− ىلەنىڭ كوركەم كورىنىستەرى (1)
حابارىن جازىپ، سۋرەتىن تۇسىرگەن تىلشىلەرىمىز لاي يۇينيڭ، جاڭ چيڭحۋا
العىٴسوز
«شينجياڭعا بارماساڭ جۇڭگونىڭ بايتاقتىعىن، ىلەگە بارماساڭ شينجياڭنىڭ كوركەمدىگىن بىلمەيسىڭ». ىلەنىڭ كوركەمدىگى - ىلەنىڭ ٴتورت ماۋسىمىنداعى كورىنىسىنىڭ وزگەشەلىگىندە، كوزدىڭ جاۋىن الاتىن كوركەمدىگىندە، سونىمەن بىرگە، جۇرت جۇرەگىن تەبىرەنتەتىن جاندى كارتيناسىندا.
گازەتىمىزدىڭ «كورۋ ٴتۇيسىگى» ارناۋلى بەتىندە «ىلەنىڭ كوركەم كورىنىستەرى» اتتى جەلىلەس سۋرەتتى ورنالاستىرىپ، ٴار ماۋسىمداعى ىلە اڭعارىنىڭ وزگەشە سالت - ساناسى مەن كوركەم كورىنىسىن كوركەم فوتو ارقىلى تانىستىرىپ، ٴتىپتى دە كوپ وقىرماننىڭ ىلەنىڭ كوركەم كورىنىسىن تاماشالاۋى ارقىلى ىلەنى تۇسىنۋىنە، شينجياڭدى تۇسىنۋىنە، وسى قۇتتى مەكەندى سۇيۋىنە مۇمكىندىك جاساۋدى ٴۇمىت ەتەمىز.
4 - اي كىرىسىمەن اق شەشەك گۇلىنىڭ اشىلۋى ىلەنىڭ كەڭ بايتاق ساحاراسىندا كوكتەمنىڭ كەلگەندىگىن اڭعارتادى.
سامال جەل جەر بەتىن باياۋ تەربەپ، جەر انا بۋسانىپ، قار - مۇز ەرىپ جەر الەم اق شەشەك تاۋ گۇلىمەن كومكەرىلدى، اق شەشەك گۇلى - ىلە اڭعارىندا ەڭ ەرتە اشىلاتىن گۇل ەسەپتەلىنەدى.
ٴار جىلعى كوكتەم كىرىسىمەن، چاپچال سىبە اۆتونوميالى اۋدانىنىڭ ٴۇيسىن تاۋى باۋرايىنداعى اق شەشەك گۇلى ەڭ ەرتە اشىلادى، ونان سوڭ باتىستان شىعىسقا قاراي، تەمپەراتۋرانىڭ جىلىنۋىنا ىلەسىپ، كولدەنەڭ جايلاۋى، نارات ساحاراسى سياقتى كورىنىس وڭىرلەرىنەن كەڭ كولەمدە اشىلعان اق شەشەك گۇلىن كەزىكتىرۋگە بولادى، وسىناۋ كوركەم گۇلدەرگە الىستاعى اقباس شىڭنىڭ كورىك قوسۋىمەن تاماشا كورىنىس قالىپتاسادى.
سونىمەن بىرگە، ساحاراداعى قاز جۋا، جابايى ورىك، جاۋقازىندار دا ىركەس - تىركەس گۇل اشىپ ٴتابيعاتقا ٴسان قوسادى.
وسى كەزدە ىلە اڭعارى قالادان اۋىل - قىستاققا، ساحارادان اتىزدارعا دەيىن گۇل تەڭىزىنە اينالادى. كەز كەلگەن جەردەگى كوركەم كورىنىستەر ساياحاتشىلاردى ٴتانتى ەتىپ، وزىنە باۋرايدى.
«كوكتوعايداعى باقتاشى» ٴانى ناراتتىڭ اتىن ايگىلەگەننەن كەيىن، 2022 ـ جىلعى بەيجيڭ قىسقى وليمپيادا سپورت جارىسىنىڭ اشىلۋ سالتىندا قويىلعان «24 امالدى شەگەرىپ ساناۋ» قىسقا فيلمىنىڭ 4 جەرىندەگى ىلەنىڭ كوركەم كورىنىسى بۇكىل ەل حالقىن كوزايىم ەتتى.
4 - اي − گۇل تاماشالايتىن مەزگىل، ىلەدە ات باسىن بۇرارلىق جەر كوپ. ايتالىق توعىزتاراۋ اۋدانىنىڭ كولدەنەڭ جايلاۋىنا، كۇنەس اۋدانىنىڭ نارات كورىنىس رايونىنا بارىپ اق شەشەك گۇلىن تاماشالاۋعا، چاپچال سىبە اۆتونوميالى اۋدانىنداعى كەن اۋىلىنىڭ ورىك گۇلى سايىنا بارىپ جابايى ورىك گۇلىن، جاۋقازىن گۇلىن تاماشالاۋعا، كۇنەس اۋدانىنىڭ تۇرگەن اۋىلى نارات ورىكتى سايى مەن قورعاس اۋدانى جۇڭحۋا فۋشوۋشان تاۋىنا بارىپ جابايى ورىك گۇلدەرىن تاماشالاۋعا ابدەن بولادى.
ارينە، قالا تۇرعىندارىنىڭ قالادان ۇزاپ شىقپاي - اق، قۇلجا قالاسىنىڭ حايتاڭ جولى، التىشۋار ٴمالىسى، قازانشى جانە اۆتوموبيل قالاشىعىنا بارىپ تا ورىك گۇلىن تاماشالاپ، وزگەشە تابيعات كورىنىستەرىنەن ٴلازاتتانۋىنا بولادى.
«ٴسانى كىرگەن ٴساۋىر ايى» − ىلە اڭعارىنىڭ كوكتەمى.
قۇلجا قالاسى التىشۋار مالىسىندەگى المۇرت گۇلى
ساياحاتشىلار قۇلجا قالاسىنىڭ التىشۋار مالىسىندە گۇل تاماشالاۋدا
قۇلجا قالاسىنىڭ حايتاڭ جولىنداعى تاڭعى جۇگىرۋگە شىققان اۋەسكەرلەر
توعىزتاراۋ اۋدانىنىڭ كولدەنەڭ جايلاۋىنداعى اق شەشەك گۇلى
چاپچال سىبە اۆتونوميالى اۋدانى كەن اۋىلىنداعى جاۋقازىن گۇلى
قۇلجا اۋدانىنداعى ديقان اۋلاسى
كۇنەس اۋدانى تۇرگەن اۋىلى نارات ورىكتى سايى
چاپچال سىبە اۆتونوميالى اۋدانى كەن اۋىلىنىڭ ورىكتى سايىنداعى جابايى ورىك گۇلى