تىلشىلەرىمىز لاي يۇينيڭ، جاڭ چيڭحۋا حابارلايدى. ساياحاتتىڭ قاۋىرت مەزگىلىنىڭ كەلۋىمەن توعىزتاراۋ اۋدانى كولدەنەڭ كورىنىس رايونىندا ساياحاتشىلار ٴيىن تىرەستى. ساياحاتتىڭ قاۋىرت مەزگىلى كولدەنەڭ قالاشىعىنىڭ حالىقتىق تۇسەلحاناسىن جانداندىرا ٴتۇستى. 5 - ايدان بەرى وسى قالاشىقتاعى ساياحاتشى سانى ۇزدىكسىز ارتتى.

كولدەنەڭ قالاشىعى تاقىرتۇبەك قىستاعىنداعى شياۋ ليڭ ٴار كۇنى حالىقتىق تۇسەلحاناسىنا تۇنەگەن سىرت جەرلەردەن كەلگەن ساياحاتشىلاردى ارالاتىپ، كوركەم كورىنىستى سۋرەتكە ٴتۇسىرۋمەن قاربالاس. ”’1 - مامىر‘ دەمالىسى كەزىندە حالىقتىق تۇسەلحانامىز قوناققا لىق تولدى، ٴبىر ٴبولىمى شينجياڭنىڭ سىرتىنان كەلگەن ساياحاتشىلار، ولاردىڭ ون نەشە كۇن تۇنەگەندەرى دە بار، كەيبىرەۋى كەتىپ قالىپ، قايتا ورالدى، تۇسەلحانامىزدا جەكە تازالىق ٴۇيى، ولشەمدى ۇلكەن توسەگى بار ۇيدەن 13 بولمە بار، كوپتەگەن ساياحاتشى ينتەرنەتتە الدىن الا تاپسىرىس بەرەدى، 5 - ايدان باستاپ الدىن الا تاپسىرىس بەرۋشىلەر كوبەيدى“ دەدى شياۋ ليڭ

حاۋ اي - يۇيدىڭ نازارىندا كولدەنەڭنىڭ ٴتورت ماۋسىمى دا كوركەم. وسى ارانىڭ كورىنىسى مەن اۋىل تۇرمىسىن ۇناتقاندىعىنان بىلتىر ول 2 ميلليون يۋان قارجى قوسىپ، كولدەنەڭ قالاشىعى كوكباق قىستاعىندا شىيۇي حالىقتىق تۇسەلحاناسىن سالعان - دى، 17 بولمەلى بۇل تۇسەلحانا تابيعي اعاشپەن بەزەندىرىلىپ، شاي مادەنيەتى سايكەستى توعىستىرىلعان، وزگەشە ستيلدەگى تۇسەلحانا.

تاياۋدان بەرى بەيجيڭ، شاڭحاي، گۋاڭدۇڭ سياقتى جەرلەردەن كەلگەن ساياحاتشىلار شىيۇي حالىقتىق تۇسەلحاناسىن تاڭدادى، ويتكەنى ولار شىيۇي حالىقتىق تۇسەلحاناسىنىڭ كوركەم ورتاسىن ۇناتۋمەن بىرگە، وسىندا شاي، كوفە ٴىشىپ، اۋىل - قىستاقتىڭ تۇرمىس - تىرشىلىگىنەن ٴلاززاتتانۋدى ۇناتادى.

ساياحاتشىلاردى كولدەنەڭنىڭ وزگەشە كوركەم كورىنىسىنەن ٴلاززاتتاندىرۋ ٴۇشىن حاۋ اي - يۇي كوپتەگەن فوتو اۋەسكەرلەرىنىڭ كولدەنەڭنىڭ ٴتورت ماۋسىمداعى كوركەم كورىنىسن تارتقان سۋرەتتەرىن جيناپ، اسحاناعا ٴىلىپ قويدى.

قازىر كولدەنەڭ قالاشىعىندا وزىندىك ەرەكشەلىككە يە، ۇلكەندى - كىشىلى كوشەلەرىنەن جاڭادان نەمەسە كەڭەيتىلىپ سالىنىپ جاتقان حالىقتىق تۇسەلحانالاردى كورەسىز، حالىقتىق تۇسەلحانا كولدەنەڭ قالاشىعىنىڭ ساياحات كاسىبىن دامىتۋىنداعى وزگەشە كورىنىسكە اينالدى. قازىرگە دەيىن قالاشىقتا 34 حالىقتىق تۇسەلحانا سالىندى.

شياۋليڭ شانشى حالىقتىق تۇسەلحاناسى

ساياحاتشىلار شىيۇي حالىقتىق تۇسەلحاناسىندا شاي ىشۋدە

شىيۇي حالىقتىق تۇسەلحاناسىنا تۇسكەن ساياحاتشىلار