− ىلەنىڭ كوركەم كورىنىستەرى (10)
ماقالاسىن جازىپ، سۋرەتىن تۇسىرگەن تىلشىلەرىمىز لاي يۇينيڭ، جاڭ چيڭحۋا
6 - ايدىڭ 7 - كۇنى ساعات 7 دەن 3 مينۋد وتكەندە شۇعىلا شاشقان كۇن كوكجيەكتەن باياۋ كوتەرىلدى. موڭعۇلكۇرە اۋدانىنداعى تەكەس وزەنى مەملەكەتتىك سازدىق باقشاسىنىڭ توبەسىنەن تومەنگە كوز سالعاندا، تۇمان باسقان ساحارا ٴتوسىن ەندەي وتكەن يرەلەڭدەگەن وزەن اعارلارى كوركەم كورىنىس قالىپتاستىردى.
قۇلجا قالاسىنداعى ىلە وزەنى مەملەكەتتىك سازدىق باقشاسىنىڭ كەز كەلگەن جەرىنەن جابايى ۇيرەك جانە سۋ قۇستارىنىڭ سۋ ۇستىندە اسىر سالىپ جۇرگەنىن كورۋگە بولادى، ەكولوگيالىق ورتانىڭ ۇزدىكسىز جاقسارۋىنا ىلەسە، وسى اراعا دامىلداۋعا كەلەتىن قۇستاردىڭ سانى ۇزدىكسىز مولايىپ، كەيبىر جىل قۇستارى تۇراقتاپ تۇراتىن قۇستارعا اينالعان. بيىل ەكى جۇپ سىبىرلاق اققۋ وسى ارانى جايلاپ، 13 بالاپان باسىپ شىعاردى.
بىلتىر ىلە وبلىسى جەتى سازدىقتى قورعاۋ، قالپىنا كەلتىرۋ نىسانىن اتقارىپ، وعان جالپى 25 ميلليون 420 مىڭ يۋان قارجى قوسىپ، 11 ميلليون 883 مىڭ 700 مۋ تۇياق كەستى بولعان سازدىقتى قالپىنا كەلتىرىپ، تۇياق كەستى بولعان 5000 مۋ جايىلىمدى سازدىققا وزگەرتىپ، سازدىق ەكولوگياسىنىڭ قالپىنا كەلۋ قابىلەتىن كورنەكتى جوعارىلاتتى. سونىمەن بىرگە سازدىقتى قورعاۋ، قالپىنا كەلتىرۋ، زاڭ اتقارۋدى باقىلاۋ - باسقارۋ مەن ۇگىت - تاربيەنى ۇزدىكسىز كۇشەيتىپ، ىلە وبلىسىنىڭ ەكولوگيالىق ورتاسىن وڭاۋ ورەسىن اناعۇرلىم جوعارىلاتتى.
ىلە وبلىسى «14 - بەسجىلدىق» قۇرىلىس مەزگىلىنىڭ اياعىندا وبلىسقا توتە قاراستى ورىندارداعى سازدىقتاردىڭ قورعالۋ مولشەرىن %55 تەن اسىرىپ، وبلىسقا توتە قاراستى ورىندار ەكولوگياسىنىڭ جوعارى ساپالى دامۋىن ىلگەرىلەتىپ، ەكولوگيالىق ونىمدىلىك پەن ەكونوميكالىق ونىمدىلىك اينالىسىن جوعارىلاتىپ، ادام مەن تابيعاتتىڭ جاراسىمدى بىرگە ٴومىر ٴسۇرۋىن جۇزەگە اسىرۋعا كۇش سالادى.
قارلى شىڭداردىڭ ەتەگىندەگى مۇزارت وزەنى
موڭعۇلكۇرەدەگى قاراسۋ وزەنىنىڭ تاڭعى كورىنىسى
تەكەس وزەنىنىڭ تاڭعى كورىنىسى
ۇشقان قۇستار
ىلە وزەنى جاعاسىنداعى قۇلجا قالاسىنىڭ قۇرىلىس شوعىرى
ىلە جامانتى مەملەكەتتىك سازدىق باقشاسى