باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
ىلە گازەتى مەكەمەسى «1 - شىلدە وردەنى» يەگەرىنىڭ ىزگى ىستەرى جونىندە ۇيرەنۋ ۇيىمداستىردى
2021-08-04 13:20:00     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

ۇلگىنىڭ رۋحىنان ۇيرەنىپ، ٴورىس اشا العا ىلگەرىلەيتىن كۇش - قۋات قابىلدادى

ىلە گازەتى مەكەمەسى «1 - شىلدە وردەنى» يەگەرىنىڭ ىزگى ىستەرى جونىندە ۇيرەنۋ ۇيىمداستىردى


ٴتىلشىمىز شيە چىن حابارلايدى. 7 - ايدىڭ 28 - كۇنى ىلە گازەتى مەكەمەسى پارتيالى كادرلاردى قۇلجا اۋدانى ونيار قالاشىعى بولەكەي قىستاعىنا بارىپ «اۋەلگى ماقساتتى پارتياعا باعىتتاۋ» تاربيە سارايىن ەكسكۋرسيالاۋعا ۇيىمداستىرىپ، ۇيرەنۋ، ويلانۋ، ورىنداۋ، ٴتۇسىنۋ ارقىلى قىزىل كۇش - قۋات قابىلداپ، ولاردىڭ مۇرات - سەنىمدى بەكەمدەپ، العا باسۋ قوزعاۋشى كۇشىنە دەم بەردى. 

سول كۇنى «اۋەلگى ماقساتتى پارتياعا باعىتتاۋ» تاربيە سارايىنا بارعانىمىزدا سارايداعى «حالىق تۇرمىسى قۇرىلىسى»، «ۇلتتار ىنتىماعى»، «كىرىستى ارتتىرىپ اۋقاتتانۋ» سياقتى 5 ۇلكەن تاقتادا بولەكەي قىستاعى پارتيا ياچەيكاسىنىڭ بۇرىنعى شۋجيى مامەتجان ومەردىڭ 30 جىلدىق قىزمەت بارىسىندا ٴار ۇلت جۇرتشىلىعىن اۋقاتتانۋ جولىنا باستاۋ، بولەكەي قىستاعىن كەدەي قىستاقتان اۋقاتتى قىستاققا دامىتۋ بارىسىنداعى ىزگى ىستەرى، جاڭا داۋىردەگى قىستاق پارتيا ياچەيكاسىنىڭ تاماشا وبىرازى كورنەكتىلەندىرىلگەن.

ەكسكۋرسيا بارىسىندا مامەتجان ومەردىڭ جۇرتشىلىقپەن ەتەنە بولعانداعى، حالىق ٴۇشىن ناقتى ٴىس ىستەگەندەگى قىزمەت سۋرەتتەرى، اسەرلى دە انىق جازۋلارمەن تانىستىرىلعان، ٴتۇسىندىرۋشى مامەتجان ومەردىڭ بار ىنتا -  پەيىلىمەن حالىق ٴۇشىن قىزمەت ستەگەنىن بايانداعاندا كوپشىلىك تەبىرەنىپ، اسەرلى حيكايالارىنان ايرىقشا اسەر الدى، ٴاربىر تاقتا تاڭداۋلى كوممۋنيستىڭ بەرىك سەنىمىن، ەرلىكپەن ۇلەس قوسۋ رۋحىن، ٴادىل دە تاماشا قاسيەتىن سەزىندىردى.

ەكسكۋرسيادان كەيىن بارلىق پارتيالى كادرلار پارتيا تۋى الدىندا پارتياعا كىرۋ سەرتىن ايبىندى بەينەدە قايتالاي پىسىقتادى. 

وسىدان كەيىن پارتيالى كادرلار قىستاق دارەجەلى قىزمەت ورنىنا بارىپ، بولەكەي قىستاعى پارتيا ياچەيكاسىنىڭ قىزمەت ورنى قۇرىلىسى احۋالىن ەكسكۋرسيالاپ، بولەكەي قىستاعى «اۋىل - قىستاقتى گۇلدەندىرۋ سيفرلى تەكشەسىنىڭ» اينالىم احۋالىن ۇعىستى ٴارى مامەتجان ومەردىڭ كەڭسەسىن ەكسكۋرسيالادى. 

ۇعىسۋعا قاراعاندا، مامەتجان ومەر 1973 - جىلى 7 - ايدا  جۇڭگو كوممۋنيستىك پارتياسىنا داڭقپەن مۇشە بولعان، 2021 - جىلى «1 - شىلدە وردەنىمەن» ماراپاتتالعان. ول پارتيا 18 - قۇرىلتايىنىڭ ۋاكىلى ٴارى كەزىندە «مەملەكەتتىك تاڭداۋلى پارتيا مۇشەسى»، «مەملەكەتتىك ەڭبەك وزاتى» ٴارى «2015 - جىلعى جۇڭگونى اسەرلەندىرگەن كەيىپكەر» اتاعىنا قول جەتكىزگەن. 

پارتيالى كادر گو شياڭ تەبىرەنىپ: «پارتيا مۇشەسى سالاۋاتىممەن مامەتجان ومەردى ۇلگى ەتەمىن، بۇدان كەيىنگى قىزمەتتە پارتيالىق تاربيەلەنۋدى كۇشەيتىپ، ۋنيۆەرسال ساپامدى جانە كاسىپتىك ورەمدى ۇزدىكسىز جوعارىلاتۋمەن بىرگە پارتيانىڭ ٴتيىمدى ساياساتتارىن ويداعىداي ۇگىتتەپ، ٴار ۇلت جۇرتشىلىعىنا اناعۇرلىم ويداعىداي قىزمەت وتەپ، تاڭداۋلى كوممۋنيست بولامىن» دەدى.