يلاچىنىرۋ قىستاعىنا تۇسكەن قىزمەت اترەتى
بۇقارا ٴۇشىن ناقتى ٴىس ىستەپ، قيىنشىلىقتارىن دەن قويا شەشتى
ٴتىلشىمىز دۋ لەي حابارلايدى. 8 - ايدىڭ 14 - كۇنى چاپچال سىبە اۆتونوميالى اۋدانى التىنبۇلاق قالاشىعى يلاچىنىرۋ قىستاعىنىڭ تۇرعىنى شىراپ «قىستاعىمىزعا تۇسكەن قىزمەت اترەتى ەگىنجايعا باراتىن جولدى جوندەۋ، ناۋقاسقا شالدىققان تۇرعىندارعا اقشالاي جانە زاتتاي جىلۋ اتاۋ سياقتى كوپتەگەن جۇمىستار ىستەپ بەردى، قىستاعىمىزعا تۇسكەن قىزمەت اترەتى جارايدى ەكەن» دەپ القادى.
پارتيا تاريحىن ۇيرەنۋ تاربيەسى ورىستەتىلگەننەن بەرى «ۇعىسۋ، تيىمدىلىك جاساۋ، توعىستىرۋ» بويىنشا يلاچىنىرۋ قىستاعىنا تۇسكەن قىزمەت اترەتى پارتيا تاريحىن ۇيرەنۋ تاربيەسىن اۋىل - قىستاقتى گۇلدەندىرۋ، قىستاق تۇرعىندارىنىڭ ناقتى قيىنشىلىعىن شەشۋدى تەڭ ىلگەرىلەتۋمەن ٴوزارا ۇشتاستىرىپ، قىستاق تۇرعىندارىنىڭ «اسىققان، قينالعان، ۋايىمداعان، ٴزارۋ بولعان» ماسەلەلەرىن توڭىرەكتەي وتىرىپ، «بۇقارا ٴۇشىن ناقتى ٴىس ىستەيمىن» امالياتتىق قيمىلىن ورىستەتىپ، بار ىنتا - پەيىلىمەن يگى، جاقسى ىستەردى كۇش سالا ىستەدى.
قىستاققا تۇسكەن قىزمەت اترەتى بيىل وتباسىلاردى ارالاۋ بارىسىندا قىستاق تۇرعىندارىنان ەگىنجايعا تۇتاساتىن 575 مەتر اتىز جولىنا شاعىل توسەلمەگەندىكتەن ٴار جولعى جاۋىن - شاشىننان كەيىن ٴىرى تيپتى كولىكتەردىڭ قاتىناي الماي، 7 ەگىنشىنىڭ جازعى جيىن - تەرىن جۇمىسىنا اۋىر ىقپال جەتكىزىپ كەلگەندىگىن بىلەدى. قىستاققا تۇسكەن قىزمەت اترەتى مەن قىستاق «ەكى كوميتەتى» اقىلداسا كەلە، 23 مىڭ يۋان قارجى شىعارىپ جولعا شاعىل توسەۋ بەكىمىنە كەلەدى. 6 - ايدىڭ 23 - كۇنى جۇمىس باستالىپ، بىرنەشە كۇن وتكەننەن كەيىن بۇل جول پايدالانۋعا بەرىلەدى.
شىراپ بىلاي دەدى: «بيىل 90 مۋ جەرگە ٴبيداي ەككەن ەدىك، جول جوندەلگەننەن كەيىن ٴبيداي تاسۋىمىزعا قولايلى بولدى».
