− ىلەدەگى ٴار ۇلت پەرزەنتتەرىنىڭ ٴتۇرلى فورمامەن وتان انانىڭ تۋعان كۇنىن قۇتتىقتاۋ قيمىلىنان قيىقتار

جاڭ چيڭحۋا (ٴوز ٴتىلشىمىز)

قۇلجا قالاسى بينحى «التىن كۇن» بالالار باقشاسىنداعى وقىتۋشى ـ وقۋشىلار مەملەكەت مەرەكەسىن قۇتتىقتاپ، وتانعا باقىت تىلەدى.يان شىحۇڭ فوتوسى

بەس جۇلدىزدى قىزىل تۋ نىلقى اۋدانىنىڭ ۇلكەندى ـ كىشىلى كوشەلەرىندە جەلبىرەدى.  ٴادىلجان فوتوسى

 «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرى ٴار ۇلت بۇقاراسىمەن بىرگە «وتاننىڭ تۋعان كۇنىن قۇتتىقتايمىن» اتىنداعى قۇتتىقتاۋ قيمىلىن وتكىزدى. ۇلپان ماقسات فوتوسى 

قۇلجا دەنە تاربيە سارايىنداعى شام سالتاناتى مەرەكە مەرەيىن اسىردى. ليۋ چۇنشيڭ فوتوسى

قۇلجا قالاسىنداعى كوشەنىڭ ٴبىر ٴمۇيىسى. لي يافىڭ فوتوسى 

قۇلجا قالاسىنىڭ كوشەلەرىندە بەس جۇلدىزدى قىزىل تۋ جەلبىرەدى. جاڭ چيڭحۋا فوتوسى 

10 - ايدىڭ 1 - كۇنى ىلە اڭعارى  « قىزىل جۇڭگو» بوياۋىمەن ساندەندى، قالانىڭ، اۋىل - قىستاقتاردىڭ بارلىق جەرى مەرەكە شاتتىعىنا شومدى، قالىڭ كادرلار مەن بۇقارا ٴتۇرلى تاسىلدەرمەن وتانعا قالتقىسىز كوڭىلىن ٴبىلدىرىپ، وتاننىڭ گۇلدەنىپ - قۇدىرەتتەنۋىن، ەل امان، جۇرت تىنىش بولۋىن بىرگە تىلەدى.

قۇلجا قالاسىنىڭ مادەنيەت باقشاسىندا، قۇلجا پويەز بەكەتىنىڭ الدىنداعى الاڭدا «وتان انانى سۇيەمىن»، «وتانىمىز جاساسىن» دەگەن گۇل - شوپتەردەن كەستەلەنگەن مودەلدەر كوز سۇرىندىرەدى؛ مادەنيەت جولىنىڭ ەكى جاعالاۋىندا تۇندە كورىنس بەرگەن «وتانىمىز جاساسىن»، «جۇڭگونى سۇيەمىن» دەگەن ٴتۇستى شام ورنەگى قۇلجانىڭ تۇنگى اسپانىن ٴتىپتى دە كورىكتەندىرە ٴتۇستى.

قورعاس اۋداندىق ٴتارتىپ تەكسەرۋ كوميتەتىنىڭ، باقىلاۋ ـ تەكسەرۋ كوميتەتىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا سانداۋحى اۋىلى تارجى قىستاعىندا تۇراتىن قىزمەت اترەتىنىڭ مۇشەلەرى ٴار ۇلت بۇقاراسىمەن بىرگە «وتاننىڭ تۋعان كۇنىن قۇتتىقتايمىن» اتىنداعى قۇتتىقتاۋ قيمىلىن وتكىزىپ، بىرگە بالكۇلشە جاساپ، وتاننىڭ تۋعان كۇنىنە ىزگى تىلەك تىلەدى.

نىلقى اۋدانى نىلقى قالاشىعىنىڭ كوشەلەرى مەرەكە شاتتىعىنا شومىپ، تاڭبالى جولى، ىنتىماق جولى، سالاماتتىق جولى سياقتى قاتىناس نەگىزگى جولدارىنا، دۋماندى كوشەلەر مەن اۋماقتارعا، نەگىزگى ساۋدا تۇيىندەرىنە بەس جۇلدىزدى قىزىل تۋ ٴىلىندى. بەس جۇلدىزدى قىزىل تۋ جەلمەن جەلبىرەپ، ورتانى مەرەكەلىك تۇسكە بولەدى.

موڭعۇلكۇرە اۋدانى موڭعۇلكۇرە قالاشىعى بايشىفىڭ الەۋمەتتىك اۋماعى اۋداندىق انا - بالالاردىڭ دەنساۋلىعىن قورعاۋ شيپاحاناسى، قازىنالىق باقىلاۋ مەكەمەسى، ساناق مەكەمەسى سياقتى مۇشە ورىندارمەن بىرگە، «مەملەكەت مەرەكەسىن بىرگە تويلاۋ، وتان ٴۇشىن تىلەك تىلەۋ»  نەگىزگى تاقىرىبىنداعى «100 شۋجي قاۋىرت ۇگىت ـ لەكسيا جاساۋ» قيمىلىن ورىستەتتى، ٴار ۇلت بۇقاراسى ٴبىر اراعا باس قوسىپ، ۇلتتار ىنتىماعى سۇيىسپەنشىلىگىن تىلگە تيەك ەتتى.

بۇكىل ەل شاتتىققا شومعان وسىناۋ ۇلى كۇندە وبلىستىق ورتتەن  ساقتانۋ، قۇتقارۋ ـ كومەكتەسۋ تارماق اترەتىندەگى كوماندير ـ جاۋىنگەرلەر  قىزمەت ورنىندا كۇرەس جاساپ، تاباندىلىقپەن كاسىپتى قادىرلەۋ رۋحىمەن جاۋاپكەرلىك پەن بورىشتى امالياتتا ايگىلەپ، بۇقارانىڭ مەرەكەنى شات ـ شادىمان وتكىزۋىنە كەپىلدىك ەتتى.

قۇلجا قالاسىنىڭ تۇرعىنى ۋاڭ مىرزا بىلاي دەدى: «بيىل وتانىمىز قويناۋىندا ٴىرى ىستەر، قۋانىشتى ىستەر، كەلەلى ىستەر كوپ بولدى، كەدەيلىكتەن ارىلتۋدان قامال الۋدا جەڭىسكە جەتتىك، پارتيا قۇرىلعاندىعىنىڭ 100 جىلدىعىن قۇتتىقتادىق. جۇڭگولىق رەتىندە ىشتەي ەرەكشە ماقتانىش جانە قۋانىش سەزىنىپ، ەڭ تاماشا تىلەكتەردى وتانعا ارنايمىن، وتانىمىزدىڭ ٴتىپتى دە قۇدىرەتتەنۋىن، حالىقتىڭ ٴتىپتى دە باقىتتى بولۋىن تىلەيمىن.