شينجياڭ گازەتىنىڭ ٴتىلشىسى لياڭ ۋي

ىلە اڭعارى كاسىپ سالاسىنىڭ قوزعاۋشى كۇشىن بارىنشا تاسقىنداتىپ، ەسىك اشۋدىڭ الدىڭعى لەگىندە ٴجۇرىپ، قارىشتاپ دامۋدىڭ التىن كەزەڭىنە ٴوتتى.

پارتيا 18 - قۇرىلتايىنان بەرى ىلە قازاق اۆتونوميالى وبلىسى ونەركاسىپتىڭ نەگىزىن كۇشەيتىپ، ونىمدىلىكتى ارتتىرۋدى جانە تيبىن وزگەرتىپ، دارەجەسىن جوعارىلاتۋدى كۇش سالا ىلگەرىلەتىپ، جىبەك جولى ەكونوميكالىق بەلدەۋى وزەكتى رايوننىڭ ماڭىزدى ٴتۇيىنى قۇرىلىسىن جەدەلدەتىپ، جوعارى ساپالى دامۋدىڭ ايبىندى كارتيناسىن جۇلگەلەدى.

شەكاراداعى ىرىستى مەكەننىڭ كورىنىسى وزگەشەلىگىمەن كوز تارتتى. جۇپار ٴشوپتىڭ حوش ٴيىسى شار تاراپتى شارپىدى، ناراتتىڭ اسەم تابيعاتى كوز ٴسۇرىندىردى، ىلە وزەنى اساۋ تەبىنمەن بۋىرقانا اعۋدا، قارا جون جايلاۋىنىڭ كوركەم كورىنىسى سىزعان سۋرەتتەي اسەم تابيعاتقا كورىك قوستى... سەيىل - سەرۋەن سالتاناتى، ەكولوگيانىڭ اسەم كورىنىسى، اۋىل - قىستاق ساياحاتى، گۋمانيتارلىق مادەنيەتتى سەزىنۋ ٴبارى - ٴبارى دە ىلەنىڭ داڭقىن اسقاقتاتىپ، قۇربان ايت مەزگىلىندە شينجياڭنىڭ ٴىشى - سىرتىنداعى ساياحاتشىلار ىلە اڭعارىندا باس قوستى. «ساياحاتتايتىن كوزەۋلى جەر - ىلە» ٴوز تارتىمدىلىعىن ايگىلەپ، ساياحات ەكونوميكاسى - تۇتاس وبلىس ەكونوميكاسىنىڭ «ۇشتەن ٴبىر بولەگىن» يەلەدى.

«ەكى قورعاس پەن ەكى قۇلجانى» ٴبىر تۇلعالاندىرىپ دامىتۋ بارىنشا ىلگەرىلەتىلىپ، قورعاس قالاسىن وزەك ەتكەن قورعاس اۋدانى، قۇلجا قالاسى، قۇلجا اۋدانىنىڭ ابزال كاسىپ سالاسى تەز قارقىنمەن قالىپتاستى. كاسىپ تىزبەگىن ۇزارتىپ، تولىقتاپ، كۇشەيتىپ، كەڭەيتىپ، اۋىل شارۋاشىلىق قوسىمشا ونىمدەرىن مانەرلەۋ، توقىما - كيىم - كەشەك سياقتى ەڭبەككۇش شوعىرلى كاسىپتەر قارىشتاپ دامىپ، ەلەكتروندىق ينفورماتسيا، وسى زامانعى جابدىق ٴوندىرۋ، بيولوگيالىق ٴدارى - دارمەك، جاڭاشا ماتەريالدار، جاڭا ەنەرگيا سىندى ستراتەگيالىق جاڭادان گۇلدەنگەن كاسىپتەر تەز قارقىنمەن بوي كوتەرىپ، «ەكى قورعاس، ەكى قۇلجا» جوعارى ساپالى دامۋدى جەبەۋدەگى ماڭىزدى تىرەككە اينالدى.