يلاچىنىرۋ قىستاعىنىڭ 1 - شۋجيى، قىزمەت اترەتىنىڭ باستىعى شيپا بىلاي دەدى: «پارتيا تاريحىن ۇيرەنۋ بارىسىندا قىستاققا تۇسكەن قىزمەت اترەتى <بۇقارا ٴۇشىن ناقتى ٴىس ىستەيمىن> امالياتتىق قيمىلىن تياناق ەتە وتىرىپ دايەكتى ىلگەرىلەتىپ، كادرلار وتباسىلاردى ارالاۋ، پىكىر - ۇسىنىس قابىلداۋ سياقتىلار ارقىلى بۇقارانىڭ قيىنشىلىعىن، ارىز - ارمانىن جانە شەشۋگە ٴتيىستى ماسەلەلەرىن جيناقتاپ، دەر كەزىندە تالداۋ جاساپ، بارلىق ٴادىس - امالدى قولدانا وتىرىپ بۇقاراعا بارىنشا قولعابىس جاساۋعا قۇلشىندىق».
جىل باسىنان بەرى قىستاققا تۇسكەن قىزمەت اترەتى سالماقتى ناۋقاسقا شالدىققان 4 تۇرعىننىڭ ٴارقايسىسىنا 5 مىڭ يۋاننان قۇتقارۋ - كومەكتەسۋ قاراجاتىن بەردى، كاسىپ سالاسى ابزالدىعىنان پايدالانىپ قىستاقتاعى ٴجۇرىس - تۇرىسى قولايسىز تۇرعىنداردى شيپاحاناعا اپارىپ، ٴدارى - دارمەك جەتكىزىپ بەردى.
بيىل قىستاق تۇرعىنى حى جۋشىڭنىڭ 4 جارىم جاستاعى ۇلىنا قالاشىق شيپاحاناسىندا ٴبىر رەتكى دەنساۋلىق تەكسەرتۋدە سالماقتى تۋما جۇرەك اۋرۋىنا شالدىققان دەگەن دياگنوز قويىلادى. يلاچىنىرۋ قىستاعى پارتيا ياچەيكاسى بالانىڭ ەمدەۋ قامسىزداندىرۋ اقىسىن تولەپ بەرەدى ٴارى انا - بالالى ەكەۋىنە اۋىل - قىستاق تۇرعىندارىنىڭ ەڭ تومەنگى تۇرمىستىق قامتاماسىزداندىرۋ مامىلەسىنەن يگىلىكتەنۋگە ٴوتىنىش ەتەدى.
4 - ايدا جۇڭگو قىزىل كرەست قور قوعامىنىڭ «پەرىشتەلەر ساپارى» اتىنداعى شينجياڭداعى تۋما جۇرەك اۋرۋىنا شالدىققانداردى ساراپتاۋ - تەكسەرۋ، قۇتقارۋ - كومەكتەسۋ قيمىلى قۇلجا قالاسىندا ورىستەتىلەدى، قىستاققا تۇسكەن قىزمەت اترەتى حى حۇيحۇيدى وسى تەكسەرۋگە الىپ كەلەدى. حى حۇيحۇيدىڭ وكپەسى جابىق ٴارى سالماقتى تۋما جۇرەك اۋرۋىنا شالدىققان دەپ دياگنوز قويىلادى، سونداي - اق وپەراتسيا جاساتۋ كەرەك دەپ تۇراقتاندىرىلادى. كەزەكتە قىزمەت اترەتىندەگىلەر جياڭسۋداعى ماماندارمەن بەلسەنە بايلانىس جاساپ، وپەراتسيا جوباسىنىڭ تۇراقتانۋىن كۇتۋدە ٴارى حى حۇيحۇيدىڭ اقىسىز ەمدەلۋدەن ەرتەرەك يگىلىكتەنۋىنە كومەكتەسۋدە.
حى جۋشىڭ بىلاي دەدى: «قىستاققا تۇسكەن قىزمەت اترەتى مەن قىستاق <ەكى كوميتەتى> بىزگە جاقىننان جاردەمشى بولىپ، ماماندارمەن بايلانىس جاساۋ ارقىلى بالامىزدى اقىسىز ەمدەتۋگە كومەكتەسۋدە، مەن ولارعا شىن جۇرەكتەن العىس ايتامىن».