نىسانداردىڭ دامۋ ارىنى كۇشەيىپ، ەكپىندەي ىلگەرىلەۋدىڭ دابىلى قاعىلدى

− ىلەنىڭ 2023 - جىلدىڭ الدىڭعى جارتىسىنداعى ەكونوميكالىق اينالىمعا تالداۋ جاساۋ جانە كەلەلى نىسانداردى كوزدەن كەشىرۋ قيمىلىنا جالپى شولۋ

لۋ جۇڭ، ما چىڭلۋ، جاڭ جينفىڭ (ٴوز تىلشىلەرىمىز)

7 - ايدىڭ 21 - كۇنىنەن 23 - كۇنىنە دەيىن ىلە وبلىستىق پارتكوم مەن ۇكىمەتتىڭ نەگىزگى باسشىلارى ۇيىرمە باستاپ، 3 كۇن ۋاقىت جۇمساپ، 11 اۋدان مەن قالانىڭ كەلەلى نىسان قۇرىلىسى جاعدايىن كوزدەن كەشىردى.

نىسان قۇرىلىسى − قارجى قوسۋدى ورنىقتىرۋدىڭ، ەكونوميكانى ارتتىرۋعا كەپىلدىك ەتۋدىڭ، دامۋدى جەبەۋدىڭ ماڭىزدى قوزعالتقىشى جانە نەگىزگى تىرەگى. ٴبىر جىلدان بەرى ىلە وبلىسى ”1+1+8“ كاسىپ سالاسى شوعىرى قۇرىلىسىن مىقتاپ ارقاۋ ەتىپ، جاسىل كەن كاسىبىن، اۋىل - قىستاقتى گۇلدەندىرۋدى، ساياحات كاسىبىن، شەكارا وتكەلى ەكونوميكاسىن نەگىزگى قامال الۋ باعىتى ەتۋگە تاباندى بولىپ، كاسىپ سالاسىنىڭ ورنالاسۋىن رەتتەپ، ساپالىلاندىرىپ، كاسىپ سالاسى تىزبەگى قۇرىلىسىن، كاسىپورىنداردى جەتىلدىرۋدى، باقشا رايونىنىڭ دارەجەسىن جوعارىلاتۋدى جەدەل ىلگەرىلەتتى. كومىر، كومىر ەلەكتر، كومىر حيميا ونەركاسىبى كاسىبىن، مۇناي، مۇناي حيميا ٴوندىرىسى - مانەرلەۋ، توقىماشىلىق، كيىم - كەشەك كاسىبىنىڭ ٴونىمىن ارتتىرىپ، ونىمدىلىگىن جوعارىلاتۋدى بەكەمدەپ، جاڭا ەنەرگيا، جاڭا ماتەريال كاسىبىن، جاسىل كەن كاسىبىن جەدەل دامىتىپ، جاسىل، ورگانيكالىق جەمىس - جيدەك، كوكونىس كاسىبىن، ساپالى مال شارۋاشىلىعى ونىمدەرى كاسىبىن، ورگانيكالىق استىق - ماي كاسىبىن جەتىلدىردى، زورايتتى.

6 - ايدىڭ سوڭىنا دەيىن ىلە قازاق اۆتونوميالى وبلىسىندا اۆتونوميالى رايوننىڭ 29 ٴتۇيىندى نىسانىنا جىلدىق جوسپار بويىنشا 9 ميلليارد 400 ميلليون يۋان قارجى قوسىلىپ، 23 نىساندا جۇمىس باستالدى، مۇنىڭ ىشىندە 19 جالعاستى سالىناتىن نىسان، 3 جاڭادان سالىناتىن نىسان، ٴبىر زاپاس نىسان بار بولىپ، جۇمىس باستاۋ، جۇمىستى قالپىنا كەلتىرۋ مولشەرى %80 كە جەتىپ، 3 ميلليارد 753 ميلليون يۋان قارجى قوسىلدى؛ وبلىسقا توتە قاراستى ورىنداردا 125 ٴتۇيىندى نىسانعا بيىل 24 ميلليارد 820 ميلليون يۋان قارجى قوسۋ جوسپارلانىپ، 103 نىسان قۇرىلىسى قالپىنا كەلتىرىلدى، مۇنىڭ ىشىندە 65 جالعاستى سالىناتىن نىسان، 31 جاڭادان سالىناتىن نىسان، 7 زاپاس نىسان بار بولىپ، جۇمىس باستاۋ، جۇمىستى قالپىنا كەلتىرۋ مولشەرى %82.4 بولىپ، 7 ميلليارد 613 ميلليون يۋان قارجى قوسىلدى.

