باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
پارتيالى كادرلاردىڭ تىڭعىلىقتى ىستەپ،كاسىپ اشۋ قوزعاۋشى كۇشىن تاسقىنداتتى
2021-08-06 11:22:13     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

اۆتونوميالى وبلىس «توڭكەرىستىك قۇربانداردى ساعىنا ەسكە الىپ، قايراتتانا كۇرەس جۇرگىزىپ ىلگەرىلەۋ» نەگىزگى تاقىرىپتىق پارتيا كۇنى قيمىلىن ورىستەتتى

پارتيالى كادرلاردىڭ تىڭعىلىقتى ىستەپ،كاسىپ اشۋ قوزعاۋشى كۇشىن تاسقىنداتتى

20210804000440_0f9d9e70551042aba5e4ffb0fad1ed42e58d1697.jpg

سۋرەتتە: موڭعۇلكۇرە اۋدانى سارقوبى اۋىلى قىرتوعان قىستاعى پارتيا ياچەيكاسى مەن «ۇعىسۋ، تيىمدىلىك جاساۋ، توعىستىرۋ» قىزمەت اترەتى پارتيا مۇشەلەرى قىزمەت وتەۋ اترەتىن ۇيىمداستىرىپ، مال شارۋاشىلىق وڭىرلەرىنە ىشكەرىلەي بارىپ، پارتيا تاريحى مازمۇندارىن ۇيرەتۋ قيمىلىن ورىستەتۋدە.

ما چىڭلۋ فوتوسى 

ٴتىلشىمىز ما چىڭلۋ، ەرىكتى ٴتىلشى لي نا حابارلايدى. 7 - ايدىڭ 30 - كۇنى وبلىستىق پارتكوم ۇگىت ٴبولىمى، وبلىستىق مادەنيەت سارايى بىرگە «توڭكەرىستىك قۇربانداردى ساعىنا ەسكە الىپ، قايراتتانا كۇرەس جۇرگىزىپ ىلگەرىلەۋ» نەگىزگى تاقىرىپتىق پارتيا كۇنى قيمىلىن ورىستەتتى، 100 گە جۋىق پارتيالى كادر قورعاس اۋدانى كۇرە قۇرباندار قابىرىستاندىعىنا، كۇرە بايىرعى قالاسى كورمە سارايىنا، لين زىشۇي وتباسى سالتى سارايىنا بارىپ، توڭكەرىستىك قۇربانداردى ساعىنا ەسكە الىپ، قىزىل گەندى جالعاستىرىپ، ىلەنىڭ تاريحي مادەنيەتىنەن اسەر الىپ، وتانشىلدىق رۋحتى ساۋلەلەندىردى.

جاقىنعى كۇندەردەن بەرى اۆتونوميالى وبلىستاعى ٴار دارەجەلى پارتيا ۇيىمدارى نەگىزگى تاقىرىپتىق پارتيا كۇنى قيمىلىن جوعارى ساپالى ورىستەتۋمەن بىرگە، امالياتپەن بىرلەستىرىپ، فورماسى جاڭا، مازمۇنى باي، ٴتۇيىنى كورنەكتى بولۋ سىندى ىرىقتى قيمىل جۇرگىزۋ جونىندە بەلسەنە ىزدەنىس جاساپ، پارتيا كۇنى قيمىلىن جاندى ورىستەتۋگە، پارتيالى كادرلاردى جاپپاي جۇمىلدىرۋعا، حالىققا ناقتى قىزمەت وتەۋگە شىنايى مۇمكىندىك جاراتتى. 

نازاريا ۇيرەنۋ «شاعىن ساباقحاناسىن» قۇردى. اۆتونوميالى وبلىستاعى ٴار دارەجەلى پارتيا ۇيىمدارى نەگىزگى تاقىرىپتىق پارتيا كۇنى قيمىلىن دانەكەر ەتىپ، ارناۋلى تاقىرىپتىق لەكسيا، ميكرو ۇگىت - لەكسياسىن، ميكرو پارتيا ساباعىن ورىستەتۋ، ماماندار پىسىقتاۋ جاساۋ تاسىلدەرى ارقىلى پارتيالى كادرلاردى شوعىرلى ۇيرەنۋگە، تالقى جۇرگىزىپ پىكىر اۋىستىرۋعا ۇيىمداستىرىپ، بارشا پارتيالى كادرلاردى تاريح سانالىلىعىن جوعارىلاتۋعا، تاريحي جاۋاپكەرلىكتى كۇشەيتۋگە باستادى. قازىر وبلىسقا توتە قاراستى ٴار دارەجەلى پارتيا ۇيىمدارى نەگىزگى تاقىرىپتىق پارتيا كۇنىن دانەكەر ەتىپ، باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحىن ۇيرەنۋ، دايەكتىلەندىرۋ جونىندە 5 مىڭ 200 مايدان - رەت ارناۋلى تاقىرىپتىق قيمىل ورىستەتتى، بۇدان رەت - سانى بويىنشا 64 مىڭنان استام پارتيا مۇشەسى تاربيە الدى. وبلىستىق ساياسي كەڭەس كەڭسەسى، وبلىستىق ساياسات زەرتتەۋ كەڭسەسى (رەفورما كەڭسەسى) پارتيا ۋستاۆى، پارتيا تاريحى، باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحى جونىندە تۇسىنىك جاساۋعا ارناۋلى ادام ۇيىمداستىردى؛ وبلىستىق سوت مەكەمەسى كاسىپتىك ۇيرەنۋ مەن نەگىزگى تاقىرىپتىق پارتيا كۇنى قيمىلىن ٴوزارا توعىستىرىپ، نەگىزگى تاقىرىپتىق پارتيا كۇنى قيمىلىن ساياسي ۇيرەنۋدىڭ نەگىزگى بازاسىنا، پارتيالىق شىنىعۋدىڭ دومنا پەشىنە شىنايى اينالدىردى.

