شينجياڭ گازەتىنىڭ ٴتىلشىسى جاڭ تيڭ

8 - ايدىڭ 3 - كۇنى تاڭەرتەڭ قابا اۋدانى ساربۇلاق قالاشىعى قىزىل جۇلدىز قىستاعى ورماندى باعىمشىلىق كاسىپتىك سەلبەستىك كووپەراتيۆىندەگى سيىردىڭ موڭىرەگەنى ارايلاپ اتقان اق تاڭعا وزگەشە ٴۇن قوستى، ٴىرى باعىمشى وتباسى مۇراتبەك ەلياز ۇلى باسقا كووپەراتيۆ مۇشەلەرىنىڭ جەم - ٴشوپتى ارالاستىرۋىنا جەتەكشىلىك ەتىپ جاتتى. 

ەكى جىلدىڭ الدىندا مۇراتبەك قوس قولى مەن اقىل - پاراساتىنا سۇيەنىپ، كەدەيلىكتەن ارىلىپ، دوڭگەلەك داۋلەتتى تۇرمىسقا قول جەتكىزگەن.

كەدەيلىكتەن ارىلعاننان كەيىن اۋەلگىدەي قۇلشىنعان مۇراتبەك بيىلعى سيىردىڭ ساتىلۋ باعاسىن تىلگە تيەك ەتىپ: «بيىلعى مال باعاسى بويىنشا ٴبىر تايىنشانى 14 مىڭ يۋان اينالاسىندا ساتۋعا بولادى» دەپ قۋانىشىن  ٴبولىستى.

باقىتتى تۇرمىستىڭ قاينار كوزىن جادىندا ساقتاعان مۇراتبەك بىلاي دەدى: «دوڭگەلەك داۋلەتتى تۇرمىستى باستان كەشىرۋشىمىن، ات سالىسۋشىمىن ٴارى يگىلىكتەنۋشىمىن. جالعاستى قۇلشىنىپ، ۇزدىكسىز كۇرەس جاساپ، تۇرمىسىمدى كۇننەن - كۇنگە جاقسارتامىن».

مۇراتبەك كىشكەنە كەزىنەن باستاپ مال شارۋاشىلىق رايونىندا ەرجەتكەن، مال باعىمشىلىعىنا ايرىقشا قىزىعادى. اكەسىنىڭ ىقپالىندا ونىڭ ەڭ ۇلكەن ارمانى ۇلكەن باعىمشىلىق الاڭىن قۇرۋ ەدى. 

مۇراتبەك بىلاي دەدى: «بۇرىن ٴبىز قوي باعاتىنبىز، باعىمشىلىق  تەحنيكامىز جەتكىلىكسىز بولعاندىقتان، مالدى بازارعا شىعارۋ مولشەرىمىز تومەن بولىپ، نەگىزىنەن زيان تارتىپ كەلدىك. <ۇعىسۋ، تيىمدىلىك جاساۋ، توعىستىرۋ> بويىنشا قىستاقتا تۇراتىن قىزمەت اترەتى مەن <قىستاق ەكى كوميتەتىنىڭ> كومەگىندە، باعىمشىلىق جونىندەگى ويىما بۇرىلىس جاساپ، قولىمىزداعى قويدى ساتىپ، سيىر باعىمشىلىعىمەن شۇعىلدانا باستادىم، قىستاقتا تۇراتىن قىزمەت اترەتى مەن <قىستاق ەكى كوميتەتى> ٴبىزدى باعىمشىلىق جونىندەگى كۋرسقا قاتىناستىردى. باعىمشىلىعىمىزدىڭ كولەمدەنۋىنە ىلەسە، مەنىڭ دە باعىمشىلىق كاسىپتىك سەلبەستىك كووپەراتيۆىن قۇرۋ ويىم جۇزەگە استى». 