جوعارى ساپالى نىساندار جۇرت نازارىن اۋداردى

بيىل ىلە وبلىسى وزىق جاساۋ كاسىبىن بەلسەنە ەنگىزدى جانە زور كۇشپەن دامىتتى، عىلىم - تەحنيكالىق قۇرامى جوعارى، وزەكتى تەحنيكاسى كۇشتى ٴبىر توپ نىسان جۇرت نازارىن ەرەكشە اۋداردى.

بيىل جىل باسىنان بەرى كۇيتۇن قالاسى جەرگىلىكتى ورىننىڭ ٴتۇرلى بايلىقتارىنا سۇيەنىپ، جاڭا ماتەريال كاسىپ باقشاسى رايونىن دانەكەر ەتىپ، ٴتۇرلى فاكتورلاردىڭ شارت - جاعدايىن ساپالىلاندىرىپ، بىرىكتىرىپ، شوعىرلاندىرۋ جانە ٴبىر تۇلعالاندىرىپ دامىتۋ ۇلگىسى بويىنشا، پوليامين ەستەر ونىمدەرى سياقتى حيميا ونەركاسىپ جاڭا ماتەريالدارىن ٴتۇيىندى دامىتىپ، ىدىرايتىن سۋلياۋ سياقتى حيميا ونەركاسىپ ماتەريالدارىن جانە جان - جاقتى پايدالانىلاتىن كاسىپتەردى سايكەستى دامىتتى.

جىلىنا 60 مىڭ توننا سەلليۋلوزا ەفيرىن جانە جىلىنا 120 مىڭ توننا ٴبىر حلورلى مەتان ٴوندىرۋ نىسانىن شينجياڭ تيانشان شياڭيۇن جوعارى مولەكۋلالى ماتەريالدار شەكتى سەرىكتەستىگى قارجى قوسىپ سالعان. نىسانعا جالپى 2 ميلليارد 400 ميلليون يۋان قارجى قوسىلىپ، جىلىنا 60 مىڭ توننا سەلليۋلوزا ەفيرى جانە 120 مىڭ توننا ٴبىر حلورلى مەتان ٴوندىرۋ قۇرىلعىسى جانە نەگىزدىك سايكەستى قۇرىلعىلار سالىندى. نىساندا 2023 - جىلى 6 - ايدا قۇرىلىس باستالىپ، مەجەمەن 2024 - جىلى 7 - ايدا وندىرىسكە قوسىلادى. نىسان وندىرىسكە قوسىلعاننان كەيىن مەجەمەن جىلدىق ٴونىم قۇنى ٴبىر ميلليارد 700 ميلليون يۋان بولىپ، 200 ميلليون يۋان باجى تاپسىرادى. تولىق وندىرىسكە قوسىلعاننان كەيىن مەجەمەن جىلدىق ٴونىم قۇنى 5 ميلليارد 100 ميلليون يۋان بولىپ، 600 ميلليون يۋان باجى تاپسىرىپ، 700 ادامنىڭ جۇمىستانۋ ماسەلەسى شەشىلەدى.

كۇنەس اۋدانىنا ورنالاسقان ىلە ليانياۋ زەردەلى جارىقتاندىرۋ عىلىم - تەحنيكا شەكتى سەرىكتەستىگىنىڭ LED زەردەلى جارىقتاندىرۋ نىسانىنا جالپى 100 ميلليون يۋان قارجى قوسىلعان، ەكى مەرزىمگە ٴبولىپ سالىنادى. ”نىساننىڭ 1 - مەرزىمىندە بيىل 6 - ايدىڭ باسىندا قـۇرىـلـىس باستالعان، مەجەمەن 9 - ايدا وندىرىسكە قوسىلادى. نىسان سالىنىپ بىتكەننەن كەيىن ٴبىرىنشى مەرزىمدە مەجەمەن جىلدىق ٴونىم قۇنى 40 ميلليون يۋان، جىلدىق پايداسى 6 ميلليون يۋان، جوعارىعا تاپسىراتىن باجى سوماسى ٴبىر ميلليون يۋان، جاڭادان 30 جۇمىس ورنى ارتادى“ دەدى ىلە ليانياۋ زەردەلى جارىقتاندىرۋ عىلىم - تەحنيكا شەكتى سەرىكتەستىگىنىڭ جاۋاپتىسى.

