وتانعا ماداق ايتىپ، ىلـەدە ٴان اسـقـاقـتـاتـتى

− 2023 ـ جىلى ىلە وبلىسىنىڭ سۇيىسپەنشىلىككە تولى جۇڭچيۋ، مەملەكەت مەرەكەسىن قۇتتىقتاۋ ادەبيەت ـ كوركەمونەر كونسەرتىنەن كوزايىم ساتتەر

ماقالاسىن جازىپ، سۋرەتىن تۇسىرگەن تىلشىلەرىمىز ۋاڭ جىحۋا، ليۋ چىڭگاڭ 

جۇڭحۋا حالىق رەسپۋبليكاسى قۇرىلعاندىعىنىڭ 74 جىلدىعىن قۇتتىقتاپ، جۇڭحۋانىڭ تاڭداۋلى ٴداستۇرلى مادەنيەتىن ساۋلەلەندىرىپ، شينجياڭدى مادەنيەتپەن نارلەندىرۋ جانە ”ساياحات ارقىلى وبلىستى گۇلدەندىرۋ“ ستراتەگياسىن ىشكەرىلەي اتقارۋ ٴۇشىن، 9 - ايدىڭ 26 - كۇنى ىلە وبلىستىق پارتكومنىڭ ۇگىت ٴبولىمى، وبلىستىق مادەنيەت - ساياحات مەكەمەسى، وبلىستىق راديو - تەلەۆيزيا مەكەمەسى ۇيىمداستىرعان، وبلىستىق ادەبيەت - كوركەمونەرشىلەر بىرلەستىگى مەن ىلە راديو - تەلەۆيزيا ستانسياسى ۇستىنە الىپ وتكىزگەن، 2023 - جىلعى ىلە وبلىسىنىڭ ”وتانعا ماداق ايتىپ، ىلەدە ٴان اسقاقتاتايىق“ اتتى جۇڭچيۋ، مەملەكەت مەرەكەسىن قۇتتىقتاۋ ادەبيەت - كوركەمونەر كونسەرتى تارتىمدى قويىلىپ، تاڭداۋلى ادەبيەت - كوركەمونەر تۋىندىلارى ارقىلى ۇلى وتاندى، كورىكتى ىلەنى، تاماشا جاڭا ٴداۋىردى جىرلادى.

ادەبيەت - كوركەمونەر كونسەرتى دۋماندى ٴان - ٴبيدىڭ سۇيەمەلىندە «ٴبىزدىڭ شينجياڭ جاقسى جەر» اتتى بيمەن شىمىلدىعىن اشتى. «سۇيەم سەنى، جۇڭگو»، «ٴتاتتى الما»، «مامىرداعى جيدە گۇلى»، «وتان ٴۇشىن توست كوتەرەيىك» اندەرى، وركەستردىڭ سۇيەمەلىمەن ورىندالعان «تولعان اي» ٴانى، داستاندىق مۋزيكا، كورىنىستىك ٴبي − «سالتانات داستارقانى، شاتتىق جىرى» سياقتى كوپتەگەن نومىرلەر ارت - ارتىنان قويىلىپ، جۇڭچيۋ مەن مەملەكەت مەرەكەسىن ىلەنىڭ مادەنيەت تاريحىمەن شەبەرلىكپەن ۇشتاستىرىپ، ەرەكشە قىزعىندى بولدى. ارتيستەر وتانعا دەگەن تىلەكتەرىن جانە باقىتتى تۇرمىسقا دەگەن ماراپاتتارىن ٴبىلدىرىپ، كوڭىلدى، دۋماندى، جاراسىمدى مەرەكەلىك رايدى جوعارى ورلەۋگە كوتەردى. كونسەرت «مەن جانە وتانىم» اتتى ٴان - بيمەن اياقتادى، كوپشىلىك قولدارىنداعى مەملەكەت تۋىن بۇلعاپ، ۇلى وتانعا باقىت تىلەدى.

داستاندىق مۋزيكا،  كورىنىستىك ٴبي − «سالتانات داستارقانى، شاتتىق جىرى»

حالىق اندەرىن ۇلاسپالى ورىنداۋ

ەرلەر جەكە داۋىستى ٴانى − «ٴتاتتى الما»

ايەلدەر جەكە داۋىستى ٴانى «كۋا بول ايىم»