−  وبلىسقا توتە قاراستى ورىنداردىڭ جانە بيڭتۋان 4 -، 7 - شىسىنىڭ تۇڭعىش كەزەكتى «ۇلتتار ىنتىماعى ساۋىتىنا» تالاسۋ الاڭ ٴبيى جارىسىنىڭ سالتاناتپەن وتكىزىلگەندىگىن قىزۋ قۇتتىقتايمىز

3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ، اۆتونوميالى رايوندىق پارتكوم 10 - كەزەكتى ٴۇشىنشى جالپى ٴماجىلىسى مەن وبلىستىق پارتكوم قىزمەت ٴماجىلىسىنىڭ رۋحىن مۇقيات دايەكتىلەندىرىپ، «شينجياڭدى مادەنيەتپەن نارلەندىرۋ» ينجەنەرياسىن ىشكەرىلەي اتقارىپ، جۇڭحۋا ۇلتى ورتاق تۇلعا تانىمىن ورناتۋ قىزمەتىن ٴونىمدى ىستەپ، ۇلتتار ىنتىماعىنىڭ دامۋىن ۇزدىكسىز بەكەمدەپ، ٴار ۇلت بۇقاراسىنىڭ تابىس سەزىمىن، باقىت سەزىمىن اناعۇرلىم كۇشەيتۋ ماقساتىندا جياڭسۋ ولكەسىنىڭ ىلە قازاق اۆتونوميالى وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى مەن ىلە وبلىستىق مادەنيەت - ساياحات مەكەمەسى «جۇڭحۋا ۇلتى رۋحىن ساۋلەلەندىرۋ . جۇڭحۋا مادەنيەتى تانىمىن كۇشەيتۋ» − وبلىسقا توتە قاراستى ورىنداردىڭ جانە بيڭتۋان 4 -، 7 - شىسىنىڭ تۇڭعىش كەزەكتى «ۇلتتار ىنتىماعى ساۋىتىنا» تالاسۋ الاڭ ٴبيى جارىسىن ۇيىمداستىردى. 

بۇل رەتكى جارىستى وبلىستىق مادەنيەت سارايى، ىلە وبلىستىق جياڭسۋ - ىلە مادەنيەت اۋىس - كۇيىس ورتالىعى جاۋاپتى بولىپ وتكىزىپ، جارىس سارالاۋ جارىسى، شەشۋشى جارىس سىندى 2 كەزەڭگە بولىنگەن. جارىس 2022 - جىلى 3 - ايدا باستالىپ،ٴارقايسى اۋدان، قالا، تۋان، الاڭ ەڭ الدىمەن سارالاۋ جارىسىن وتكىزگەن. سارالانعان 21 تۋىندىنىڭ ىشىنەن 12 سى 6 - ايدىڭ 18 - كۇنى قۇلجا قالاسىندا وتكىزىلگەن شەشۋشى جارىسقا جولداما العان.

ىلە وبلىستىق مادەنيەت - ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى جانار اقان قىزى بىلاي دەدى: «بۇل رەتكى قيمىل - اۆتونوميالى رايوندىق پارتكومنىڭ، بيڭتۋان پارتكومىنىڭ «جاڭا داۋىردەگى بيڭتۋان مەن جەرگىلىكتى ورىننىڭ توعىسپالى دامۋىن ىلگەرىلەتۋ جونىندەگى پىكىرى» مەن وبلىستىق پارتكومنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، بيڭتۋان مەن جەرگىلىكتى ورىننىڭ مادەنيەتى مەن ساياحاتىن توعىستىرىپ، بىرگە قۇرۋ، بىرگە دامۋدى جەبەۋدىڭ ماڭىزدى شاراسى. بۇل رەتكى جارىسقا قاتىناسقان تۋىندىلار جۇڭحۋانىڭ ٴداستۇرلى مادەنيەتىنە مۇراگەرلىك ەتىپ، وتاندى، پارتيانى، اتا مەكەندى ٴسۇيۋ قىزۋ سۇيىسپەنشىلىگى تولىق ايگىلەنگەن. سونىمەن بىرگە، ومىرشەڭدىك قۋاتقا تولى، العا  باسار، قامتىعان مازمۇنى باي، باۋراعىش قۋاتى كۇشتى بولىپ، بيڭتۋان مەن جەرگىلىكتى ورىنداعى ٴار ۇلت بۇقاراسىنىڭ توعىسا بىرگە تۇرمىس كەشىرگەن، گۇلدەنىپ - كوركەيگەن رۋحاني بەت - بەينەسىن تولىق بەينەلەگەن».

