باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
ىلەنىڭ مەيىر باعىشتاۋ بۇيىمدارى حىنانداعى اپات بولعان وڭىرگە ارت - ارتىنان جونەلتىلدى
2021-07-30 12:57:02     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

وبلىسقا توتە قاراستى اۋدان، قالالارداعى قايىر- ساحابات باس قوعامدارى قازىرگە دەيىن تاسقىنعا قارسى اتتانىپ،اپاتتان قۇتقارۋعا جيىنى ٴبىر ميلليون 300 مىڭ يۋان جىلۋ اقشا قابىلدادى

78b4f6d0c52aa21bdd9a20bb262e3a5e836fbf6d_ea9b124afc4aa392c5a645eaf64281e8.jpeg

سۋرەتتە: اپاتتان قۇتقارۋ بۇيىمدارىن تيەپ، جولعا شىعۋ الدىندا تۇرعان اۆتوكولىكتەر.

لۋ جۇڭ فوتوسى 

ٴتىلشىمىز لۋ جۇڭ حابارلايدى. تاياۋدا حىنان ولكەسىنىڭ ٴىشىنارا وڭىرلەرى كۇشتى نوسەرگە ۇشىرادى ٴارى سەل اپاتى تۋىلىپ، اپات جاعدايى ىلە حالقىنىڭ كوڭىلىنە تەرەڭ اسەر ەتتى. وبلىسقا توتە قاراستى ٴار سالاداعى جۇرتشىلىق، مەيىر باعىشتاۋشى كاسىپورىندار اپات تۋىلعان رايونعا اقشالاي، زاتتاي جىلۋ اتادى. 7 - ايدىڭ 27 - كۇنى ساعات 12 دەن 10 مينۋت وتكەندە اپاتتان قۇتقارۋ بۇيىمدارى تولتىرا تيەلگەن ەكى جۇك اۆتوكولىگى ىلە باتىس سولتۇستىك حالىقارالىق زات اينالىمى باقشاسىنان جولعا شىعىپ، تۇندەلەتە جول ٴجۇرىپ اپاتتان قۇتقارۋ بۇيىمدارىن حىنان ولكەسىندەگى اپاتقا ۇشىراعان حالىققا جەتكىزدى. 

بىرنەشە كۇننىڭ الدىندا قۇلجا، تەكەس اۋداندارىنىڭ كومەككە اتاعان بۇيىمدارى 3 اۆتوكولىكپەن حىنانداعى اپات بولعان وڭىرگە جەتكىزىلگەن بولاتىن. سول كۇنگى اپاتتان قۇتقارۋ بۇيىمدارى جەكە - جەكە ىلە دۇڭيۋە تاسىمال شەكتى سەرىكتىگىنىڭ جانە قۇلجا قالاسىنداعى 20 شاش جاساۋ دۇكەنىنىڭ اتاعان بۇيىمدارى ەدى. مۇندا ىلە دۇڭيۋە تاسىمال شەكتى سەرىكتىگى قۇنى 140 مىڭ يۋانعا جەتەتىن 3 مىڭ 500 جاشىك مينەرال سۋ جانە 10 مىڭ نان اتادى، ىلە دۇڭيۋە تاسىمال شەكتى سەرىكتىگىنىڭ باس ديرەكتورى ما فاڭيۋان ٴوزى اۆتوكولىك ايداپ، اپاتتان قۇتقارۋ بۇيىمدارىن حىنان ولكەسىندەگى اپاتقا ۇشىراعان رايونعا جەتكىزدى. 

ما يۋانفاڭ: «جۇمىلا كوتەرگەن جۇك جەڭىل، قاھارمان جۇڭگو حالقى مەيلى قانداي قيىن اپاتقا ۇشىراسا دا ٴبارى ىنتىماقتاسىپ، ٴبىر نيەتپەن قامال قۇرا الادى. حىنانداعى ەرەكشە داۋىلدى نوسەردەن سەل اپاتى تۋىلعاننان كەيىن ٴبىز ٴبىر كىسىلىك ۇلەسىمىزدى قوسىپ، اپات تۋىلعان رايونداعى حالىق جۇرتشىلىعىنا كومەكتەسىپ، ۋاقىتتىق قيىندىقتى بىرگە جەڭۋدى ويلادىق! بۇل جولى ٴوزىم اۆتوكولىك ايداپ اپاتتان قۇتقارۋ بۇيىمدارىن جەتكىزگەنىم اپاتتان قۇتقارۋدىڭ الدىڭعى شەبىنە ٴوزىمنىڭ بولماشى ۇلەسىمدى قوسۋ، سول جەرگە شۇعىل قاجەتتى بۇيىمداردى ۇعىسۋ ەدى. كەيىن تاعى دا اپاتتان قۇتقارۋ بۇيىمدارى قاجەت بولسا ٴبىز اقىسىز كولىكپەن قامداپ، ىلە حالقىنىڭ مەيىرىن اپات تۋىلعان وڭىرگە الدىمەن جەتكىزەمىز» دەدى.

