كوكسۋ اۋىلى 4 - الەۋمەتتىك اۋماعىندا

باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحىن ۇيرەنۋ ورلەۋى كوتەرىلدى

ەرىكتى ٴتىلشى لي جين تەكەستەن حابارلايدى. جۋىقتا تەكەس اۋدانى كوكسۋ اۋىلى 4 - الەۋمەتتىك اۋماعى ٴوز قاراستىلىعىنداعى كادرلار مەن بۇقاراعا باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحىن ۇگىتتەپ، بارشا پارتيالى كادرلاردى اۋەلگى ماقساتتى ەسكە الىپ، اۋەلگى ماقساتتى سەزىنىپ، اۋەلگى ماقساتتا تاباندى بولىپ، العىس ايتۋ تانىمىن كۇشەيتۋگە باستادى.

لەكسيا جاساۋ ناق مايدانىندا الەۋمەتتىك اۋماقتىڭ 1 - شۋجيى، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ باستىعى تىلەۋ سارسەنباي ۇلى باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ ماڭىزدى ٴمانىن، نەگىزگى مازمۇنىن جانە باي ماعىناسىن بايانداي كەلىپ، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ شۇعىلالى تاريحىن، ۇلى تابىستارىن، قىمباتتى تاجىريبەلەرىن ٴتۇسىندىردى. ۇعىنىقتى ٴتىل، ماڭايىنداعى ىستەر، كوزگە كورىنەتىن حالىققا ٴتيىمدى ساياسات سياقتىلار كوپشىلىكتى بىرگە قۇلشىنىپ، ارمانىن بىرگە ىسكە اسىرۋعا جەبەدى.

  قىستاق تۇرعىنى نۇرقايشا احىمەت قىزى پارتيانىڭ ابزال ساياساتىنىڭ ارقاسىندا وتباسىلىق ساۋدا دۇكەن اشىپ العانىن، تيجارات سوماسىنىڭ كۇنىنە 2 مىڭ يۋاننان استام ەكەنىن، قۇلشىنۋ ارقىلى ٴبىر جەڭىل اۆتوكولىك ساتىپ العانىن، وتباسىنداعىلاردىڭ تۇرمىسىنىڭ بارعان سايىن جاقسارىپ كەلە جاتقانىن اسەرلەنە باياندادى.

 الەۋمەتتىك اۋماق كادرى ۋان چۇنيڭ بىلاي دەدى: «نەگىزگى ساتىدا قىزمەت ىستەپ حالىق ٴۇشىن قىزمەت ەتۋدىڭ ماڭىزدى ەكەنىن تەرەڭ سەزىندىم. بۇقارانىڭ مۇددەسىن باستان - اياق ماڭىزدى ورىنعا قويىپ،ٴوز قىزمەتىمدى تىندىرىمدى ىستەيمىن».

4 - الەۋمەتتىك اۋماق تاعى «ۇلكەن كەرناي»، ۋيچات توبى، كادرلاردىڭ وتباسىلارىن ارالاپ جاعداي ۇعىسۋى سياقتى جولدارمەن بۇقاراعا باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحىن ۇگىتتەپ، بارلىق ادام باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحىن ۇيرەنەتىن قويۋ اۋان قالىپتاستىردى.