□ شۇي چيڭگۋاڭ

5A دارەجەلى كورىنىس ءوڭىرىنىڭ قىزۋ ورلەۋى باسەيگەن جوق، مۋزيكا فەستيۆالىندا ادام ءيىن تىرەستى، شينجياڭ اۋەجايىنىڭ كۇندىك جولاۋشى مولشەرى 150 مىڭ ادام (رەت) بولىپ جاڭا ورە جاراتتى... جىل باسىنان بەرى شينجياڭ ساياحاتىنىڭ دامۋى ۇزدىكسىز جاقساردى، جاز كىرىسىمەن اۋەلى اسا دۋماندى جاعداي جارىققا شىقتى. نەعۇرلىم وسىنداي بولعان سايىن، سولعۇرلىم تاباندىلىقتان جازباي، ءتۇرلى قىزمەتتى ەگجەي - تەگجەيلى، ناقتى ىستەپ، شينجياڭ ساياحاتى دامۋىنىڭ تاماشا بەتالىسىن كۇش بىرىكتىرە جاقسى ساقتاۋىمىز كەرەك.

ساياحاتتىڭ قاۋىرت ارتۋى جەر - جەردىڭ دامۋى جونىنەن العاندا اسا تاماشا ءىس بولعانىمەن، الايدا قىزمەت وتەۋمەن قامداۋ قابىلەتىنە دە ناقتى سىناق اكەلەدى. قاتىناس كولىگىن اۋىستىرۋدىڭ قولايلى - قولايسىزدىعى، جاتىن ءۇيدىڭ تىنىستى بولۋ - بولماۋى، اس - سۋ تازالىعىنىڭ ولشەمگە جەتۋ - جەتپەۋى، حابارلاسۋ سيگنالىنىڭ قالىپتى بولۋ - بولماۋى، كورىنىس ءوڭىرى قابىلداعان ساياحاتشى سانىنىڭ مولشەردەن ارتۋ - ارتپاۋى، ساياحات جەتەكشىسى ساپاسىنىڭ تولىمدى - تولىمسىزدىعى قاتارلىلار ساياحاتشىلاردىڭ اياق باسقان جەرىندەگى اسەرىنىڭ جاقسى - جامان بولۋىنا تىكە ىقپال جاسايدى، سونداي - اق شينجياڭ ساياحاتىنىڭ باياندى بولاشاعىنا تۇبىرىنەن تۇساۋ بولادى. سوندىقتان ءبىز شار تاراپتان ساياحاتشىلاردى ىقىلاسپەن شاقىرۋمەن بىرگە، ونان دا ماڭىزدىسى، ”ءال - كۇيىمىزدى“ ەرتەرەك توپشىلاپ، ”قابىلەتىمىزدى“ ۇشتاپ، ساياحاتشىلاردىڭ رەال قاجەتىن نازارعا الىپ، ولقىلىقتاردى، ءالسىز تۇستاردى جەدەل تولىقتاپ، ”اس - سۋ، قونالقى ورىن، ءجۇرىس - تۇرىس، ساياحات، زات ساتىپ الۋ، كوڭىل اشۋ“ سىندى جالپى فاكتورلىق قامتاماسىزدىقتى كۇشەيتىپ، ۇزدىكسىز كوبەيەتىن ادام اعىنىن قابىلداي الۋعا شىنايى كەپىلدىك ەتۋىمىز كەرەك.

ساياحاتتىڭ اقاۋسىز دامۋى جۇيەلى بازار تارتىبىنەن ايرىلا المايدى. تاماشا بازار ءتارتىبى ساياحات دامۋىنىڭ جان تامىرى، شينجياڭ ساياحاتىنىڭ وبرازى مەن بولاشاعىنا سايادى. بىرنەشە كۇننەن بەرى بۇكىل شينجياڭداعى ايماق، وبلىس، قالالار، كورىنىس وڭىرلەرى، كورىنىس تۇيىندەرى، ساياحات كاسىپورىندارى كوپ ءتۇرلى شارانى قاتار قولدانىپ، قونالقى ورىن، اس - سۋ، ەسىك بەلەتى، كونسەرت سياقتىلاردا باعا ارەكەتى مەن تيجارات قيمىلدارىن كۇش سالا ارناعا ءتۇسىردى، مۇنداعى ماقسات − ساياحاتشىلاردى الداۋ، ساياحاتشىلاردان ارتىق اقشا الۋ جايتتەرىنىڭ تۋىلۋىنان باتىل ساقتانىپ، شينجياڭعا كەلىپ ساياحاتتايمىن دەگەن ساياحاتشىلاردىڭ كوڭىلىن ورنىقتىرۋ. شينجياڭ ساياحاتى دامۋىنىڭ تاماشا بەتالىسىن جاقسى ساقتاۋ ينتەرنەتتە وڭ ەنەرگيانى ساۋلەلەندىرۋدى قاجەت ەتەدى. ءبىر مەزگىلدەن بەرى ينتەرنەتتە كوپتەگەن بلوگشى شينجياڭداعى ساياحات اسەرىمەن بىرلەستىرىپ، كەيبىر الەۋمەتتىك تەكشەلەردە شينجياڭنىڭ جاراسىمدى قوعامدىق تارتىبىنە، كورىكتى تاۋ - وزەندەرىنە، كادىمگى ەل - جەر جاعدايىنا القاۋ ايتتى، ينتەرنەت جەلىسىندە جانە جەلىدەن تىس شينجياڭ حيكاياسىن ويداعىداي ايتىپ، نەگىزگى اۋەندى اسقاقتاتىپ، وڭ ەنەرگيانى ساۋلەلەندىرگەندە، ”شينجياڭ جاقسى جەر“ ماركا وبرازى ونان ارى جارقىراي تۇسەتىن بولادى.

(”لەپتى لەبىز“ ماقالا قابىلداۋ حات ساندىعى: xjrbplb@126.com)