تۇتاس كاسىپ تىزبەگى ەگىن، مال شارۋاشىلىعىنىڭ دامۋىن جەبەدى

اۋىل شارۋاشىلىعىن وسىزامانداندىرۋدى جەدەلدەتىپ، اۋىل شارۋاشىلىعىنىڭ وزىندىك قۇنىن تەجەپ، ونىمدىلىكتى ارتتىرۋدى، شارۋالاردىڭ كىرىسىن جوعارىلاتۋدى جەبەدى، اۋىل ـ قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ − جاڭا داۋىردەگى اۋىل ـ قىستاق ەكونوميكاسىن دامىتۋداعى ماڭىزدى قىزمەت. بيىل ىلە وبلىسى ساۋداگەر شاقىرىپ، قارجى ەنگىزۋ، مىقتىلاردى، ۇزدىكتەردى سۇيەمەلدەۋ سياقتى تاسىلدەر ارقىلى ەگىمشىلىك، مانەرلەۋ، ساتۋ، زەرتتەپ اشۋ، ايگىلى ماركا ٴبىر تۇلعالاندىرىلعان استىق، ماقتا توقىماشىلىعى، ٴجۇزىم جانە اراق كاسىبى، سويىس سيىر، سويىس قوي، ٴسۇت، ٴۇي قۇستارى، وسى زاماندانعان ەگىمشىلىك، كوكونىس سياقتى ”N+8“ ۇلگىسىندەگى ەگىن، مال شارۋاشىلىعى تۇتاس كاسىپ تىزبەگىن جەدەل قۇرىپ، استىق ٴوندىرىسى قۋاتىن جوعارىلاتۋ، جوعارى ولشەمدى ەگىنجاي قۇرىلىسى، مال شارۋاشىلىعىن گۇلدەندىرۋ، اۋىل شارۋاشىلىق كاسىپ سالاسى شوعىرى قۇرىلىسى، شارۋالاردىڭ كىرىسىن ارتتىرىپ اۋقاتتاندىرۋ، قونىستانۋعا، كاسىپتەنۋگە جايلى بولۋ جانە كورىكتى اۋىل - قىستاق قۇرىلىسى سىندى ”6 ارناۋلى ارەكەتتى“ جوعارى ونىمدىلىكپەن ورىستەتىپ، ىلە وزەنى اڭعارىن مەملەكەتتىك وسى زاماندانعان اۋىل شارۋاشىلىعىنان ۇلگى كورسەتۋ رايونى، جاسىل، ورگانيكالى مال شارۋاشىلىق ونىمدەرىن ٴوندىرۋ بازاسى جانە شينجياڭنىڭ استىق وندىرىسىندەگى وزەكتى رايون، ەرەكشە ورگانيكالىق جەمىس - جيدەك، كوكونىس ابزالدىلىعىنا يە كاسىپ سالاسى بەلدەۋى ەتىپ قۇرىپ شىعۋعا كۇش سالۋدا.

توعىزتاراۋ اۋدانى تيانيۇن بالىقشىلىق كاسىبى سانۋىن ەكولوگيالىق باعىمشىلىعى جانە مانەرلەۋ نىسانىن توعىزتاراۋ اۋدانى تيانيۇن بالىقشىلىق شەكتى سەرىكتىگى قارجى قوسىپ قۇرعان، جالپى 408 ميلليون يۋان قارجى قوسىلىپ، ەكى مەرزىمگە ٴبولىپ قۇرىلىس جۇرگىزەدى، 1 - مەرزىمدىك قۇرىلىس بيىل 4 - ايدا باستالىپ، 12 - ايدا اياقتالادى، 2 - مەرزىمدىك قۇرىلىس  2024 - جىلى 4 - ايدا باستالىپ، 2024 - جىلى 10 - ايدا  اياقتالاتىندىعى مەجەلەنۋدە.

سوڭعى جىلداردان بەرى ەرەكشە مەديتسينالىق رەتسەپتى ازىق ـ تۇلىكتەر ەلىمىزدە بوي كوتەرىپ دامي باستادى، توعىزتاراۋ اۋدانى نالابنيۋان 2 ـ مەرزىمدىك ەرەكشە مەديتسينالىق رەتسەپتى ٴسۇت ٴوندىرىسى جەلىسى قۇرىلىسى نىسانى توعىزتاراۋ اۋدانىنىڭ عىلىم ـ تەحنيكادان ۇلگى كورسەتۋ باقشا رايونىنا ورنالاسقان، توعىزتاراۋ اۋدانى نالابنيۋان  ٴسۇت كاسىبى سەرىكتەستىگى قارجى قوسىپ سالعان. نىسانعا جالپى 100 ميلليون يۋان قارجى قوسىلعان، نىسان سالىنىپ بولعاننان كەيىن، مەجەمەن جىلىنا 25 مىڭ توننا ەرەكشە مەديتسينالىق رەتسەپتى ٴسۇت وندىرەدى، جىلدىق ٴونىم قۇنى 250 ميلليون يۋان بولىپ، 180 ادامدى جۇمىستاندىرادى.

