伊犁新闻网

جارىقتاندى، جانداندى، كورىكتەندى

− ىلەنىڭ ”تۇنگى ەكونوميكاسىنا“ نازار سالعاندا

حابارىن جازعان ٴتىلشىمىز ۋاڭ جىحۋا، سۋرەتتەرىن تۇسىرگەن ٴتىلشىمىز ليۋ چىڭگاڭ

اسەم عيمارات، ادەمى شىراقتارىمەن كوز تارتقان تەكەس اۋدانىنىڭ «گۇلدەنىپ - كوركەيگەن شينجياڭ . سەگىز تاڭبالى قالا كەشى» تاقىرىبىنداعى كوشە اۋماعىندا، قويۋ وتاندىق ناقىشتار شار تاراپتان كەلگەن ساياحاتشىلاردى وزىنە باۋرادى؛ اۋلانىڭ وزگەشەلىگى، كورىنىستىڭ الۋان تۇرلىلىگىمەن اتى ايگىلى قۇلجا قالاسى التىشۋار كوشەسى كورىنىس اۋماعىندا گارموننىڭ ٴۇنى شارىقتاپ، الۋان ونەر ايشىقتالا ٴتۇستى؛ نۇرعا شومعان، سۋعا تولعان توعىزتاراۋ اۋدانى كوبەلەك كولىنىڭ كورىنىس اۋماعىنداعى كەشكى ساياحات دۇرىلدەپ تۇر... بيىل جىل باسىنان بەرى تۇتىنۋدىڭ قايتا جاندانۋىنا ىلەسە، ”تۇنگى ەكونوميكا“ بىرتىندەپ ىلە وبلىسىنداعى اۋدان، قالالاردىڭ وڭىرلىك مادەنيەتىن، قالانىڭ تارتىمدىلىعىن ايگىلەيتىن تەرەزەسىنە جانە تۇتىنۋدى جوعارىلاتىپ، دارەجەسىن كوتەرەتىن كۇش سالۋ تۇيىنىنە اينالدى.

6 ـ ايدىڭ 13 ـ كۇنى قۇلجا قالاسىنىڭ جىبەك جولى شۇعىلاسى . ساياحات شاعىن قالاشىعىنىڭ كەشكى بازارى ادامعا لىق تولىپ، دۋمانعا بولەندى. جىبەك جولى شۇعىلاسى . ساياحات شاعىن قالاشىعى ساياحات، ٴدامدى تاعام، سەيىل ـ سەرۋەن، كوڭىل اشۋ، ٴان ـ ٴبي ويىندارىن ٴبىر تۇلعالاندىرىپ، ىلە وبلىسى العا قويعان كەشكى ەكونوميكانى نەگىزگى تاقىرىپ ەتكەن تۇڭعىش قالا تۇرمىسىنان ۇلگى كورسەتۋ رايونى. مۇندا قازاقتىڭ ۇلتتىق سالت - سانا مادەنيەتى كيىز ٴۇيى، جىبەك جولى شۇعىلاسى ٴدامدى تاعامدار شوعىرى، كەشكى بازار، ۇلتتىق ۇلگىدەگى قاقتاما ٴدالىزى، 0909 مالتاۋ سارايى جانە دەنە شىنىقتىرۋ ٴۇيى، T - one كارتون اۆتوموبيلى سياقتى كوپتەگەن مادەنيەت، اس - سۋ، كوڭىل اشۋ نىساندارى بار.

جىبەك جولى شۇعىلاسى . ساياحات شاعىن قالاشىعى ىلگەرىندى ـ كەيىندى اۆتونوميالى رايون دارەجەلى كەشكى ەكونوميكادان ۇلگى كورسەتۋ كوشە رايونى، مەملەكەت دارەجەلى كەشكى مادەنيەت جانە ساياحات شوعىرلانعان رايون، اۆتونوميالى وبلىستاعى ۇلتتاردىڭ ارالاسۋىنان، ىشتەسۋىنەن، توعىسۋىنان ۇلگى كورسەتۋ ورنى، اۆتونوميالى وبلىستىڭ ۇلتتار ىنتىماعى العاباسارلىعىنان ۇلگى كورسەتۋ كوشە رايونى سياقتى كوپتەگەن داڭقتى اتاقتارعا يە بولعان.

بۇل ارادان سىرت، قۇلجا قالاسى التىشۋار كوشەسى كورىنىس رايونى دا مەملەكەت دارەجەلى كەشكى مادەنيەت جانە ساياحات شوعىرلى رايونى، مەملەكەت دارەجەلى ساياحات، سەيىل ـ سەرۋەن كوشە رايونى بولىپ قۇرىلدى.

