قۇلجا قالاسى حالىقتىق تۇسەلحانا كاسىپ سالاسىن گۇلدەندىرۋدە كوپ نەگىزدەندىرۋ جولىنا ٴتۇستى
حابارىن جازىپ، سۋرەتىن تۇسىرگەن ٴتىلشىمىز ۋاڭ جىحۋا
قۇلجا قالاسىنىڭ كوشە رايوندارىندا، ىلە وزەنىنىڭ ەكى جاعالاۋىندا، الدە اۋىل ـ قىستاقتا بولسىن، ٴتىپتى دە كوپ تاڭداۋلى حالىقتىق تۇسەلحانالار جاڭبىردان كەيىنگى جاۋقازىنداي كوبەيىپ، قۇلجا قالاسىنىڭ وزگەشە ۇلتتىق سالت ـ ساناسى مەن ساياحاتتى كوركەيتۋ ساياساتىن سۇيەنىش ەتكەن، حالىقتىق تۇسەلحانالار شوعىرى بىرتىندەپ قالىپتاسا باستادى.
سوڭعى جىلدارى قۇلجا قالاسىنداعى توراپتا تانىمالى بولعان حالىقتىق تۇسەلحانالار ارت - ارتىنان جارىققا شىعىپ، ۇزدىكسىز كولەمدەنىپ، كاسىپ ەرەكشەلىگى كۇن سايىن كورنەكتىلەنە ٴتۇستى. ”تۇيىندە وركەن جايۋدان“ ”جاپپاي گۇلدەنۋگە“ دەيىن، جالاڭ تاماقتانىپ، قونىپ كەتۋدەن كوپ نەگىزدى دامۋعا دەيىن، قۇلجا قالاسىنداعى حالىقتىق تۇسەلحانالار كاسىپ سالاسى بويىنشا ماركالانۋعا، كوپ نەگىزدەنۋگە، شوعىرلى دامۋعا قاراي بەت الىپ، ”تۇنىق سۋ، جاسىل تاۋ − باعالى بايلىق“ دەگەن ٴسوزدى ٴار قىرىنان ٴتۇسىندىردى.
سوڭعى جىلدارى قۇلجا قالاسى «ساياحاتتىق حالىقتىق تۇسەلحانالارعا قويىلاتىن نەگىزگى تالاپ پەن دارەجەگە ٴبولۋ» جونىندەگى كاسىپتىك ولشەم مەن «قۇلجا قالاسىنىڭ حالىقتىق تۇسەلحانالاردى ارناعا ٴتۇسىرىپ دامىتۋدى جەبەۋ جونىندەگى اتقارۋ ٴادىسىن» شىعارىپ، ساياساتتىق جاقتان سۇيەمەلدەپ كەلەدى. قازىر قۇلجا قالاسىندا 200 گە جۋىق حالىقتىق تۇسەلحانا بار، بيىل تاعى 180 دەي حالىقتىق تۇسەلحانا جاڭادان قوسىلادى.
كورىنىس رايونىنا سۇيەنىپ، حالىقتىق تۇسەلحانا ماركاسىن ايگىلەدى
سوڭعى جىلدارى ساياحاتتى كوركەيتۋ ىستەرىنىڭ ۇزدىكسىز جاقسارۋىنا ىلەسە، ەرەكشە تاڭداۋلى حالىقتىق تۇسەلحانالار جارىققا شىقتى، ساياحاتتىڭ قاۋىرت مەزگىلىندە حالىقتىق تۇسەلحانالار ٴار كۇنى دەرلىك جولاۋشىعا لىق تولىپ، اۋەلى ”قونالقى تابىلمايتىن“ جاعداي جارىققا شىقتى.
