العاشقى جارتى جىلدا قورعاس وتكەلىنىڭ يمپورت - ەكسپورت زات اينالىمى، سىرتقى ساۋدا سوماسى

ۇقساس مەزگىلدەگىدەن %13.8، %36.99 ارتتى

ٴتىلشىمىز مىڭ شيا، شۇي جيەجى حابارلايدى. 7 - ايدىڭ 29 - كۇنى قورعاس كەدەنى قورعاس قالاسىنداعى 6 مەكەمە مەن قاراستىلىعىنداعى 20 دان استام سىرتقى ساۋدا كاسىپورنىن ۇيىمداستىرىپ، شەكارا تۇرعىندارىنا سىرتقى ساۋدا جونىندەگى ساياساتتى ۇگىتتەۋ جينالىسىن وتكىزىپ، ساياساتقا ساياتىن تاۋار تۇرلەرى، كەلۋ قاينارى،  سوبيەكتيۆ تۇلعالاردىڭ كولەمى سياقتى مازمۇندارداعى ەڭ جاڭا وزگەرىس جاعدايىن مۇقيات ٴتۇسىندىرىپ، كەدەننىڭ باقىلاپ - باسقارۋ تالاپتارىن تانىستىردى ٴارى كاسىپورىندار ورتاعا قويعان ماسەلەلەرگە ناق مايداندا جاۋاپ بەرىپ، كاسىپورىنداردىڭ دامۋ باعىتىن تۇراقتاندىردى. 

قورعاس كەدەنى «ساۋدا جاساۋ+ سول جەردە مانەرلەۋ»، «ساۋدا جاساسۋ+ ەلەكتروندىق ساۋدا» سىندى كاسىپ ۇلگىسىن تياناقتاندىرۋدى بەلسەنە ىلگەرىلەتىپ، سىرتقا باعىتتالعان ەكونوميكانى دامىتۋ مەن شارۋالاردىڭ كىرىسىن ارتتىرىپ، پايدا تابۋى ٴۇشىن كەدەننىڭ ٴوز ۇلەسىن قوستى. 

قورعاس كەدەنى پارتيا تاريحىن ۇيرەنۋ تاربيەسى ونىمدىلىگىن حالىق ٴۇشىن ناقتى ٴىس ىستەۋگە اينالدىرۋعا تاباندى بولىپ، باقىلاپ - باسقارۋدى، قىزمەت وتەۋدى ۇزدىكسىز كەمەلدەندىرىپ، كەدەننەن ٴوتۋ ونىمدىلىگىن ٴۇرتىس جوعارىلاتتى. بيىل العاشقى جارتى جىلدا قورعاس وتكەلىنىڭ يمپورت - ەكسپورت زات اينالىمى 18 ميلليون 681 مىڭ 500 تونناعا، سىرتقى ساۋدا سوماسى 126 ميلليارد 84 ميلليون يۋانعا جەتىپ، ۇقساس مەزگىلدەگىدەن جەكە - جەكە %13.8، %36.99 ارتتى. 

قورعاس كەدەنى پارتيا تاريحىن ۇيرەنۋ تاربيەسىن تۇتقا ەتىپ، «حالىق كەدەنى حالىق ٴۇشىن قىزمەت وتەۋ» تانىمىن كۇش سالا ايگىلەپ، ٴارقايسى جاۋاپتى بولىمدەردى ماسەلەلەر مەن پىكىرلەر، رەتتەۋ - تۇزەتۋ شاراسى، سوڭىنان ٴتۇسىپ باقىلاۋ جۇرگىزۋ سىندى «ٴۇش تىزىمدىك» قالىپتاستىرۋعا جەتەكشىلىك ەتتى.

