حابارىن جازىپ، سۋرەتىن تۇسىرگەن ەرىكتى ٴتىلشى فۋ يۇڭجين

قىستىڭ كۇنى، ىلە وزەنىنىڭ ەكى جاعالاۋى اق قارمەن قىمتانىپ جاتىر. وزەن جاعاسىندا ٴبىر توپ قىسقى مالتاۋ اۋەسكەرلەرى كوبەيدى، جاسى ەڭ ۇلكەنى 70 جاستا، ەڭ كىشكەنەسى 14 جاستا، ادەتتە ولار جاي ادامداردان پارىقتالماعانىمەن، قاقاعان ايازدا ىزعارى سۇيەكتەن وتەتىن سۋىق سۋدا مالتاۋ ٴارقانداي ادامنىڭ قولىنان كەلە بەرمەيدى. ولار ىنتىماقتى، بەرەكەلى، ۇمىتكەرلىكپەن العا باساتىن، سالاماتتىققا تالپىناتىن جالىندى توپ. ىلە اڭعارىنىڭ سۋىعى سۇيەكتەن ٴوتىپ، تامعان سۋ جەرگە تۇسپەي مۇز بوپ قاتقانىمەن قىسقى مالتاۋشىلاردىڭ قىزعىندىلىعىن باسا العان جوق، ولار قاقاعان ايازدان قورىقپاي مۇزدى ويىپ سۋعا ٴتۇسىپ، تولقىن جارىپ، قۇلاش كەرە مالتاپ، ىلە وزەنى اڭعارىندا وزگەشە كورىنىس قالىپتاستىردى.

قىسقى مالتاۋ − «ەر جۇرەكتەردىڭ ويىنى» دەپ تە اتالادى. ەلىمىزدە جالپى حالىقتىق دەنە شىنىقتىرۋ قيمىلىنىڭ زور كۇشپەن اتقارىلۋىنا بايلانىستى، ىلەدە ادامداردىڭ اقاۋسىز تۇرمىس تاسىلىنە بولعان تالپىنىسى سالتقا اينالىپ، كوپتەگەن ادام قىسقى مالتاۋ اۋەسكەرلەرىنىڭ قوسىنىنا قوسىلۋدا. قىسقى مالتاۋ قيمىلىنىڭ اقاۋسىز دامۋىن قامتاماسىزداندىرۋ ٴۇشىن، قۇلجا قالاسى قىسقى مالتاۋشىلار قوعامىن قۇرىپ، مەملەكەتتىڭ قاتىستى زاڭدارى مەن زاڭ - ەرەجەلەرىنە ساي، مالتاۋشىلار قوعامىنىڭ ٴتۇرلى ەرەجە - تۇزىمدەرىن ورناتىپ، قىسقى مالتاۋ سپورتىنىڭ كۇندەلىكتى جاتتىعۋى، جارىسى، دوستىق قيمىلى سياقتى قيمىلدارىنىڭ قالىپتى، ٴتارتىپتى ورىستەتىلۋىنە كەپىلدىك ەتتى. جۋىق جىلدان بەرى قۇلجا قالالىق قىسقى مالتاۋشىلار قوعامى جالپى حالىقتىق دەنە شىنىقتىرۋ قيمىلىن ىلگەرىلەتىپ، ٴارقايسى ولكە، قالالارمەن قىسقى مالتاۋ مادەنيەت اۋىس - كۇيىسىن كۇشەيتىپ، ىلەنىڭ مادەنيەتى مەن ساياحات ىستەرىنىڭ دامۋىن جەبەۋ سياقتى جاقتاردا بەلسەندى ۇلەس قوستى. بۇدان بىلاي قۇلجا قالالىق قىسقى مالتاۋشىلار قوعامى ٴتۇرلى قىسقى مالتاۋ قيمىلدارىن ۇزدىكسىز ورىستەتىپ، ٴتىپتى دە كوپ ادامدى قىسقى مالتاۋشىلار قاتارىنا تارتىپ، سالاماتتى ىلەنى جۇزەگە اسىرۋعا ٴتىپتى دە زور ۇلەس قوسادى.