حالىق تۇرمىسى ىستەرى جۇرت كوڭىلىن جادىراتتى

قۇلجا قالاسى جان - جاقتى كۇش سالىپ، بۇقارانىڭ باقىت سەزىمىن جوعارىلاتتى

ٴتىلشىمىز جاڭ جينفىڭ حابارلايدى. پارتيا تاريحىن ۇيرەنۋ تاربيەسى ورىستەتىلگەننەن بەرى قۇلجا قالاسى «بۇقارا ٴۇشىن ناقتى ٴىس ىستەيمىن» امالياتتىق قيمىلىن پارتيا تاريحىن ۇيرەنۋ تاربيەسىنىڭ ٴتۇبىرلى تياناعى ەتۋگە تاباندى بولىپ، ٴار ۇلت بۇقاراسى اڭىس ەتكەن «ماسەلە تىزىمدىگىن» پارتيالى كادرلاردىڭ اۋەلگى ماقسات پەن بورىشتى امالياتتا ايگىلەۋدەگى «مىندەت اتقارۋ تىزىمدىگىنە» اينالدىرىپ، «بۇقارا ٴۇشىن ناقتى ٴىس ىستەيمىن» امالياتتىق قيمىلىنىڭ ىشكەرىلەي، ناقتى ورىستەتىلۋىن ۇزدىكسىز جەبەدى.

بيىل قۇلجا قالاسى 328 ميلليون يۋان قارجى قوسىپ، 132 كونە تۇرعىندار رايونىن جاڭالادى. قۇلجا قالالىق چىڭتوۋ توبى كاسىپورىننىڭ ابزالدىعىن ساۋلەلەندىرىپ، بەيقۇت ۇيمەن قامتاماسىزداندىرۋ، الەۋمەتتىك حاۋىپسىزدىكتى قامتاماسىزداندىرۋ سياقتى حالىققا تيىمدىلىك جاساۋ ينجەنەرياسىن جالعاستى اتقارىپ، بۇقارا ەڭ كوڭىل بولگەن، ەڭ تىكە، ەڭ رەال ماسەلەلەردى شىنايى ويداعىداي شەشىپ، حالىقتىڭ تۇرمىس جاعىنداعى ىرىس - قۇتىن ۇزدىكسىز نىعايتتى.

8 - ايدىڭ 26 - كۇنى ٴتىلشى ىلە وزەنى جولىنداعى ەلەكتر ستانسياسىنىڭ سەميالىقتار اۋلاسىنان قۇلجا قالالىق چىڭتوۋ توبىنا قاراستى قالا قۇرىلىسى شەكتى جاۋاپكەرلىك سەرىكتىگى جۇمىسشىلارىنىڭ جىلۋمەن قامداۋ قۇبىرىن ورناتىپ جاتقاندىعىن، شاعىن رايونداعى عيماراتتاردىڭ سىرتقى قابىرعاسىن جىلۋ ساقتاعىش ورناتۋ، زالدارىن اقتاۋ سياقتى جۇمىستارىنىڭ تامامدالىپ قالعاندىعىن كوردى.

تۇرعىن لي شۋيۇن بىلاي دەدى: «وزگەرتىلگەننەن كەيىن اۋلامىزدا كولىك توقتاتۋ ورىندارى كوبەيدى، دەنە شىنىقتىرۋ جابدىقتارى، شىراق، دەمالاتىن سامالدىق، ورىندىق ورناتىلدى. سونىمەن بىرگە، جاسىلداندىرىلعان اۋماق كەڭەيتىلىپ، تۇرعىندارعا رەتتى، تازا، جايلى ورتا جاراتىلدى. ورتانىڭ كوركەيۋى كوڭىلىمىزدى ٴتىپتى دە جادىراتتى.

قۇلجا قالاسىنىڭ مەملەكەت مەنشىگىندەگى مال - مۇلىكتى باسقارۋ جۇيەسى تۇرعىن ۇيمەن قامتاماسىزداندىرۋ، كوكونىستى بولشەك ساتۋ ٴتۇيىنىن كوبەيتۋ جاقتارىنا كۇش سالىپ، ناقتى، جاقسى ٴىس ىستەۋ تەبىنىن ارتتىردى. قازىرگە دەيىن 3 مىڭ 596 ورتا، شاعىن، ۇساق كاسىپورىن مەن جەكە ساۋدا ونەركاسىپشىنىڭ 12 ميلليون 100 مىڭ يۋان ماياقىسى كەشىرىم ەتىلدى؛ قالاداعى سىرت جەرلەردەن كەلگەن جۇمىسكەرلەر مەن اكىمشىلىك ورىندارداعى، كاسىپورىندارداعى، ٴىسورىندارداعى  ٴۇيى جوق قىزمەتكەرلەرگە 686 تۇرعىن ٴۇي شەشىم ەتىلدى؛ 300 الەۋمەتتىك اۆتوبۋز بەكەتى وزگەرتىلىپ سالىنىپ، دارەجەسى جوعارىلاتىلىپ، تۇرعىندارعا قىزمەت وتەيتىن 50 ٴتۇيىن ورنالاستىرىلدى؛ تۇتاس قالا بويىنشا 300 ورىندا «مىڭ بوياۋلى قۇلجا . الەۋمەتتىك اۋماق حالىققا قولايلى تىكە ساتۋ دۇكەنى» اشىلدى.