قورعاس كەدەنى ٴوندىرۋ، مانەرلەۋ كاسىپورىندارىنىڭ كاسىپ ارناسىن كەڭەيتۋىنە كومەكتەستى. بيىل جىل باسىندا قورعاس كەدەنى كاسىپورىنداردى ارالاپ، جاعداي ۇعىسۋ بارىسىندا قورعاس سانيۋفۋشين جارتىلاي وتكىزگىشتى جىنتىكتەي مانەرلەۋ شەكتى سەرىكتىگى وندىرگەن ٴۇش ەلەكترودتى لامپا، MOS ەلەكتروندىق لامپا سىندى ونىمدەرىنىڭ ينديا، پاكستان، برازيليا سياقتى مەملەكەتتەرگە ساتىلىپ جاتقاندىعىن، ٴبىراق كاسىپورىننىڭ مانەرلەۋ ساۋدا كاسىبىن ورىستەتە الماي وتىرعانىن بىلگەننەن كەيىن ىرىقتى تۇردە كاسىپورىنعا بارىپ مانەرلەۋ ساۋدا كاسىبى جونىندەگى ەڭ جاڭا ساياساتتار مەن جۇمىس ٴتارتىبىن تولىق، مۇقيات ٴتۇسىندىرىپ، ٴدال ۋاعىندا كاسىپورىنداردىڭ قاتىستى رەسمياتتارىن ٴبىتىرىپ بەردى. 

قورعاس كەدەنىنىڭ قىزمەتكەرلەرى تاعى اتىز باسىنا بارىپ تاربيەلەۋ قىزمەتىن ورىستەتىپ، باعبانداردىڭ تىڭايتقىشتى، اۋىل شارۋاشىلىق دارىلەرىن دۇرىس پايدالانۋىنا كومەكتەسىپ، جەمىس - جيدەك، كوكونىستەردى ەكسپورت ەتۋ جونىندەگى ەڭ جاڭا ساياساتتى ٴتۇسىندىرىپ، ىلەنىڭ جەرگىلىكتى جەمىس - جيدەك، كوكونىستەرىنىڭ ورتا ازيا بازارىنا ۇزدىكسىز شىعارىلۋىن ىلگەرىلەتتى. 

2020 - جىلدان بيىلعى جىلدىڭ العاشقى جارتىسىنا دەيىن قورعاس كەدەنى جوعارى ونىمدىلىكپەن تەكسەرىپ وتكىزگەن الما، ٴتۇستى بۇرىش سياقتى شينجياڭنىڭ جەرگىلىكتى جەمىس - جيدەك، كوكونىسى جيىنى 91 مىڭ تونناعا جەتكەن.

مەملەكەتتىڭ ٴىرى تيپتى جابدىقتارىنىڭ ەكسپورت ەتىلۋىنە كەپىلدىك ەتۋ ٴۇشىن قورعاس كەدەنى دالمە - ٴدال شارا قولدانىپ، «تامشىلاتىپ سۋارۋ ۇلگىسىندە» قىزمەت وتەپ، جاسىل وتكەل اشىپ، «سىلكىپ ٴىلۋ، كەرى اينالدىرۋ، كرانمەن باسۋ» سىندى كەدەننەن وتكىزۋدىڭ كوپ نەگىزدى فورماسىن قولدانىپ، نىسان جابدىقتارىن الدىمەن قوراپتاپ، شەكارادان شىعارۋدى، تەكسەرىپ - وتكىزۋ رەسمياتتارىن قاراپايىمداستىرىپ، كەدەننەن وتكىزۋدىڭ بارلىق رەسمياتتارىن ىلەزدىك ٴبىتىرۋدى جۇزەگە اسىردى. قورعاس كەدەنى كەزەكتە تۇركمەنستانعا شىعارىلاتىن ماقتا تەرۋ ماشيناسى سياقتىلارعا باعىتتاي وتىرىپ «شەكارا اتتاعان كوپىرلىك تۇتاستىرۋ» فورماسىن تۇڭعىش رەت قالىپتاستىرىپ، تۇتاستىرۋ بارىسىن كەمەلدەندىرىپ، تەكسەرىپ - وتكىزۋ ونىمدىلىگىن جوعارىلاتىپ، جابدىقتاردىڭ شەكارادان ٴساتتى وتكىزىلۋىنە كەپىلدىك ەتىپ، ەلىمىز جابدىقتارىنىڭ، تەحنيكاسىنىڭ جانە ولشەمىنىڭ «شەكارادان شىعارىلۋىن» بارىنشا جەبەدى.