«جۇڭگو تاڭداۋلى تۇلپارىن» جاراتايىق
تۇڭعىش توپتا 30 ىلە تۇلپارى شينجياڭنان اتتاندىرىلدى، جىلقى شارۋاشىلىعىنىڭ شوعىرلى دامۋى ٴۇشىن تىڭ جول اشىلادى
ٴتىلشىمىز لي يافىڭ حابارلايدى. 7 - ايدىڭ 25 - كۇنى ساعات 12 دە وبلىستىق ۇكىمەت ۇيىمداستىرعان، شينجياڭ جىلقى شارۋاشىلىعى قوعامى، ىلە وبلىستىق جىلقى شارۋاشىلىعى قوعامى، چيڭداۋ دىرۇيجۇنفا بيو عىلىم - تەحنيكالىق جارنا شەكتى سەرىكتىگى ۇستىنە العان «تۇلپارلاردى شينجياڭنان اتتاندىرۋ، اۋىل - قىستاقتى گۇلدەندىرۋدى جەبەۋ بويىنشا 2021 - جىلعى ىلە تۇلپارىن بەيجيڭدە تانىستىرۋ جارمەنكەسىنە» ازىرلەنۋ سالتى كۇنەس اۋدانى نارات كورىنىس رايونىنىڭ بايگە الاڭىندا وتكىزىلدى. 30 ىلە تۇلپارى سول كۇنى اتتاندىرىلدى، بۇل تۇلپارلار 8 - ايدىڭ 8 - كۇنگى بەيجيڭ شي - ۋ اۋىل - قىستاق ات ونەرى كلۋبى ۇيىمداستىرعان تانىستىرۋ جارمەنكەسىنە قاتىناستىرىلىپ، ىلە جىلقى شارۋاشىلىعىنىڭ شوعىرلى دامۋى ٴۇشىن تىڭ جول اشىلادى. وبلىستىق پارتكومنىڭ تۇراقتى مۇشەسى ەلشات تۇرسىنباي ۇلى اتتاندىرۋ سالتىنا قاتىناستى ٴارى ٴسوز سويلەدى. وبلىستىق مال شارۋاشىلىعى - مال شيپاگەرلىگى مەكەمەسى، مادەنيەت جانە ساياحات مەكەمەسى، كۇنەس اۋدانى، تەكەس اۋدانى، موڭعۇلكۇرە اۋدانى سياقتى قاتىستى ورىنداردىڭ جاۋاپتىلارى قيمىلعا قاتىناستى.
اتتاندىرۋ سالتىندا دىرۇيجۇنفا سەرىكتىگى 30 ىلە تۇلپارىن سارالاپ شىقتى. وسىدان سوڭ، قيمىلعا قاتىناسقان باسشىلار تۇڭعىش توپتا شينجياڭنان اتتاندىرىلاتىن 30 ىلە تۇلپارىنا بەلگىٴنومىر تاراتتى.
جاقىنعى جىلداردان بەرى ىلە وبلىسى جىلقى شارۋاشىلىعىنىڭ وسى زامانعى جىلقى شارۋاشىلىعىنا قاراي دامۋىن مىقتى يگەرىپ، العاشقى قادامدا جىلقى جەتىلدىرۋدى نەگىز، بايگە اتى ىستەرىن جەتەكشى، مادەنيەت پەن ساياحاتتى ٴتۇيىن ەتىپ، جىلقى شارۋاشىلىعىن كولەمدەندىرىپ، جەم - ٴشوپ دايىنداۋ، جاتتىقتىرۋدى كاسىپ سالالاندىرىپ، بارىس - كەلىس، ساۋدا - ساتتىقتى ۇدايىلاندىرعان وسى زامانعى جىلقى شارۋاشىلىعى جۇيەسىن قالىپتاستىرىپ، ەكونوميكالىق ونىمدىلىگى مەن دامۋ بولاشاعىن كورنەكتىلەندىرە ٴتۇستى. كەزەكتە ەل ىشىندەگى جوعارى ورەلى تۇتىنۋشىلاردىڭ جىلقى شارۋاشىلىعىنا، اسىرەسە، جوعارى ورەلى سپورت تۇلپارىن قاجەت ەتۋى كورنەكتىلەنىپ، جوعارى ورەلى سپورت تۇلپارىن ەل ىشىندە باپتاۋ ورلەۋى كوتەرىلدى. مىنە وسىنداي ارتقى كورىنىس جاعدايىندا «ۇكىمەت + قوعام + كاسىپورىن» دامۋ سەلبەستىك ۇلگىسى ارقىلى «تۇلپارلاردى شينجياڭنان اتتاندىرۋ» ستراتەگياسى اتقارىلىپ، ىلە تۇلپارىنىڭ ساپاسىن جـوعارىلاتۋعا كۇش سالىنىپ، ىلە تۇلپارى ماركاسى ايگىلەنىپ، ىلە تۇلپارىن ەلىمىزدىڭ سپورت تۇلپارىنىڭ ٴبىرىنشى ماركاسىنا اينالدىرۋعا مۇمكىندىك جاسالدى.