ىلە فىڭساۋ مال فەرماسى تۇيە باعىمشىلىعى بازاسى قۇرىلىسى نىسانىن قورعاس اۋدانى اقيقات باعىمشىلىعى شارۋالار كاسىپتىك سەلبەستىك كووپەراتيۆى، قورعاس اۋدانى اۋىل ـ قىستاقتى گۇلدەندىرۋ مەكەمەسى، ىلە فىڭساۋ مال فەرماسى شەكتى سەرىكتەستىگى قارجى قوسىپ قۇرعان، جالپى 50 ميلليون يۋان قارجى قوسىلعان.

نىسان ىسكە قوسىلعاننان كەيىن جىلدىق كىرىسى 90 ميلليون يۋاننان اسىپ، 300 دەن استام ادامدى جۇمىستاندىرىپ، ولاردىڭ جان باسىندىق جىلدىق كىرىسىن شامامەن 50 مىڭ يۋانعا جەتكىزەدى.

كۇيتۇن - ساۋدا مينيسترلىگى بەلگىلەگەن مەملەكەتتىك ەلەكتروندى ساۋدادان ۇلگى كورسەتۋ بازاسى، ورتا ازياداعى وزبەكستانمەن جانە جۇڭگو ساۋدا مينيسترلىگىمەن سەلبەسىپ، جۇڭگونىڭ باتىس بولەگىندەگى تۇڭعىش حالىقارالىق ەلەكتروندى ساۋدا تەكشەسى − ازيا - ەۆروپا حالىقارالىق زاتتىق بۇيىمدار ساۋدا ورتالىعىن قۇردى. بيىل كۇيتۇن ٴداۋىردىڭ دامۋىنا تىعىز ىلەسىپ، حاڭجوۋ دۇنيە جۇزىلىك ساۋدا قامداۋ تىزبەگى توبى شەكتى سەرىكتەستىگىمەن ستراتەگيالىق سەلبەستىك جاساپ، ”ەل ٴىشى - سىرتى“ ەلەكتروندى ساۋدا كاسىپ سالاسى باقشاسىن قۇردى.

دوۋيىن تەكشەسىنەن پايدالانىپ تىكە تاراتۋدا زات ساتۋ ارقىلى جەرگىلىكتى اۋىل شارۋاشىلىق ونىمدەرىنىڭ ساتىلۋىن جەبەپ، ەكونوميكالىق، قوعامدىق دامۋعا دەم بەرىپ، بۇقارانىڭ جۇمىسقا ورنالاسۋىنا، كىرىسىن ارتتىرىپ، اۋقاتتانۋىنا جەتەكشىلىك ەتۋگە بولادى. نىسان وندىرىسكە قوسىلعاننان كەيىن جىلدىق ورتاشا تيجارات كىرىسى 200 ميلليون يۋان بولىپ، 20 ميلليون يۋان باجى تاپسىرىلىپ، 600 ادامنىڭ جۇمىستانۋ ماسەلەسى شەشىلمەكشى. كەزەكتە بۇل سەرىكتەستىك شينجياڭ قولدانىلمالى كاسىپتىك تەحنيكالىق شۋەيۋانىمەن جۇمىسقا ورنالاستىرۋ سەلبەستىك كەلىسىمىنە قول قويىپ، وقۋ بىتىرگەن 110 نەشە وقۋشىنى جۇمىستاندىردى.

توعىزتاراۋ اۋدانى تيانيۇن بالىق شارۋاشىلىعى سالمون بالىعى ەكولوگيالىق باعىمشىلىق جانە مانەرلەۋ نىسانى  لۋ جۇڭ فوتوسى 

ەلەكتروندى ساۋدا كاسىپ سالاسى باقشاسىنداعى تىكە تاراتۋ      ما چىڭلۋ فوتوسى 

توعىزتاراۋ اۋدانى حۋاميڭ مال شارۋاشىلىعىنان ۇلگى كورسەتۋ بازاسى     لۋ جۇڭ فوتوسى 

چاپچال اۋدانىنداعى فوتوۆولتتىق ەلەكتر تاراتۋ نىسانى    لۋ جۇڭ فوتوسى 

شينجياڭ شۋرىن قۇرىلىس عىلىم - تەحنيكا شەكتى سەرىكتەستىگىنىڭ قۇراستىرمالى بولات قاڭقالى  قۇرىلىس ٴوندىرىسى جەلىسى نىسانى      لۋ جۇڭ فوتوسى 

شينجياڭ ديڭشۇي جاڭا قۇرىلىس ماتەريالدارى شەكتى سەرىكتەستىگىنىڭ جاڭاشا قۇرىلىس ماتەريالدارى ٴوندىرىس جەلىسى نىسانى           ما چىڭلۋ فوتوسى