ـ ساناسىن ەرەكشە ۇناتامىن. ىلە قايتا - قايتا كەلىپ كورۋگە تاتيتىن جەر“ دەدى.

约起,去六星街看“爱上这座城”摄影展1.jpg

سۋرەتتە: ساياحاتشىلار فوتو سۋرەت كورمەسىن تاماشالاۋدا.

سۋرەتتى ۋاڭ جىحۋا تۇسىرگەن.