ٴتىلشىمىز لي يافىڭ حابارلايدى. 8 - ايدىڭ 8 - كۇنى ٴتىلشىنىڭ ىلە وبلىستىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ-تىزگىندەۋ قىزمەتى قولباسشىلىق شتابىنان ۇعىسۋىنشا، قازىر جاڭا تيپتى ايدارشا ۆيرۋس وكپە قابىنۋ ىندەتى، اسىرەسە، قۇبىلمالى «دەلتا» ۆيرۋسى ٴالى دە ٴبىر ٴبولىم ولكە، قالالاردا كەڭەيىپ تارالا باستاعان. ىندەتتەن ساقتانۋ-تىزگىندەۋ قاتاڭ جاعدايىندا ماسكانى عىلمي تاعۋ - جاڭا تيپتى ايدارشا ۆيرۋس وكپە قابىنۋ ىندەتى، جۇقپالى تۇماۋ سياقتى تىنىس جولى قابىنۋ اۋرۋىنان ٴونىمدى ساقتانۋدا ماڭىزدى رول اتقارادى. سوندىقتان ٴوزىمىزدى قورعاي ٴبىلۋ - الەۋمەتتىڭ سالاماتتىعىنا دا پايدالى.

وبلىستىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ-تىزگىندەۋ قىزمەتى قولباسشىلىق شتابى بارشا بۇقاراعا مىنانى ەسكەرتەدى:

ٴبىرىنشى، جەكە ساقتانۋ-قورعانۋ شاراسىن قاتاڭ تياناقتاندىرىپ، ماسكانى عىلمي، دۇرىس تاعۋعا تاباندى بولىپ، قولدى ۇنەمى تازالاپ جۋۋ، جەكە تازالىققا قاي - قاشان  دا ٴمان بەرۋ، توپتاسپاۋ، الەۋمەتتىك ساقپى ىستەتۋ سياقتى تاماشا تۇرمىس داعدىسىن قالىپتاستىرىپ، قوعامدىق قارىم-قاتىناستا ارالىق ساقتاۋ، جوتەلگەندە، تۇشكىرگەندە قولمەن اۋىز - مۇرىندى قالقالاۋعا كوڭىل ٴبولۋ كەرەك.

ەكىنشى، تۇرعىندار سىرتقا شىققاندا باستان - اياق ماسكانى عىلمي تاعۋى، «ىندەت توقتامايىنشا، ماسكا تاعۋدى توقتاتپاۋ» تالابىن باتىل ورىنداۋ كەرەك. اسىرەسە، ساۋدا سارايى، ەرەن بازارى، اۋىل شارۋاشىلىق ساۋدا بازارى، مادەني كوڭىل اشۋ ورنى، ساياحات كورىنىس رايونى، الەۋمەتتىك قاتىناس بەكەتى، شيپاحانا، مەيمانحانا سياقتى الەۋمەتتىك ورىندارعا بارعاندا، ٴسوزسىز، باستان - اياق ماسكانى ولشەمدى تاعۋى، تالاپ بويىنشا دەنە تەمپەراتۋراسىن ولشەتىپ، ەكىلىك ٴنومىرىن كورسەتىپ ٴوتۋى كەرەك.

ٴۇشىنشى، وبلىسقا توتە قاراستى ورىندارداعى بارلىق الەۋمەتتىك ورىندار ەكىلىك ٴنومىردى جايمالاۋ، دەنە تەمپەراتۋراسىن ولشەۋ سياقتى ساقتانۋ - تىزگىندەۋ شاراسىن، ٴسوزسىز، قاتاڭ اتقارۋ، الەۋمەتتىك ورىننىڭ كىرەر اۋىزىنا نەمەسە كورنەكتى ورىنعا ەسكەرتپە تاقتاسىن ورناتۋى، بارلىق ادامدى ماسكانى جۇيەلى تاققاننان كەيىن عانا كىرگىزۋ، ماسكا تاقپاعانداردىڭ كىرۋىنە قاتاڭ تيىم سالۋى كەرەك. بەلگىلەمەگە قايشىلىق جاساپ ماسكا تاقپاعانداردى قابىلداعان قىزمەتكەرلەردىڭ قاتىستى جاۋاپكەرلىگى زاڭ - بەلگىلەمە بويىنشا قاتاڭ قۋزاستىرىلادى.

ٴتورتىنشى، ٴوز دەنساۋلىعىن قاداعالاپ باقىلاپ - تەكسەرىپ تۇرۋ كەرەك. ٴار ۇلت بۇقاراسى ٴوز دەنساۋلىعىن ىرىقتىلىقپەن تەكسەرىپ - باقىلاپ تۇرۋى كەرەك. ەگەردە قىزۋ، قۇرعاق جوتەلۋ، دارمەنسىزدەنۋ، تاماعى اۋرۋ، بوگدە ٴيىستى سەزۋ قابىلەتى تومەندەۋ، ٴىش ٴوتۋ سياقتى قالىپسىز جاعداي بايقالسا دەرەۋ ٴوزى تۇرعان قىستاققا (الەۋمەتتىك اۋماققا) مالىمدەۋى ٴارى جاقىن ماڭداعى قىزۋ اۋرۋى امبولاتورياسى بار ەمدەۋ قۇرىلىمدارىنا بارىپ ەمدەلۋى، تارالمالى اۋرۋ تاريحىن شىنايى مالىمدەۋى، ەمدەلۋ بارىسىندا ماسكا تاعۋ سياقتى جەكە ساقتانۋ - قورعانۋ شاراسىن ويداعىداي اتقارۋ، الەۋمەتتىك قاتىناس قۇرالدارىنا شىقپاۋى كەرەك.

بەسىنشى، بارشا بۇقارا ٴوزارا باقىلاۋدى كۇشەيتۋى، ماسكانى دۇرىس تاقپاعان نەمەسە الباتى توپتاسقان بۇقاراعا دەرەۋ تاربيە جۇرگىزۋى كەرەك.

سونىمەن بىرگە، ماسكانى پايدالانۋدا مىنالارعا، ٴسوزسىز، كوڭىل ٴبولۋ كەرەك: قولدىڭ تازالىعىنا كوڭىل ٴبولۋ، قولمەن ماسكانىڭ ٴىشى - سىرتىن ۇستاماۋ؛ ماسكا تاققاندا مۇرىن مەن اۋىز بولەگىن تولىق قالقالاۋ كەرەك. ٴوزىڭىزدىڭ جانە وزگەلەردىڭ سالاماتتىعى ٴۇشىن ىندەتتەن ساقتانۋ - تىزگىندەۋ شاراسىن قاتاڭ اتقارىپ، باستاماشىلدىقپەن ماسكانى عىلمي تاعىپ، نۋكلەين قىشقىلىن تەكسەرتۋدى ۇدايى ورىستەتىپ، ۇلگىلىك - جەتەكشىلىك رولدى ويداعىداي ساۋلەلەندىرۋ كەرەك.