باتىسقا ەسىك اشۋدىڭ الدىڭعى شەبىندە تۇرعان قورعاس قالاسى شەكارا وتكەلى ەكونوميكاسىندا «وتكەل ەكونوميكاسىنان» «كاسىپ ەكونوميكاسىنا» ٴوتۋدى بارىنشا ىلگەرىلەتتى. قورعاس ۋنيۆەرسالدى قورعامالى باجى رايونى كوپتەگەن سىرتقا باعىتتالعان كاسىپورىنداردىڭ باسىن قوسىپ، «كەڭىستىكتەگى قۇرىلىق كوپىرى» ارقىلى مەملەكەت قاقپاسىنىڭ ٴىشى - سىرتىن تۇتاستىرىپ، جۇڭگو - ەۆروپا كەزەكشى پويەزىنىڭ قاتىناۋ سالىستىرماسى ورلەۋگە قاراي بەت الىپ، شەكارا اتتاعان ەلەكتروندىق ساۋدا ارقىلى «ٴبىر پۋنكت» ۇلگىسى بويىنشا جۇڭگونىڭ ونىمدەرىن ورتا ازياعا، ەۆروپاعا تاسىمالدادى.

ىلە، قارىشتاپ دامۋدىڭ التىن كەزەڭىن قارسى الدى.

 شينجياڭ چيڭحۋا ەنەرگيا توبى شەكتى سەرىكتەستىگىنىڭ قۇبىر تورابى قايشالىسقان، مۇنارالى قۇبىرلارى قاتارلانا ەڭسە كوتەرگەن جاڭاشا تازا ەنەرگيا ٴوندىرىس رايونى (6 - ايدىڭ 16 - كۇنى تۇسىرىلگەن). بۇل كاسىپورىن كومىر بايلىعىن اشۋ، كومىردەن تابيعي گاز ايىرۋ، كومىردى تۇرگە ٴبولىپ ۋنيۆەرسالدى پايدالانۋدى ٴبىر تۇلعالاندىرعان كاسىپورىن بولىپ، 2021 - جىلدىڭ سوڭىنا دەيىن سىرتقا تاسىمالداعان جالپى گاز مولشەرى 6 ميلليارد تەكشە مەترگە جەتكەن.  

ي چيڭشۋان فوتوسى 

 7- ايدىڭ 5 - كۇنى قورعاستاعى مەملەكەت قاقپاسىنىڭ الدىندا گۋاڭدۇڭ ولكەسىنەن كەلگەن ساياحاتشى قولفونىمەن سۋرەتكە ٴتۇسىپ ەستەلىك قالدىرۋدا. شينجياڭ گازەتىنىڭ ٴتىلشىسى جين زوكۇن فوتوسى 

 7 - ايدىڭ 4 - كۇنى قۇلجا قالاسى التىشۋار ٴمالىسى كورىنىس رايونىنداعى الەكساندر گارمون سارايىنىڭ ٴتۇسىندىرۋشىسى ساياحاتشىلارعا گارمون تۇرلەرىن تانىستىرۋدا. شينجياڭ گازەتىنىڭ ٴتىلشىسى جين زوكۇن فوتوسى 

  قورعاس قالاسىنداعى ٴمالىم ٴبىر كاسىپورىننىڭ ٴوندىرىس سەحىندا قىزمەتكەرلەر جارتىلاي وتكىزگىشتى ەلەكتروندىق بولشەكتەر مەن ۇساق  بولشەكتەردى  وندىرۋدە.  شينجياڭ گازەتىنىڭ ٴتىلشىسى زوۋي فوتوسى 

 6 - ايدىڭ 8 - كۇنى ساياحاتشىلار موڭعۇلكۇرە اۋدانىنىڭ شاتى كورىنىس رايونىندا اتقا ٴمىنىپ سەرۋەندەۋدە. جاڭ چيڭحۋا فوتوسى 

 ٴزاۋلىم عيماراتتار ٴيىن تىرەسكەن قۇلجا قالاسى.    لاي يۇينيڭ فوتوسى 

 6 - ايدىڭ 21 - كۇنى ساياحاتشىلار قورعاس اۋدانى لۋساۋگوۋ قالاشىعى سىگۇڭ قىستاعىنداعى جيەيوۋ حانىشا جۇپار ٴشوپ ەگىس الاڭىندا گۇل تاماشالاۋدا. جاڭ چيڭحۋا فوتوسى