قىزىل بايلىق «جاندى وقىتۋ ماتەريالىنان» پايدالاندى. پارتيا مۇشەلەرى مەن بۇقارانى پارتيالىق تاربيە بازاسى، وتانشىلدىق تاربيە بازاسى، پاكتىك تاربيەسى بازاسى، قىزىل ۇلكەن اۋلا سياقتى توڭكەرىستىك بازالارعا بارىپ، نەگىزگى تاقىرىپتىق پارتيا كۇنى قيمىلىن ورىستەتۋگە ۇيىمداستىرىپ، پارتيالى كادرلاردىڭ مۇرات - سەنىمىن ۇزدىكسىز كۇشەيتىپ، باس شۋجي شي جينپيڭنىڭ «1 - شىلدەدەگى» ماڭىزدى ٴسوزى رۋحىنىڭ جۇرت كوكەيىنە ۇيالاپ، تەرەڭ، ناقتى ورىستەتىلۋىن جەبەدى. وبلىستىق پارتكوم كەڭسەسى «ۇيرەنۋدە قۇدىرەتتى ەل قۇرۋ» تەكشەسى ارقىلى باسەكەلەسە ۇيرەنۋ، توڭكەرىستىك بازانى كوزدەن كەشىرە ۇيرەنۋ، تاريحي كەسكىن ارقىلى پىكىر اۋىستىرا ۇيرەنۋ فورمالارىندا جاڭالىق اشىپ، توڭكەرىستىك رۋحتى جالعاستىردى، بۇل پارتيا تاريحىن ۇيرەنۋ جونىنەن جاندى دا جالىندى مانگە يە. وبلىستىق ساياسي - زاڭ كوميتەتى «قۇرباندار قابىرىستاندىعىن ارالاۋ، قىزىل گەندى جالعاستىرۋ، دامۋ - وزگەرىستەردى قۋانا كورۋ، جارقىن بولاشاققا نازار سالۋ» نەگىزگى تاقىرىپتىق پارتيا كۇنى قيمىلىن ورىستەتىپ، توڭكەرىستىك قۇربانداردىڭ ەرلىك ىزگى ىستەرىن ساعىنا ەسكە الىپ، دامۋدىڭ زور جەتىستىكتەرىن سەزىنىپ، دامۋ سەنىمىن بەكەمدەدى. كۇنەس اۋدانى پارتيالى كادرلاردى زەكتى قۇرباندار قورىعىنا بارىپ، قۇربانداردىڭ مەملەكەت قورعانىسى قۇرىلىسى جۇمىس باسىندا سوعىس دايىندىعى جاتتىعۋى، تيانشان جولى قۇرىلىسى، قاتەردەن اراشالاۋ، قۇتقارۋ، كومەك بەرۋ مىندەتىن اتقارۋ بارىسىندا ەرلىكپەن قۇربان بولعان ىزگى ىستەرىن تۇسىنۋگە ۇيىمداستىرىپ، بارشا پارتيالى كادرلاردى جاڭا داۋىردە تىڭ جورىققا اتتانۋدا اۋەلگى ماقساتتى ۇمىتپاي، ۇدەرە العا تارتۋعا شابىتتاندىردى.