ەلشات تۇرسىنباي ۇلى مىنانى باسا دارىپتەدى: وسى رەتكى قيمىلدى وراي ەتىپ، «تۇلپارلاردى شينجياڭنان اتتاندىرۋ» جەلىلەس قيمىلدارىن ۇزدىكسىز، اقاۋسىز دامىتىپ، بىرتىندەپ كۇشەيتۋىمىز كەرەك. سونىمەن بىرگە، ۇيرەنۋ، اۋىس - كۇيىس جاساۋ، بىرگە قۇرۋ تەكشەسىن قۇرىپ، تانىستىرۋ جانە ساۋداگەر شاقىرىپ، قارجى ەنگىزۋ قىزمەتىن ويداعىداي ىستەپ، ىلە تۇلپارىنىڭ تاماشا قاسيەتى مەن تۇلپار مادەنيەتىن تولىق ايشىقتاپ، ىلە تۇلپارىنىڭ، ىلە تۇلپارىن جەتىلدىرۋشىلەردىڭ حيكايالارىن ويداعىداي اڭگىمەلەپ، «جۇڭگونىڭ تاڭداۋلى تۇلپارى» اتاعىن بىرگە سومداپ، ىلە وبلىسىنىڭ جىلقى شارۋاشىلىعىنىڭ دامۋى ٴۇشىن قوزعاۋشى كۇش ازىرلەپ، ىلە جىلقى شارۋاشىلىعىن ورنىقتى قامدامەن دامىتۋىمىز كەرەك.
دىرۇيجۇنفا سەرىكتىگىنىڭ ۇگىت قىزمەتكەرى زوۋ جىگاڭ بىلاي دەدى: «سەرىكتىگىمىز 2013 - جىلى ىلەگە ىرگە تەپكەننەن بەرى جىلقى شارۋاشىلىعى جاعىنداعى مىعىم عىلمي زەرتتەۋ قۋاتىن تياناق ەتىپ، عىلىم - تەحنيكا ارقىلى تۇقىمىن اسىلداندىرىپ، سارالاپ، جاتتىقتىرۋ جانە ساتۋ سىندى اينالمالى تىزبەك قالىپتاستىرىپ، ٴار جىلى ىلە تۇلپارىن جەتىلدىرىپ، جەتىلدىرىلگەن ىلە تۇلپارلارىن شينجياڭنىڭ ٴىشى - سىرتىنداعى، اسىرەسە تەڭىز جاعالاۋىنداعى بازارلارعا سالىپ، ىلە تۇلپارىنىڭ بازارىن كەڭەيتتى» دەدى.
بەيجيڭ ات ونەرى سپورتى قوعامىنىڭ ورىنباسار باستىعى رىن نيڭنيڭ بىلاي دەدى: «مەجەمەن 7 - ايدىڭ 29 - كۇنى بەيجيڭگە جەتىپ، 8 - ايدىڭ 8 - كۇنگى تانىستىرۋ جارمەنكەسىنە قاتىناستىرىلادى، تۇتىنۋ بازارىن جانداندىرۋ مەن كاسىپتىڭ دارەجەسىن جوعارىلاتۋ ارقىلى ىلە تۇلپارىنىڭ بايگە ىستەرىن بازارلاندىرۋ، ماركالاندىرۋ جـونىندە ىزدەنىس جاساپ، كوپ ارنا ارقىلى تۇقىمىن اسىلداندىرۋ، كىرىستى ارتتىرۋ قاجەتىن قامداپ، ىلە تۇلپارىنىڭ بۇكىل مەملەكەتتىڭ جىلقى شارۋاشىلىعىنداعى وزەكتى ورنىن ۇزدىكسىز جوعارىلاتىپ، اۋىل - قىستاقتى گۇلدەندىرۋ، دامىتۋعا جەبەۋشى بولۋىن ٴۇمىت ەتەمىز».