ەرىكتى ٴتىلشى فۋ جوۋمين، حاۋ ي - ران، يۇي ميڭجياڭ قورعاستان حابارلايدى. تاياۋدا قورعاس اۋدانىنىڭ تۇڭعىش كەزەكتى جۇپار ٴشوپ قارلى تاۋ مۋزيكا فەستيۆالى لۋساۋگۋ قالاشىعىنىڭ قوڭىر قىستاعى مۋزيكا الاڭىندا شىمىلدىعىن اشتى.

وسى رەتكى مۋزيكا فەستيۆالى ورتالىق تەلەۆيزياسىنىڭ شولپاندار ارناسىنداعى جۇلدىزداردى جانە شينجياڭداعى ەڭ ىقپالدى انشىلەردى، وركەسترلەردى ۇسىنىس ەتىپ، اتى زاتىنا ساي مۋزيكا سالتاناتىن قۇردى. مۇندا ياڭ فان، ان يۇيچيبيڭ، ارفا، حۋاڭ چيۋىن، جوۋ ليجىن، ۋاڭ حايياڭ، جاڭ ۋي، ياڭ زى - ۋىنچي قاتارلى ۋاكىلدىك سيپاتقا يە انشىلەر، وركەسترلەر بار، مۇندا حالىقتىق اۋەن، روك، جەرگىلىكتى سارىن، ۇلتتىق، الەمدىك مۋزيكا سياقتى كوپ نەگىزدى مۋزيكا ستيلى ٴوزارا توعىستىرىلىپ، مۋزيكا فەستيۆالىنىڭ ناق مايدانىندا جاڭا دا جالىندى، كوپ نەگىزدى مادەنيەت ارقىلى قورعاس قالاسىنىڭ تۇنگى اسپانىنا جارىق شاشتى.

كورەرمەن جوۋ جيڭيۇڭ بىلاي دەدى: ”ٴبىز جۇپار ٴشوپ قارلى تاۋ مۋزيكا فەستيۆالىنا كەلدىك، ناق مايدان ەرەكشە جاقسى بولدى، بۇدان كەيىن وسىنداي قيمىلداردى كوبىرەك وتكىزۋدى ٴۇمىت ەتەمىز“. كورەرمەن فۋ ايجين بىلاي دەدى: ”مۋزيكا فەستيۆالى بار دەگەندى ەستىپ، قوڭىر قىستاعىنا ارنايى كەلدىم. وتە دۋماندى بولىپ جاتىر، قاتتى قۋانىشتامىن“.

ارتيست، ٴانشى ارفا بىلاي دەدى: ”قورعاس اۋدانى لۋساۋگۋ قالاشىعىنا كەلگەنىمە ەرەكشە قۋاندىم، بۇل جولى كوپشىلىككە تارتىمدى ويىن كورسەتتىم، سونىمەن بىرگە، ٴالى جاريالانباعان اندەرىمدى الا كەلدىم. بۇكىل ەلدىڭ جەر - جەرىندەگى دوستاردىڭ قورعاس قالاسىنا ساياحاتتاي كەلىپ، قورعاس قالاسىن تاماشالاۋىن ٴۇمىت ەتەمىن“.

وسى رەتكى مۋزيكا فەستيۆالى 6 - ايدىڭ 30 ـ كۇنىنە دەيىن جالعاسادى، مۇندا تاعى ىقپالداس كوركەمونەر قۇرىلعىلارى، شينجياڭنىڭ ەرەكشە ٴدامدى تاعامدار اس ـ سۋ رايونى سياقتىلار كورەرمەندەرگە تاماشا مۋزيكا سالتاناتىن تانىتۋمەن بىرگە، شينجياڭنىڭ ەرەكشە تاعامدارىنان ٴدام تاتىرادى.

لۋساۋگۋ قالاشىعىنىڭ جاۋاپتىسى بىلاي دەدى: ”كوپتەگەن شولپان قوڭىر قىستاعىندا تارتىمدى ويىن كورسەتىپ، كورەرمەندەردى باستاپ، <مۋزيكالى قوناعاسى + شاتىردا تۇنەۋ + جۇپار ٴشوپ گۇلدى القابى + ەرەكشە ٴدامدى تاعام + دوستاسۋدى> نەگىز ەتكەن اسەرلى سەزىم، دالا قىزىعى، حوش ٴيىس ىزدەۋ، ٴدام تاتۋ، دوستاسۋ ساپارىن باستاپ، قورعاستىڭ رومانتيكاسىن سەزىندىرەدى“.

تۇڭعىش ويىن قويىلعان كۇنى شينجياڭ گازەتىنىڭ انار بۇلت، ىلە ٴنول ارالىعى، ىلە تارالىمى، ىلە گازەتى . كوركەم ىلە، وبلىسقا توتە قاراستى اۋدان، قالالاردىڭ توعىسپالى مەديا ورتالىقتارى، سونداي ـ اق قورعاس توعىسپالى مەدياسىنىڭ دوۋيىن، جۇپار قورعاس كەسكىن ٴنومىرى، قورعاس جاقسى جەر جانە توعىسپالى مەديادا جۇزدەسەيىك جەلىلەس نەگىزگى تاراتۋ سياقتى 20 نەشە توراپ تەكشەسى تۇتاس بارىستى تىكە تاراتىپ، جەلىدەگى كورەرمەندەرگە ناق مايدانداعى اسەرلى ساتتەردى توتە جەتكىزدى.

مۋزيكا فەستيۆالىنان كورىنىستەر. يۇي ميڭجياڭ فوتوسى