قۇلجا قالاسىنىڭ قازانشى ۇلتتىق سالت ـ سانا ساياحات رايونىنداعى فانجيڭ حالىقتىق تۇسەلحاناسى القاۋعا يە بولعان توراپتاعى تانىمال حالىقتىق تۇسەلحانالاردىڭ ٴبىرى. ونداعى ۇيعۇر ۇلتى ستيلىندەگى اۋلالار ٴساندى تىزىلگەن زاتتارىمەن ساياحاتشىلاردى وسىندا كەلىپ قونۋعا، كورىپ كوزايىم بولۋعا باۋرايدى. وسى حالىقتىق تۇسەلحانانىڭ جاۋاپتىسى دۇڭ شياڭحۇي بەيجيڭنەن كەلگەن، ول حالىقتىق تۇسەلحانا اشۋ جانە تيجارات جۇرگىزۋ بارىسىندا دامىعان وڭىرلەردىڭ وزىق ۇستانىمى مەن باسقارۋ تاجىريبەسىنەن تولىق ۇلگى الدى ٴارى ونى جەرگىلىكتى ورىننىڭ ۇلتتىق سالت ـ سانا ەرەكشەلىگىمەن توعىستىردى. حالىقتىق تۇسەلحانا ىسكە قوسىلعاننان كەيىن، جاسامپازدىقپەن جوبالاۋ جانە ساپالى قىزمەت وتەۋ ارقىلى ىلگەرىندى - كەيىندى ”2019 - جىلعى جۇڭگونىڭ 10 ٴىرى جاڭا حالىقتىق تۇسەلحانا ماركاسى سيلىعىنا“ جانە ”شينجياڭ حالىقتىق تۇسەلحانا جاسامپازدىعى جىلدىق سيلىعىنا“ يە بولدى، 2021 - جىلى ”مەملەكەتتىك B دارەجەلى ساياحات حالىقتىق تۇسەلحاناسى“ بولىپ باعالاندى.
كوپ تۇيىندە ورنالاستىرىلىپ، اۋىل - قىستاقتى كوركەيتۋگە دەم بەرىلدى
قۇلجا قالاسى تاشكورىك اۋىلى ايدوڭ قىستاعىنداعى ”شىحى يۋانفاڭ“ حالىقتىق تۇسەلحاناسى بىلتىر 5 - ايدا رەسمي تيجارات جۇرگىزگەن. ”ٴبىز ساياحاتشىلارعا كورىنىس ٴوڭىرىنىڭ ەرەكشەلىگىن، ەرەكشە ەفير مايى ونىمدەرىن جانە توڭىرەكتەگى ٴدامدى تاعامدار سياقتىلاردى تانىستىرامىز، سونىمەن بىرگە تاماشا وسكەلەڭ تۇرمىس تاسىلىن توڭىرەكتەگى قىستاق تۇرعىندارىمەن بولىسەمىز“ دەدى حالىقتىق تۇسەلحانانىڭ جاۋاپتىسى دياۋ ۋييان.
قۇلجا قالاسى بايانداي قالاشىعى بايانداي قىستاعىنىڭ تۇرعىنى گىڭ لينلي ”ۋاڭ مىڭ كىتاپ ٴۇيىنىڭ“ مادەنيەتتىك ىقپالىندا، قىستاقتان ”گۋروجۇي“ حالىقتىق تۇسەلحاناسىن اشتى.
وسى قالاشىقتىڭ مادەنيەت، ساياحات قىزمەتىنە جاۋاپتى كادرى ياڭ ۋىنشيۋ بىلاي دەپ تانىستىردى: قازىر بايانداي قالاشىعىندا 7 حالىقتىق تۇسەلحانا بار، نەگىزىنەن مۇندا جەرگىلىكتى قىستاق تۇرعىندارى تيجارات جۇرگىزەدى، قالاشىقتا حالىقتىق تۇسەلحانا تيجاراتىن باسقارۋ جانە قىزمەت وتەۋ كۋرسى باعىتتامالى تۇردە اشىلىپ، حالىقتىق تۇسەلحانانىڭ اناعۇرلىم ويداعىداي دامۋىنا دەم بەرىلىپ كەلەدى.
”حالىقتىق تۇسەلحانا +“ كوپ نەگىزدى ساياحات تۇرلەرىن ازىرلەدى
ەۆروپا ۇلگىسىندەگى ساياجاي، باۋ - باقشالى اعاش ٴۇي، گۇلدى كوگالدىق سياقتىلارمەن يەلەگەن جەر اۋماعى 12 مۋ كەلەتىن قۇلجا قالاسىنداعى كوكشى ۇلتتىق سالت - سانا باقشاسى قازانشى ۇلتتىق سالت - سانا ساياحات رايونىمەن ىرگەلەس كەلەدى، ايتالىق، قالانىڭ دۋماندى ورتاسىنا ورنالاسقان شارۋاشىلىق ورىندارى، حالىق−تىق تۇس−ەلحانالار، ەرەكشە اس - سۋ، از ۇلتتاردىڭ نەكە سالتى، ساياحاتتاي ٴجۇرىپ سۋرەتكە الۋ، تۇسكى شاي، قولونەر بۇيىمدار كورمەسى سياقتى كوپ نەگىزدى ساياحات كەشىرمەلەرى تۇتاستاي قامتىلعان.
