حابارىن جازىپ، سۋرەتىن تۇسىرگەن تىلشىلەرىمىز لاي يۇينيڭ، جاڭ چيڭحۋا
اعاياز وتارى − اۆتونوميالى وبلىستاعى شالعايعا ورنالاسقان ٴۇش ۇلكەن وتاردىڭ ٴبىرى، جايىلىم اۋماعى 850 مىڭ مۋ، ٴار جىلدىڭ قىس ماۋسىمىندا موڭعولكۇرە اۋدانىنداعى 6 اۋىل، قالاشىقتىڭ 400 مىڭ تۇياققا (باس) جۋىق ٴار تۇلىك مالى وسى ارانى قىستاپ، 540 تان استام مالشى وتباسى وسى جەردە مال باعادى، بۇلاردىڭ ىشىندە قاراسۋ قالاشىعىنىڭ مالشىلارى 200 وتباسىنان اسادى.
جۋىقتاعى نەشە كۇننەن بەرى تەمپەراتۋرا تومەندەپ قار جاۋعاندىقتان 2 - ايدىڭ 16 - كۇنى موڭعولكۇرە اۋدانى اعاياز وتارىنىڭ تەمپەراتۋراسى نولدەن تومەن 20 گرادۋسقا ٴتۇسىپ، كۇن قاتتى سۋىتتى. وسى كۇنى تۇستەن كەيىن قاراسۋ قالاشىعى مادەنيەت پۋنكتىنىڭ باستىعى قايرات قايىپجان ۇلى مەن قالاشىقتىڭ ۇگىت كادرى گاۋھار ەسكەرمەس قىزى اعاياز وتارىنداعى قاراسۋ قالاشىعىنىڭ مالشىلارىنا كينو قويىپ بەرۋ ٴۇشىن كينو قويۋ جابدىقتارىن جانە ٴبىر ٴبولىم گازەت - جۋرنال، كىتاپتاردى الىپ، ەكى ساعاتتان استام جول ٴجۇرىپ، ٴبىر جاعىنان مال باعىپ، ٴبىر جاعىنان جايىلىمعا قارايتىن قاراسۋ قالاشىعىنىڭ اعاياز وتارىنداعى بەكەتتە وتىراتىن مالشىسى ەرتاي باعدات ۇلىنىڭ ۇيىنە كەلدى. ولار الدىمەن دالادا كينو قويۋدى ويلاستىرعان ەدى، كۇن سۋىق بولعاندىقتان، ەرتايدىڭ كەڭىرەك ٴبىر ٴۇيىن بوساتىپ، مەشكە وت جاعىپ، كينو قويۋدىڭ ازىرلىگىن جاسادى. مالشىلار ارت - ارتىنان وسى اراعا جينالىپ، سىرت كيىمدەرىن شەشىپ، كىلەم ۇستىندە مالداس قۇرىپ وتىرىپ، جاپون شاپقىنشىلارىنا قارسى سوعىستى مازمۇن ەتكەن فيلمدى قىزىعا كوردى، فيلمدەگى ۋاقيعا جەلىسى شيەلەنىستى تۇسقا كەلگەندە، مالشى ماكەي مۇرات ۇلى مەن ٴجۇرسىنباي قوڭقا ۇلى كۇبىرلەسىپ تالقىلاپ كەتتى. قايرات قايىپجان ۇلى بىلاي دەدى: «وتارلاردىڭ شارت - جاعدايى جاقسارىپ، سىمسىز تەلەۆيزور پروگراممالارىن جانە قولفوننان كينو كورۋگە بولعانىمەن، كوپشىلىك ٴبىر ارادا وتىرىپ، ۇلكەن ەكراننان كينو كورگەنگە جەتپەيدى. مالشىلاردىڭ وندىرىستەن سىرتقى مادەني تۇرمىسىن بايىتۋ ٴۇشىن مادەنيەت پۋنكتىمىز تۇراقتى مەرزىم بويىنشا ادام ۇيىمداستىرىپ، مالشىلارعا كينو قويىپ بەرىپ، گازەت - جۋرنال، كىتاپ تاراتۋدان تىس، پارتيا 19 - قۇرىلتايىنىڭ رۋحىن، اۆتونوميالى رايون، اۆتونوميالى وبلىس جانە اۋداندىق پارتكومنىڭ ماڭىزدى جيىندارىنىڭ رۋحىن ۇگىتتەپ، مالشىلاردىڭ پارتيانىڭ ٴتۇرلى باعىت - ساياساتتارىن جانە حالىققا ٴتيىمدى ٴتۇرلى شارالارىن دەر كەزىندە بىلۋىنە مۇمكىندىك جاسادى».
ەكىنشى كۇنى تاڭ سارىدە قايرات پەن گاۋھار مالشى وتباسىلارىن ارالاپ گازەت - جۋرنال، كىتاپ تاراتتى. اعاياز وتارىنىڭ كەڭگىربۇلاق سايىنداعى سىنتاس بەيىتى − وبلىس دارەجەلى قورعالاتىن مادەني مۇرا. قايرات ٴار جولى وسى اراعا كەلگەن سايىن سىنتاستىڭ ماڭايىن تازالاپ، مالشىلارعا مادەني مۇرالاردى قورعاۋدىڭ ماڭىزدىلىعىن ۇگىتتەيدى.
كينو قويۋ جابدىقتارىن اۆتوكولىككە تيەۋ
«وتباسى كينوحاناسى»
كينو قويۋ جابدىقتارىن تاسۋ
ەكران ٴىلۋ
سىناپ كورۋ
سىنتاستاعى قۇس ساڭعىرىعىن ٴسۇرتۋ
مالشىلارعا گازەت - جۋرنال جەتكىزۋ
ەرتاي مەن جۇبايى كينو كورۋدە
دەن قويا كينو قويۋ
مالشىلارعا ۇگىت كىتاپشاسىن تاراتۋ