 كورسەتپەلى وقىتۋ «ۇلكەن ساحناسىن» ازىرلەدى. اۆتونوميالى وبلىس پارتياعا كىرۋ سەرتىن قايتا پىسىقتاۋ، قىزىل ٴان ايتۋ، «ٴتورت ميكرو» قيمىل سياقتىلاردى ورىستەتىپ، ناقتى كورىنىستى كىرىستىرۋدى، كورسەتپەلى وقىتۋدى، ناق مايداندا پىكىر اۋىستىرۋدى، كەشىرمەلەردى ٴبولىسۋدى كورنەكتىلەندىرىپ، بارشا پارتيالى كادرلاردىڭ توڭكەرىستىك تاريحتان رۋحاني كۇش قابىلداپ، قىزىل گەندى جالعاستىرىپ، توڭكەرىستىك رۋحتى ساۋلەلەندىرۋىنە مۇمكىندىك جاراتىپ، حالىق ٴۇشىن قىزمەت ىستەۋ ىرىقتىلىعى مەن بەلسەندىلىگىن ۇزدىكسىز كۇشەيتتى. قۇلجا اۋدانى قارت پارتيا مۇشەلەرى، كاسىپورىن جۇمىسشى - قىزمەتشىلەرى، جاستار مەن ورەندەر سياقتى بۇقارالىق توپتاردى ۇيىمداستىرىپ، «پارتياعا ارناپ حالىق اندەرىن ايتۋ» قيمىلىن، «پارتيانى الاڭسىز ەتىپ، مەملەكەتتى قۇدىرەتتەندىرۋگە ۇلەس قوسامىن» نەگىزگى تاقىرىپتىق وداق كۇنى قيمىلىن ورىستەتىپ، ىشكەرىلەي ۇيرەنىپ، جەتە ٴتۇسىنىپ، ٴبىلىم مەن ارەكەتتى ۇشتاستىرۋعا كۇش سالدى. اۆتونوميالى وبلىستاعى قوعامدىق ۇيىمدار «ٴجۇز جىلعا قۇرمەت ەتىپ، پارتيانى جىرلاپ، وتاندى ٴسۇيۋ» ولەڭ وقۋ جارىسى نەگىزگى تاقىرىپتىق پارتيا كۇنى قيمىلىن وتكىزىپ، جۇڭگو كوممۋنيستىك پارتياسى باسىپ وتكەن ٴجۇز جىلدىق ايبىنى اسقاق بارىستى ەسكە الىپ، پارتيالى كادرلاردىڭ مۇرات - سەنىمىن بەكەمدەدى. 

حالىق ٴۇشىن قىزمەت ىستەۋ «باقىت گۇلىن» جەتىلدىردى. وبلىسقا توتە قاراستى ورىندارداعى ٴار دارەجەلى پارتيا ۇيىمدارى نەگىزگى تاقىرىپتىق پارتيا كۇنىن ارقاۋ ەتىپ، «مەن بۇقارا ٴۇشىن ناقتى ٴىس ىستەيمىن» امالياتتىق قيمىلىن ورىستەتىپ، بارشا پارتيالى كادرلاردى تاريحتى ۇيرەنۋ ارقىلى ۇمتىلا ىستەپ، باستى ماقسات تانىمىن اناعۇرلىم جوعارىلاتۋعا باستاپ، پارتيا تاريحىن ۇيرەنۋ تاربيەسى جەتىستىكتەرىن بۇقاراعا ناقتى ٴىس ىستەپ، قيىن ماسەلەلەردى شەشۋدىڭ ناقتى ارەكەتىنە اينالدىردى. قۇلجا قالاسى كەدەيلەسۋدەن ساقتانۋ ارناۋلى قورىن قۇرۋ، كەدەيلەسۋدەن ساقتانۋ قامسىزداندىرۋىن ساتىپ الۋ سياقتى ساقتىق شارالارىن اتقارۋ ارقىلى ناۋقاس، مۇگەدەكتىك جانە اپات سياقتى سەبەپتەردەن ديقانداردىڭ قايتالاي كەدەيلەسۋ حاۋىپ - قاتەرىن دەر كەزىندە تومەندەتتى. توعىزتاراۋ اۋدانى الەۋمەتتىك اۋماقتارعا بارىپ، الەۋمەتتىك يگىلىك قيمىلدارىنا قاتىناسۋ، كورىنىس رايوندارىنا بارىپ، ورتانى قورعاۋ بويىنشا ەرىكتى قىزمەت وتەۋ، قىستاق - اترەتتەرگە بارىپ، بىرەر ناقتى ٴىس ىستەۋ، مال شارۋاشىلىق رايوندارىنا بارىپ، شارۋالارعا تەحنيكا ۇيرەتۋ سياقتى نەگىزگى تاقىرىپتىق پارتيا كۇنى قيمىلىن ٴبىر مىڭ 200 رەتتەن استام ورىستەتىپ، قيمىلدىڭ فورماسى مەن تاسىلىندە جاڭالىق اشىپ جانە كەڭەيتىپ، پارتيالى كادرلاردى تىڭعىلىقتى ىستەپ، كاسىپ اشۋعا جەبەدى.