مۇراتبەكتىڭ باعىمشىلىق كووپەراتيۆىن قۇرۋ ويىن بىلگەن قىستاقتا تۇراتىن قىزمەت اترەتى مەن «قىستاق ەكى كوميتەتى» وعان قاتىستى ساياساتتاردى ٴتۇسىندىرىپ، پايدالاناتىن جەردى جوسپارلاۋ، سيىر قورا قۇرىلىسى، جەردى مايعا الۋ سياقتى جاقتاردان ۇزبەي قىزمەت وتەدى. قابا اۋداندىق باجى مەكەمەسى دە ۋاعىندا وتباسىنا كەلىپ قىزمەت وتەپ، وعان باجى جيناۋداعى تيىمدىلىك ساياساتىن ٴتۇسىندىردى ٴارى وعان ٴتيىمدى ساياساتتان يگىلىكتەنۋگە بولاتىندىعىن ايتتى. 

2019 - جىلى 10 - ايدا مۇراتبەك پەن قىستاقتاعى ٴىرى باعىمشى وتباسىلارى بىرلىكتە ورماندى باعىمشىلىق كاسىپتىك كووپەراتيۆىن قۇردى. 

مۇراتبەك كۇلىمسىرەپ بىلاي دەدى: «بيىل 10 بۇزاۋ ساتىپ، 50 مىڭ يۋان پايدا تاپتىم، قازىر كووپەراتيۆىمىزدە سيىر بارعان سايىن كوبەيىپ كەلەدى، بۇدان كەيىن بۇزاۋ دا بارعان سايىن كوبەيەدى، بيىل 20 باس بولسا، كەلەسى جىلى 30 باس بولادى، ونان ارعى جىلى 40 باستان اسادى... كوبىرەك اقشا تاپقاننان كەيىن سيىر باعىمشىلىق الاڭىنىڭ كولەمىن تاعى دا كەڭەيتەمىن. پارتيا مەن مەملەكەتتىڭ ساياساتى جاقسى، تەك قۇلشىنا ىستەسەك، ٴسوزسىز، تۇرمىسىمىز بارعان سايىن جاقسارادى». 

مۇراتبەك قورا تازالاۋ، سيىرلارعا ۆاكسينا سالۋ، جاڭا قورا سالۋ سياقتى جۇمىستاردى ىستەي ٴجۇرىپ، تىلشىگە: «وسىنداي مۇرنىما سۋ جەتپەيتىن تۇرمىس مەن ٴۇشىن العاندا وتە ماعىنالى ٴارى زور ۇمىتكە تولى» دەدى.

مۇراتبەك الدىمەن اۋقاتتاندىم، كوپشىلىككە نە ىستەپ بەرۋىم كەرەك دەپ ويلانادى. كووپەراتيۆتىڭ كولەمى ۇلعايۋىنا ىلەسە، ول بىرنەشە قىستاق تۇرعىنىن كووپەراتيۆكە كەلىپ ىستەۋگە ۇسىنىس ەتۋمەن بىرگە، 40 قىستاق تۇرعىنىن بىرگە سيىر باعۋعا جەتەكتەدى. 

مۇراتبەك بىلاي دەدى: «مەنىڭ بۇگىنگى باقىتتى تۇرمىسقا قول جەتكىزۋىمدى، پارتيانىڭ حالىققا تيىمدىلىك جاساۋ ساياساتىنان، ۇكىمەتتىڭ كومەگىنەن بولە قاراۋعا بولمايدى. بۇدان كەيىن باعىمشىلىق كولەمىن ۇزدىكسىز كەڭەيتىپ، ولشەمدى، وسى زامانعى باعىمشىلىق الاڭىن قۇرىپ، 3 جىل ىشىندە قوراداعى سيىر سانىن مىڭ باسقا جەتكىزۋگە قۇلشىنامىن». 

مۇراتبەك پارتيا مۇشەسى رەتىندە ٴوزىنىڭ ارقالايتىن جاۋاپكەرلىگىن تەرەڭ ٴتۇسىنىپ جەتتى. ول بىلاي دەدى: «ٴوزىمنىڭ ۇيرەنگەن تەحنيكالىق بىلىمدەرىمدى كوپتەگەن قىستاق تۇرعىنىنا ۇيرەتىپ، بۇقارانى پارتياعا العىس ايتۋعا، پارتياعا قۇلاق اسۋعا، پارتياعا ىلەسۋگە باستاپ، اۋىل - قىستاقتى گۇلدەندىرۋدىڭ كوش باسشىسى بولۋعا كۇش سالامىن».