ماقالاسىن جازعان: لي يافىڭ (ٴوز ٴتىلشىمىز)، سۋرەتىن تارتىپ، ٴسوزىن جازعاندار: لي يافىڭ، ليۋ چۇنشيڭ، سۇن ي - نان (ٴوز تىلشىلەرىمىز)

قىستىڭ اسەم كەشى ەجەلدەن شاتتىققا تولى. ۇلكەندى - كىشىلى كوشەلەردە جايناعان شىراقتار ىلە اڭعارى كەشكى ەكونوميكاسىنىڭ دامىعان كورىنىسىن مەنمۇندالاتتى.

«كەلىڭىزدەر، كەلىڭىزدەر، مەن قاقتاعان جاۋ بۇيرەكتەن ٴدام تاتىڭىزدار». 12 - ايدىڭ 17 - كۇنى قۇلجا قالاسى جىبەك جولى شۇعىلاسى ساياحات شاعىن قالاشىعىنا ورنالاسقان ٴدامدى تاعامدار كوشەسىندە سابىلىسقان قالا تۇرعىندارى ٴداندى - قۇجىردان ٴدام تاتىپ، جۇزدەرىنەن شاتتىق كۇلكىسى ەستى. قاز - قاتار تىزىلگەن شاعىن دۇكەندەر الارمانداردى باۋراپ، حوش ٴيىسى مۇرىندى جارعان ٴنارلى تاعامدار ادامدارعا قىستىڭ ىزعارلى سۋىعىن ۇمىتتىرىپ، ٴساليقالى كەشتىڭ دۋماندى شاتتىعىن سيلادى.

جاقىنعى جىلداردان بەرى ٴتورت ماۋسىمعا ۇيلەسەتىن ساياحات كاسىبىن اشۋ، كەشكى ساياحاتتى جانداندىرۋ، ٴبىر جىلدىڭ كەز - كەلگەن كەزىندە ساياحاتتاۋعا شارت - جاعداي جاراتۋ ٴۇشىن ىلە وبلىسى  اۋدان - قالالاردىڭ وزىنە ٴتان ەرەكشەلىگىنە نەگىزدەلە وتىرىپ، وزىندىك ابزال بايلىقتان ۇتىمدى پايدالانىپ، ساۋدا دۇكەندەرى مەن تيجاراتشىلاردى تيجارات ۋاقىتىن ۇزارتۋ، باي مازمۇندى تيجارات جۇرگىزۋ، كەشكى زات ساتىپ الۋ، تۇتىنۋ قيمىلىن ورىستەتۋ تاسىلدەرىنەن پايدالانىپ، كەشكى ەكونوميكانى اناعۇرلىم دامىتۋعا، جانداندىرۋعا شابىتتاندىرىپ، ادامداردى كەشكى ەكونوميكا اكەلگەن ناقتى تيىمدىلىكتەردەن يگىلىكتەندىرىپ، كەشكى ەكونوميكانى تۇتىنۋدى جانداندىرۋدىڭ جاڭا تىرەگىنە اينالدىردى.

قۇلجا قالاسىنىڭ التىشۋار كوشەسى  كورىنىس رايونىندا جاقىنعى كۇندەردەن بەرى كەش باتىسىمەن كاسىپتىك ويىن - ساۋىق ۇيىرمەسى باي مازمۇندى كونسەرت نومىرلەرىن قويىپ، كەشكى ەكونوميكانىڭ دۋمانىن اسىردى؛ ىلە نان مادەنيەتىن سەزىنۋ سارايىندا ٴدامدى تاعامداردان تىس، ساياحاتشىلار تاعى ىلە نان مادەنيەتىنىڭ تەرەڭ استارىن سەزىندى؛ قۇلجا اۋدانىنىڭ نان مادەنيەتى باقشاسىنىڭ كەشكى بازارىندا حوش ٴيسى اڭقىعان جاۋ بۇيرەك، سامسا، قۇيعان وكپە سياقتى ٴدامدى قۇجىرلار كورگەن  جاننىڭ سىلەكەيىن شۇبىرتتى؛ توعىزتاراۋ اۋدانىنىڭ شىڭياڭ الاڭىنداعى ساۋدا كوشەسىندە سابىلىسقان قالا تۇرعىندارى ٴدامدى تاعامداردان اۋىز ٴتيىپ مارە - سارە بولدى...

بۇگىنگى تاڭدا كەشكى ٴدامدى تاعامدار بازارى، كەشكى تۇتىنۋ، كەشكى كونسەرت نومىرلەرىن تاماشالاۋ، كەشكى ساياحات سياقتىلاردى قامتىعان ەرەكشە كوڭىل اشۋ، تۇتىنۋ قيمىلى ىلە اڭعارىنىڭ مەرەيىن اسىرىپ، كەشكى ەكونوميكانى اناعۇرلىم جانداندىرا ٴتۇستى.

 قالا تۇرعىندارى قۇلجا قالاسىنىڭ التىشۋار كوشەسى كەشكى بازارىندا زات ساتىپ الۋدا

ۇلتتىق كيىم كيگەن ارتيستەر كونسەرت قويۋدا

 جىبەك جولى شۇعىلاسى ساياحات شاعىن قالاشىعىنىڭ كەشكى بازارى

التىشۋار كوشەسىنىڭ كەشكى كورىنىسى

ساۋداگەرلەر ەرەكشە تاعامداردى جايماعا قويۋدا

 قالا تۇرعىندارى اسەم ساتتەردى ەستەلىككە الۋدا

 ٴدامدى نارىن دايىن بولدى 

 ٴدامى نەتكەن تاماشا

 الارمان تاعام ساتىپ الۋدا

 جىبەك جولى شۇعىلاسى ساياحات شاعىن قالاشىعىنداعى كورىنىس تاماشالاۋ قۇرىلعىسى