ٴتىلشىمىز دۋ لەي حابارلايدى. وبلىسقا توتە قاراستى ورىنداردىڭ ەكى كۇندىك مال شارۋاشىلىعى، مال شيپاگەرلىگى قىزمەتى كاسىپكە تاربيەلەۋ كۋرسى 7 - ايدىڭ 30 - كۇنى وبلىستىق مال شارۋاشىلىعى، مال شيپاگەرلىگى مەكەمەسىندە اشىلدى. اتالعان كۋرسى مال شارۋاشىلىعى، مال شيپاگەرلىگى كاسىبىمەن شۇعىلدانۋشىلاردىڭ كاسىپتىك قابىلەتى مەن باسقارۋ ورەسىن ٴوسىرىپ، قىزمەت ساپاسى مەن ونىمدىلىگىن شىن مانىندە جوعارىلاتىپ، وبلىسقا توتە قاراستى ورىنداردىڭ مال شارۋاشىلىعى كاسىبىنىڭ جوعارى ساپالى دامۋىن ىلگەرىلەتۋدى ماقسات ەتتى.

ىلە اڭعارى − اۆتونوميالى رايوننىڭ ماڭىزدى مال شارۋاشىلىق ونىمدەرى ٴوندىرىس بازاسى جانە ٴتۇرلى مال ٴناسىلىن جەتىلدىرۋ بازاسى، مال شارۋاشىلىعىن دامىتۋدىڭ تابيعي بايلىق قاينارىنا جانە وڭىرلىك ابزالدىلىعىنا يە. جايىلىم كولەمى 52 ميلليون 972 مىڭ مۋ، پايدالانىلاتىن شابىستىق جەر كولەمى 46 ميلليون 560 مىڭ مۋ؛ ەگىستىك جەر 8 ميلليون مۋ، 299 مىڭ 500 مۋ جەرگە جوڭىشقا، 345 مىڭ 400 مۋ جەرگە بۇرشاق ەگىلەدى. كەزەكتە وبلىسقا توتە قاراستى اۋدان - قالالار تانىمدى جوعارىلاتىپ، ولقىلىقتاردى بەلسەنە تولىقتاپ، ۋاقىتتى مىقتى يگەرە وتىرىپ، مال شارۋاشىلىعىنىڭ جوعارى ساپالى دامۋىن ىلگەرىلەتىپ، 2025 - جىلعا بارعاندا وبلىسقا توتە قاراستى ورىندارداعى قوي سانىن 20 ميلليون تۇياققا، سيىردى 5 ميلليون باسقا، جىلقىنى ٴبىر ميلليونعا جەتكىزۋگە كەپىلدىك ەتپەكشى. (قىسقارتىلىپ «251» ينجەنەرياسى دەپ اتالادى).

بۇل رەتكى كۋرسى نەگىزىنەن اۋدان، قالالاردىڭ اۋىل - قىستاق، اۋىل شارۋاشىلىعى مەكەمەلەرىنىڭ مال شارۋاشىلىعى، مال شيپاگەرلىگى قىزمەتىنە جاۋاپتى باسشىلارعا، اۋدان، قالالاردىڭ مال شارۋاشىلىعى، مال شيپاگەرلىگىن دامىتۋ ورتالىقتارىنىڭ مەڭگەرۋشىلەرىنە، ورىنباسار مەڭگەرۋشىلەرىنە، اۋدان، قالالاردىڭ حايۋاناتتاردىڭ دەنساۋلىعىن باقىلاۋ بولىمشەلەرىنىڭ جاۋاپتىلارىنا باعىتتالدى.

كۋرسى مازمۇنى «251» ينجەنەرياسىن اتقارۋ، مال شارۋاشىلىعىن دامىتۋدى ساياساتتىق پىسىقتاۋ، كولەمدەنگەن قوي باعىمشىلىعى تەحنيكاسى، جىلقى شارۋاشىلىعىن دامىتۋ قىزمەتىنىڭ ماڭىزدى ٴتۇيىنى، جانۋارلار ىندەتىنىڭ الدىن الۋ قىزمەتىندە ساقتالعان ماسەلەلەر مەن تەحنيكالىق تۇيىندەر، مال شارۋاشىلىعى نىساندارىن باسقارۋ جانە ساناق جۇرگىزۋ، حايۋاناتتاردىڭ دەنساۋلىعىن باقىلاۋ قىزمەتىنىڭ ماڭىزدى ٴتۇيىنى، مال شارۋاشىلىعى ونىمدەرىنىڭ ساپالىق حاۋىپسىزدىگى سياقتىلاردى قامتىدى.

كۋرسانت، كۇنەس اۋداندىق اۋىل - قىستاق، اۋىل شارۋاشىلىعى مەكەمەسى پارتگرۋپپاسىنىڭ مۇشەسى، مال شارۋاشىلىعى، مال شيپاگەرلىگىن دامىتۋ ورتالىعىنىڭ مەڭگەرۋشىسى شاجاقار ساتاي ۇلى بىلاي دەدى: «كۋرسىنىڭ مازمۇنى باي بولدى، مامانداردىڭ لەكسياسىن تىڭداعاننان كەيىن مال شارۋاشىلىعىمەن شۇعىلداناتىنداردىڭ ارقالايتىن جاۋاپكەرلىگى اۋىر بولاتىنىن سەزىندىم. ٴبىز بار كۇشىمىزدى سالىپ، جوعارى ورىن ورنالاستىرعان ٴتۇرلى قىزمەت مىندەتتەردى تولىعىمەن بۇلجىتپاي ورىندايمىز».

موڭعۇلكۇرە اۋدانى حايۋاناتتاردىڭ دەنساۋلىعىن باقىلاۋ بولىمشەسىنىڭ جاۋاپتىسى ياڭ جىن بىلاي دەدى: «مامانداردىڭ لەكسياسىن تىڭداپ، كوپ ٴبىلىم الدىم. حايۋاناتتار جۇقپالى ىندەتىنىڭ الدىن الۋ قىزمەتى مال شارۋاشىلىعىن دامىتۋداعى ماڭىزدى قىزمەتتەردىڭ ٴبىرى. مەن حايۋاناتتار جۇقپالى ىندەتىنىڭ الدىن الۋ، باقىلاۋ - باسقارۋدى تياناقتاندىرۋ سياقتى قىزمەتتەردى كۇش سالا جاقسى ىستەپ، تۇتاس اۋدانىمىزدىڭ مال شارۋاشىلىعىنىڭ دامۋىنا ۇلەس قوسامىن».