قۇلجا قالاسى تاڭنۇر 8 - كوشەسىندەگى حۋاشى حالىقتىق تۇسەلحاناسىنىڭ ەڭ ۇلكەن ەرەكشەلىگى قابىرعاسىنا ىلىنگەن ماي بوياۋلى سۋرەتتە، وندا ومىرشەڭدىككە تولى كۇنباعىس، كوگىلدىر كول سۋى، كورىكتى تاۋ - وزەندەر مەن ورماندى تۇسەلحانا قوجايىنى جىڭ شۋان ٴوز قولىمەن سىزعان، تۇسەلحانانىڭ كەزگەلگەن جەرىنەن كوركومونەرلىك لەپ ەسەدى.
شينجياڭ كوركوم−ونەر شۋەيۋانىنان وقۋ بىتىرگەن جىڭ شۋان مەن ٴىنىسى جىڭ في بىرگە شارۋاشىلىق قۇرىپ، التىشۋار كوشەسى كورىنىس رايونىنان وسى اۋلانى مايعا الىپ حالىقتىق تۇسەلحانا اشىپ، بىلتىر 4 - ايدا رەسمي تيجارات جۇرگىزگەن - دى. ”ٴبىز قابىلداعان ساياحاتشىنىڭ كوبى كوركەمونەر اۋەسكەرلەرى، حالىقتىق تۇسەلحانامىز سۋرەت تاقتاسى، بوياق سياقتىلارمەن قامدايدى، كوپشىلىك ويلارىن ورتاعا سالىپ، ٴوزارا پىكىرلەسەدى“ دەدى جىڭ في.
جۇڭلۇي بورۇي شينجياڭ ساياحاتتى دامىتۋ شەكتى سەرىكتەستىگى جۇمىس جۇرگىزەتىن مارگارەت حالىقتىق تۇسەلحاناسى التىشۋار كوشەسى كورىنىس رايونىنداعى جوعارى دەڭگەيلى حالىقتىق تۇسەلحانا. ب−ۇل حالىقتىق تۇسەلحانا − اس - سۋ، شاراپحانا، كوفە، مادەنيەت جاسامپازدىعى سياقتىلاردى ٴبىر تۇلعالاندىرعان اشىق تۇرمىس كەڭىستىگى. بيىل 1 - ايدا باعالاۋدان ٴوتىپ، قۇلجا قالاسىنداعى تاعى ٴبىر ”مەملەكەت دارەجەلى حالىقتىق تۇسەلحاناعا“ اينالعان. تاياۋدا مارگارەت حالىقتىق تۇسەلحاناسى 8 - كەزەكتى ”قارا قاراعاي ساڭىراۋقۇلاعى“ اتىنداعى تاڭداۋلى حالىقتىق تۇسەلحانا سيلىعىنا يە بولدى.
قۇلجا فانجيڭ حالىقتىق تۇسەلحاناسىنان ٴبىر كورىنىس
حۋاشى حالىقتىق تۇسەلحانانىڭ سىرتقى كورىنىسى
حۋاشى حالىقتىق تۇسەلحانانىڭ ىشكى كورىنىسى
مارگارەت حالىقتىق تۇسەلحاناسىنىڭ سىرتقى كورىنىسى
مارگارەت حالىقتىق تۇسەلحاناسىنىڭ كوفەحاناسى
”شىحى يۋانفاڭ“ حالىقتىق تۇسەلحاناسىنىڭ كوفەحاناسى لۋ جۇڭ فوتوسى
قۇلجا قالاسى التىشۋار كوشەسىندەگى ان - شى حالىقتىق تۇسەلحاناسى
ان - شى تۇسەلحاناسىنىڭ الەۋمەتتىك دەمالىس اۋماعى
قۇلجا قالاسى كوكشى ۇلتتىق سالت ـ سانا باقشاسىنداعى حالىقتىق تۇسەلحانا