قۇلجا قالاسى ازات جولى ٴمالى باسقارماسى التىشۋار الەۋمەتتىك اۋماعى پارتيا ياچەيكاسىنىڭ شۋجيى يۇي يانچين تىلشىگە بىلاي دەدى: ”بۇل ارادا جەڭىل تاعامدار، قاقتامالار عانا ەمەس، تاعى ورتانى سەزىنۋ جانە مادەنيەت پەن ساياحاتتى توعىستىرۋ نىساندارى قوسىلىپ، قالا تۇرعىندارىنا، ساياحاتشىلارعا سەزىنۋ، كوڭىل اشۋ، ٴوزارا ارەكەتتەنۋ ۇلگىسىندەگى، مادەني كوپ نەگىزدەنگەن كەشكى تۇتىنۋ كاسىپ كۇيى ارقىلى ساپالى، وزىندىك ەرەكشەلىككە يە، جالىندى كەشكى ەكونوميكا قالىپتاستىردى“.

بۇل عانا ەمەس، 6 - ايدىڭ 9 - كۇنى توعىزتاراۋ اۋدانى كوبەلەك كول كورىنىس ٴوڭىرى ”كوبەلەك كولبەڭدەگەن تيانشان تاۋى“ اتىنداعى سۋعا تۇسكەن شىراق ساعىمىن تاماشالاۋ كەشكى ساياحاتى مەن تەكەس اۋدانىنىڭ ”گۇلدەنىپ - كوركەيگەن شينجياڭ . سەگىز تاڭبالى قالا كەشى“ نەگىزگى تاقىرىبىنداعى كوشە اۋماعى شىت جاڭا بەينەگە ەنىپ، ىلەنىڭ ”كەشكى ەكونوميكاسىنىڭ“ دامۋىنا تاعى ٴبىر جالىندى كۇش قوسىپ، ٴاپ - ساتتە كەشكى ساياحاتتىڭ مادەني ماركاسىنا اينالىپ، ساياحاتشىلار مەن جەرگىلىكتى تۇرعىنداردى وزىنە باۋرادى.

6 - ايدىڭ 10 - كۇنىنەن 11 - كۇنىنە دەيىن شينجياڭ 2023 - جىلعى كەشكى ەكونوميكانى ىلگەرىلەتۋ جونىندەگى جۇمىس باسى ٴماجىلىسى توعىزتاراۋ اۋدانىندا اشىلدى، بۇكىل شينجياڭنىڭ ٴارقايسى ايماق، وبلىس، قالالارىنان، سونداي - اق بيڭتۋاننان كەلگەن ۋاكىلدەر وسىندا باس قوسىپ، ”كەشكى ەكونوميكانى“ جوعارىلاتۋدىڭ تاجىريبەلەرىن اۋىستىرىپ، توعىزتاراۋ اۋدانىنىڭ ”كەشكى ەكونوميكاسىنىڭ“ دامۋى ماجىلىسكە قاتىناسۋشىلارعا تەرەڭ اسەر قالدىردى.

اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى حى گوچيڭ بىلاي دەدى: ”’تۇنگى ەكونوميكانى‘ دامىتۋدا ٴتۇيىندى تۇردە كاسىپ كۇيىن مولايتىپ، ەرەكشەلىكتى جەتىلدىرىپ، ٴبىر جىلدىڭ ٴتورت ماۋسىمىندا تۇگەلدەي تۇتىنۋ ورتاسى بولۋىنا، اي سايىن نەگىزگى تاقىرىپتىق تۇتىنۋ قيمىلى بولۋىنا مۇمكىندىك جاساپ، جەرگىلىكتى ادامدار ۇنەمى باراتىن، سىرت جەردەگىلەر، ٴسوزسىز، باراتىن ٴبىر توپ ’دىر - دۋماندى، شينجياڭدىق ەرەكشەلىكتەگى، ۇلتتىق بوياۋى قانىق‘ توراپ تانىمالىلارى ەستەلىك قالدىراتىن ورىنداردى قالىپتاستىرۋ كەرەك“.

توعىزتاراۋ اۋداندىق مادەنيەت، دەنە - تاربيە، راديو - تەلەۆيزيا جانە ساياحات مەكەمەسىنىڭ باستعى، كوبەلەك كول ”كەشكى ەكونوميكا“ باسشىلارى ارناۋلى كلاس كەڭسەسىنىڭ جەتەكشىسى جۋ جيگاڭنىڭ تانىستىرۋىنشا، ساياحاتشىلارعا ٴتىپتى دە جاقسى قىزمەت وتەۋ ٴۇشىن، كوبەلەك كول ارناۋلى كلاسىندا 70 قانشا ادامدىق باسقارۋ قىزمەت وتەۋ قوسىنى قۇرىلىپتى، ولار كوبەلەك كولىنىڭ اينالاسىنداعى ساياحاتتا بايقالعان ٴتۇرلى ماسەلەلەردى شەشىم ەتىپ، ەگجەي ـ تەگجەيلى، ۇيلەسىمدى باسقارۋدى العا قويىپ، ”تۇنگى ەكونوميكانىڭ“ ساپاسىن جوعارىلاتىپ، ونىمدىلىگىن ارتتىرۋعا تاماشا ورتا جاراتادى.

水景灯光秀.jpg