ەرىكتى تىلشىلەر شياۋ ليحۇڭ، كەنجەتاي، گۇلجازيرا حابارلايدى. پارتيا تاريحىن ۇيرەنۋ تاربيەسى ورىستەتىلگەننەن بەرى كۇنەس اۋدانىنداعى ٴار دارەجەلى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتتەرى ٴوز ابزالدىلىقتارىن ساۋلەلەندىرىپ، بۇقارانىڭ ٴوندىرىس، تۇرمىس بارىسىنداعى قيىن ماسەلەلەرىن شەشۋىنە كومەكتەسىپ، نەگىزگى ساتىداعى بۇقاراعا شىن پەيىلىمەن جاقسى، ناقتى ٴىس ىستەپ بەردى.

8 - ايدىڭ 8 - كۇنى بەستوبە اۋىلى بەستوبە قىستاعىنداعى كوكونىسشى چيان شيۋشياننىڭ جىلىجايدا ەككەن قىزاناعى ٴونىم جيناۋ مەزگىلىنە ٴوتتى. اۋداندىق ٴتارتىپ تەكسەرۋ - باقىلاۋ - تەكسەرۋ كوميتەتىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ مۇشەلەرى ونىڭ ٴونىم جيناۋىنا كومەكتەسىپ، اششى ەڭبەكتىڭ ٴدامىن تاتىپ، مول ٴونىمنىڭ شاتتىعىنان ٴلاززات الدى.

قىزمەت اترەتىنىڭ مۇشەسى چىن حۇڭۋەي بىلاي دەدى: «وتباسىلارىن ارالاپ، جاعداي ۇعىسۋ بارىسىندا چيان شيۋشياننىڭ قىزاناق ەككەن جەر اۋماعىنىڭ ٴبىرشاما كوپ، وتباسىندا ەڭبەككۇش تاپشى ەكەنىن بىلگەننەن سوڭ قىزمەت اترەتى مۇشەلەرى ىرىقتىلىقپەن ٴار كۇنى تاڭەرتەڭ قىزمەتكە شىعۋ الدىنداعى ۋاقىتتان پايدالانىپ، چيان شيۋشياننىڭ قىزاناق ۇزۋىنە كومەكتەسىپ، ونىڭ ٴوندىرىس بارىسىندا جولىققان قيىنشىلىقتارىن شەشىپ بەردىك».

چيان شيۋشيان بىلاي دەدى: «قازىر قىزاناقتىڭ بازارعا شىعارىلاتىن مەزگىلى، قىزمەت اترەتىندەگى جولداستار وتباسىمىزدا ەڭبەككۇش تاپشى ەكەنىن بىلگەننەن سوڭ ۇنەمى كەلىپ قىزاناق ۇزۋىمە قولعابىس ەتتى، قىزاناقتىڭ ساتىلۋى كەشەۋىلدەمەدى، ولارعا شىن كوڭىلىمنەن راقىمەت ايتامىن».

ۇعىسۋعا قاراعاندا، قىزاناق مايساسىن جەتىلدىرۋدەن تارتىپ، كوشىرۋ، ۇزۋگە دەيىن قىزمەت اترەتىندەگىلەر قىستاق تۇرعىندارىنىڭ ٴوندىرىستى دامىتۋىنا بەلسەنە كومەكتەسكەن.

كەڭسۋ قالاشىعى قازاق ٴمالى قىستاعىنىڭ تۇرعىنى فان شيۋحۋانىڭ اۋلاسىندا اۋداندىق اۋىل شارۋاشىلىعى، اۋىل - قىستاق مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ مۇشەلەرى ونىمەن كوكونىس ساتۋ ىستەرىن اقىلداسىپ جاتتى. اۋلادا ەگىلگەن ٴتۇرلى كوكونىستەر تاماشا ٴوسىپتى.  فان شيۋحۋا: «قىزمەت اترەتىنىڭ مۇشەلەرى ٴار جىلى كوكتەمدە ماعان ٴتۇرلى كوكونىس تۇقىمىن اكەپ بەرەدى. قازىر كوكونىس پىستى، كۇنىنە ساتاتىن كوكونىسىم 100 يۋاننان اسادى» دەدى.

ۇعىسۋعا قاراعاندا، قىزمەت اترەتى تايانىش ورىننىڭ كومەگىندە قىستاققا 50 جىلىجاي سالىپ، 50 وتباسىنىڭ اۋلا شارۋاشىلىعىن دامىتۋىنا كومەكتەسىپ، ٴار وتباسىنىڭ جىلدىق كىرىسىن 3 مىڭ يۋان اينالاسىندا اسىرعان. بۇدان كەيىن قىزمەت اترەتى تەحنيكالىق جاقتان جەتەكشىلىك ەتۋ تەبىنىن ۇزدىكسىز ارتتىرىپ ٴارى ساپالى كوكونىس تۇقىمى جانە مايساسىمەن قامداپ، قىستاق تۇرعىندارىنىڭ كىرىستى ارتتىرىپ اۋقاتتانۋىنا كومەكتەسپەكشى ەكەن.