قۇلجا قالاسى «بۇقارا ٴۇشىن ناقتى ٴىس ىستەيمىن» امالياتتىق قيمىلىن «10 ٴتۇرلى حالىققا تيىمدىلىك جاساۋ ينجەنەرياسىن» ىلگەرىلەتۋمەن بىرلەستىردى. بيىل جىل باسىنان بەرى قالا - قالاشىقتاردا 7 مىڭ 171 ادام تىڭنان جۇمىستانىپ، جۇمىستانباعان ادامى جوق وتباسلاردىڭ «اۋقىمدىق جۇمىستانۋىن نولگە ٴتۇسىرۋدى» جۇزەگە اسىردى؛ جاڭادان وزگەرتىلىپ سالىنعان قالا - قالاشىقتىڭ تۇلعالاندىرىلعان 6 بالالار باقشاسى پايدالانۋعا بەرىلىپ، حالىق باسقارۋىنداعى جالپىعا ٴتيىمدى بالالار باقشاسى 24 كە جەتتى؛ ٴدارى - دارمەك، دەنساۋلىق ساقتاۋ ٴتۇزىلىسى رەفورماسى تەرەڭدەتىلىپ، كوپ ساتىلى قوعامدىق قامتاماسىزداندىرۋ جۇيەسى كەمەلدەندىرىلدى، 2021 - جىلى قالا - اۋىل تۇرعىندارىنىڭ نەگىزگى ەمدەلۋىن قامسىزداندىرۋىنا 355 مىڭ 200 ادام قاتىناسىپ، قاتىناسۋ مولشەرى %95 كە جەتىپ، ٴار ۇلت بۇقاراسىنىڭ ريزالىق دارەجەسى كورنەكتى جوعارىلادى.

بۇقارانىڭ «اڭساعان، قينالعان، ۋايىمدايتىن، ٴزارۋ بولعان» ماسەلەلەرىن شەشۋدى باعدار ەتۋگە تاباندى بولىپ، قالا قۇرىلىسى، ەكولوگيانى قالپىنا كەلتىرۋ، قالا باسقارۋ سياقتى جاقتاردا تەبىندى ۇزدىكسىز ارتتىرىپ، بۇقارانىڭ تاماشا تۇرمىسقا بولعان قاجەتىن ۇزدىكسىز قاناعاتتاندىردى. ساناققا قاراعاندا، بيىل قۇلجا قالاسى 10 مىڭ 247 وتباسى تۇراتىن كونە شاعىن رايون مەن 408 شارۋا وتباسىنىڭ بەيقۇت ٴۇيىن وزگەرتۋ ينجەنەرياسىن بەلسەنە ىلگەرىلەتىپ، اۋىل - قىستاقتاعى 990 دارەتحانانى (جالپىلاسۋ مولشەرى%98 كە جەتتى) وزگەرتىپ، ەكولوگياسى تاماشا 21 كولىك توقتاتۋ الاڭىن جاڭادان سالىپ، ٴبىر مىڭ 791 كولىك توقتاتۋ ورنىن ازىرلەدى؛ ەكولوگيانى جاسىلداندىرۋ ينجەنەرياسىن بار كۇشپەن اتقارىپ، جوعارى قارقىندىق تاس جولدىڭ ٴجۇز شاقىرىمدىق ٴدالىز قۇرىلىسىن جوعارى ولشەممەن اتقارىپ، 22 قالا جولى مەن ٴپانجىم، بايانداي سياقتى قالاعا كىرۋ - شىعۋ اۋىزدارىن جاسىلداندىرۋدى، توعانداردى وزگەرتۋدى مىقتى يگەرىپ، كوشە بويلارىندا 64 سەيىل - سەرۋەن باقشاسىن جاڭادان سالىپ، قالاداعى جاڭادان كەڭەيتىلگەن جاسىل اۋماقتى 4 مىڭ 355 مۋعا جەتكىزدى؛ جياڭنيڭ سازدىعى، ٴلاڭزى باسى سازدىعى، كونە قالا رايونىنىڭ ەكولوگيالىق ورمانى سىندى 3 سازدىق باقشاسىنىڭ ٴبىر مىڭ 452 مۋ ەكولوگياسىن قالپىنا كەلتىرۋ ينجەنەرياسىن نىق قاداممەن ىلگەرىلەتتى؛ اققۋ كولىنىڭ ەكولوگيا قۇرىلىسىن تامامداپ، سۋ الابىنىڭ اۋماعىن 74 مۋعا جەتكىزدى.

قازىر ٴار دارەجەلى باسشى كادرلار 10 مىڭ 340 ٴتۇرلى ناقتى، جاقسى ٴىس ىستەپ، 2 مىڭ 458 رەت ەرىكتى قىزمەت وتەۋ قيمىلىن ورىستەتتى.