ىلە چينچيڭ تازارتۋعا قىزمەت وتەۋ شەكتى سەرىكتىگىنىڭ جاۋاپتىسى يۇي فىڭشياۋ − قوسىننان قايتقان اسكەر ٴارى بۇل رەتكى مەيىر باعىشتاۋ، جىلۋ اتاۋ قيمىلىنىڭ ۇيىمداستىرۋشىسى. جۇمىستاعى بارىس - كەلىس سەبەبىمەن ول كوپتەگەن شاش جاساۋ ورنىنىڭ جاۋاپتىلارىمەن جاقسى تانىس ەدى. يۇي فىڭشياڭ: «حىنانداعى كۇشتى داۋىلدى نوسەردەن سەل اپاتى تۋىلعاننان كەيىن سول شاش جاساۋ ورىندارى بەلسەنە جىلۋ اتادى، ٴبىراق ٴبىز اپات تۋىلعان وڭىرگە ٴتىپتى دە كوپ مەيىر باعىشتاۋ قاجەت ەكەنىن سەزىندىك. 7 - ايدىڭ 25 - كۇنى ٴبىز اپات تۋىلعان رايونداعى حالىققا اپاتتان قۇتقارۋ بۇيىمدارى شۇعىل قاجەت ەكەنىن بىلگەننەن كەيىن كوپشىلىك ارت ارتىنان تاعى دا اقشا قۇراپ، اپاتقا ۇشىراعان رايون شۇعىل قاجەت ەتەتىن بۇيىمداردى الۋعا پىكىر ٴبىلدىردى. قىسقا عانا ەكى كۇندە جيىنى 160 مىڭ يۋان اقشا قۇرالىپ، سيىر ٴسۇتى، مينەرال سۋ، قولايلى كەسپە، كيىم، دەزينفەكسيا سۇيىقتىعى سياقتىلاردى ساتىپ الدىق» دەدى. 

7 - ايدىڭ 21 - كۇنى اۆتونوميالى وبلىس جاسىل ٴدالىز اشىپ، «بار كۇشپەن اتتانىسقا كەلىپ، حىنانعا كومەكتەسەيىك» اتىندا شۇعىل اپاتتان قۇتقارۋ ۇندەۋىن شىعاردى ٴارى قوعامعا تاسقىنعا قارسى اتتانىپ، اپاتتان قۇتقارۋعا جىلۋ جيناۋدىڭ بايلانىس تاسىلدەرىن جاريالاپ، مەيىر باعىشتاۋشى كاسىپورىندار مەن قايراتكەرلەردى حىنانداعى تاسقىنعا قارسى تۇرىپ اپاتتان قۇتقارۋعا اقشالاي، زاتتاي جىلۋ اتاۋعا ۇندەپ، اپاتقا ۇشىراعان جۇرتشىلىقتىڭ قيىن وتكەلدەن وتۋىنە كومەكتەستى. 

ىلە قايىر - ساحابات باس قوعامىنىڭ باس حاتشىسى حۋ تيڭ تىلشىگە: «ىلە قايىر - ساحابات باس ۇيىمىنىڭ مەيىر باعىشتاۋ ۇندەۋى ٴارقايسى ورىن مەن كاسىپورىننىڭ جانە مەيىر باعىشتاۋ قايراتكەرلەرىنىڭ پارمەندى قولداۋىنا يە بولدى. ٴبىز حىنان ولكەسىندەگى اپات تۋىلعان رايوندارمەن بايلانىس جاساعاننان كەيىن قازىر حىنان ولكەسى چيشيان اۋدانىندا اپاتتان قۇتقارۋ بۇيىمدارى كەمشىل ەكەنىن بىلدىك. بۇگىن قۇلجا قالاسى، قورعاس قالاسى، چاپچال سىبە اۆتونوميالى اۋدانى، موڭعۇلكۇرە اۋدانىنداعى مەيىر باعىشتاۋ كاسىپورىندارى جانە مەيىر باعىشتاۋ قايراتكەرلەرى اتاعان اپاتتان قۇتقارۋ بۇيىمدارىن 6 اۆتوكولىكپەن چيشيان اۋدانىنا جىبەردىك» دەدى. 

ۇعىسۋعا قاراعاندا، 7- ايدىڭ 27 - كۇنىنە دەيىن وبلىسقا توتە قاراستى اۋدان، قالاداعى قايىر - ساحابات باس ۇيىمى جيىنى ٴبىر ميلليون 300 مىڭ يۋاندىق اپاتتان قۇتقارۋ قاراجاتىن، قۇنى 2 ميلليون 600 مىڭ يۋاندىق مەيىر باعىشتاۋ بۇيىمدارىن قابىلداعان، مۇندا ىلە قايىر - ساحابات باس ۇيىمى 710 مىڭ يۋان جىلۋ، قۇنى ٴبىر ميلليون 500 مىڭ يۋاندىق بۇيىم قابىلداعان.