سان مىڭداعان قوڭىرالا قاز ىلە وزەنى جاعاسىنا ۇشىپ كەلىپ، ايبىندى كورىنىس قالىپتاستىردى

نۇرمانباي جەتپىسباي ۇلى، جىڭ فيفي (ەرىكتى تىلشىلەر)

تاياۋدا چاپچال سىبە اۆتونوميالى اۋدانىنىڭ ىلە وزەنى مەملەكەتتىك سازدىق باقشاسىنا سان مىڭداعان قوڭىرالا قاز كەلىپ دامىلدادى. سولتۇستىكتەن كەلەتىن قوڭىرالا قاز ٴار جىلى قونىس اۋداراتىن مەزگىلدە ۇزاق ساپار شەگىپ، وسى تىنىش تا جايلى سازدىققا جەتەدى. ولار سازدىق باقشاسىندا ايالداپ، اسىر سالىپ، ايبىندى كورىنىس قالىپتاستىردى.

ۇعىسۋعا قاراعاندا، ٴار جىلى قىراۋ ٴتۇسۋدىڭ الدى - ارتى قوڭىرالا قازدىڭ قونىس اۋداراتىن مەزگىلى بولىپ، مىڭداعان، ون مىڭداعان قوڭىرالا قاز وڭتۇستىككە بارىپ قىستايتىن مەكەن ىزدەيدى ەكەن. چاپچال اۋدانى ىلە وزەنى مەملەكەتتىك سازدىق باقشاسى وسى قونىس اۋدارعان قوڭىرالا قازداردىڭ ايالدايتىن جەرىنە اينالعان.

تاياۋ جىلداردان بەرى چاپچال اۋدانى ”تۇنىق سۋ، جاسىل تاۋ − باعالى بايلىق“ ۇستانىمىنا باستان - اياق تاباندى بولىپ، ادام مەن تابيعات جاراسىمدى قاتار ٴومىر سۇرەتىن جاراتىلىستىق ورتا قالىپتاستىردى، بۇل كۇندە چاپچال اۋدانى ىلە وزەنى مەملەكەتتىك سازدىق باقشاسى قۇستاردىڭ دەمالاتىن جەر ۇيىعىنا، جىل قۇستارىنىڭ قونىس اۋدارۋىنداعى ايالداماسىنا اينالدى.

توبىمەن ۇشقان قالىڭ قاز

 اتىزدا جەم ىزدەگەن قوڭىرالا قاز

 قۇستار كەرۋەنى 

كەشكى شاپاقتى بەتكە الىپ ۇشقان قۇستار