ىلە وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى پارتكومىنىڭ شۋجيى، باس قولباسشىسى جۋ بين، بيڭتۋان 4 - شىسى كوكدالا قالالىق پارتكومنىڭ تۇراقتى مۇشەسى، ورىنباسار كوميسسار، ۇگىت ٴبولىمىنىڭ باستىعى جياڭ شۋشيا قاتارلى باسشىلار ناق مايدانعا بارىپ جەتەكشىلىك ەتتى ٴارى بۇقارامەن بىرلىكتە جارىستى تاماشالادى.

داڭق تاقتاسى:

  وبلىسقا توتە قاراستى ورىنداردىڭ جانە بيڭتۋان 4 -، 7 - شىسىنىڭ تۇڭعىش كەزەكتى «ۇلتتار ىنتىماعى ساۋىتىنا» تالاسۋ الاڭ ٴبيى جارىسىندا سيلىققا يە بولعان ورىنداردىڭ ەسىمدىگى

1 - دارەجەلى: قۇلجا قالاسى «تاماشا زاماننىڭ شاتتىق ٴبيى»

2- دارەجەلى: بيڭتۋان 4 - شىسى كوكدالا قالاسى «ۋا! مەنىڭ كوكدالام»

موڭعۇلكۇرە اۋدانى «تۇلپاردىڭ تەبىنىمەن تىڭ جورىققا اتتانىپ، 20 - قۇرىلتايدى قۋانا قارسى الايىق»

3- دارەجەلى: چاپچال اۋدانى «ٴداۋىر ەستەلىگى»

قورعاس اۋدانى «حوش ٴيىستى قورعاستىڭ ىنتىماق ٴبيى»

بيڭتۋان 4 - شىسى كوكدالا قالاسى «شينجياڭدىق دوس»

ۇزدىك سيلىق: كۇيتۇن قالاسى «جىبەك جولىنداعى حان سالتاناتى . شينجياڭعا كومەك بەرۋ سۇيىسپەنشىلىگى»

توعىزتاراۋ اۋدانى «كوركەم جۇڭگو»

تەكەس اۋدانى «بۇقارانىڭ ىرىزدىعى»

كۇنەس اۋدانى «ناراتتاعى ومارتاشى بويجەتكەن»

قۇلجا اۋدانى «ىلە ٴسانامى»

نىلقى اۋدانى «ٴشاربات نىلقى»

ۇيىمداستىرۋ سيلىعى: قۇلجا قالالىق مادەنيەت - دەنەتاربيە، راديو - تەلەۆيزيا - ساياحات مەكەمەسى، قورعاس اۋداندىق مادەنيەت - دەنەتاربيە، راديو - تەلەۆيزيا جانە ساياحات مەكەمەسى، بيڭتۋان 4 - شىسىنىڭ كوكدالا قالالىق مادەنيەت سارايى، توعىزتاراۋ اۋداندىق مادەنيەت - دەنەتاربيە، راديو - تەلەۆيزيا جانە ساياحات مەكەمەسى، كۇنەس اۋداندىق مادەنيەت - دەنەتاربيە، راديو - تەلەۆيزيا جانە ساياحات مەكەمەسى، موڭعۇلكۇرە اۋداندىق مادەنيەت - دەنەتاربيە، راديو - تەلەۆيزيا جانە ساياحات مەكەمەسى.