باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
جەرگىلىكتى ورىننىڭ جەمىس - جيدەكتەرى شەتەلگە مولىنان شىعارىلدى
2021-09-04 18:15:36     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى


قورعاس كەدەنى بۇقارا ٴۇشىن كوڭىل توعايتارلىق ناقتى ىستەر ىستەدى


 ٴتىلشىمىز مىڭ شيا حابارلايدى. «كەدەن جەرگىلىكتى ورىننىڭ جەمىس - جيدەكتەرىن ەكسپورت ەتەتىن كاسىپورىنداردى ٴتۇيىندى كومەكتەسۋ، سۇيەمەلدەۋ وبيەكتىسى ەتىپ، <بىرگە - ٴبىر> جەتەكشىلىك ەتىپ، جەرگىلىكتى ورىن جەمىس - جيدەكتەرىنىڭ مەملەكەت قاقپاسىنان شىعارىلۋىنا ٴتىپتى دە قولايلىلىق جاراتتى» دەدى 8 - ايدىڭ 31 - كۇنى قورعاس جين - ي حالىقارالىق ساۋدا شەكتى سەرىكتىگى كەدەننەن وتكىزۋ ٴبولىمىنىڭ ديرەكتورى گىڭ جيانۋەي قورعاس كەدەنىنىڭ بۇقارا ٴۇشىن ناقتى ٴىس ىستەۋدەگى كوڭىل توعايتارلىق ٴادىس - شارالارىن القاپ. 

پارتيا تاريحىن ۇيرەنۋ تاربيەسى ورىستەتىلگەننەن بەرى قورعاس كەدەنى بۇقارا ٴۇشىن ناقتى ٴىس ىستەۋ تىزىمدىگىن  شىعارىپ، بۇقاراعا كوڭىل توعايتارلىق ناقتى ىستەر ىستەپ بەردى.

قورعاس كەدەنى «بۇقارا ٴۇشىن ناقتى ٴىس ىستەيمىن» امالياتتىق قيمىلىن ىشكەرىلەي ىلگەرىلەتىپ، «كاسىپورىنعا تيىمدىلىك جاراتىپ، حالىققا پايدا جەتكىزۋ» حالىق تۇرمىسى ينجەنەرياسىن باستاپ اتقارىپ، مىندەتتەردى نىسانداندىرىپ، نىسانداردى تىزىمدەندىرىپ، ٴتىزىمدى ناقتىلاندىرىپ، اۋقىمعا قاراي باسقارىپ، جوسپار بويىنشا جۇمىس جۇرگىزىپ، قۇلشىنا كۇرەس جاسادى. 

قازىر جەمىس - جيدەكتەن مول ٴونىم الىناتىن مەزگىل، جەرگىلىكتى ورىننىڭ جەمىس - جيدەكتەرىنىڭ ساپاسىن جوعارىلاتىپ، ٴونىمىن ارتتىرۋعا كومەكتەسىپ، ٴتىپتى دە كوپ ساپالى جەمىس - جيدەكتى ەكسپورت ەتۋ ٴۇشىن قورعاس كەدەنى جەرگىلىكتى ورىندا وندىرىلگەن جەمىس - جيدەكتى ەكسپورت ەتۋ بازاسىن قالىپتاستىرۋدى، الۋەتتەندىرۋدى «بۇقارا ٴۇشىن ناقتى ٴىس ىستەيمىن» امالياتتىق قيمىلىنداعى ٴتۇيىندى نىسان ەتىپ، تۇتاس تىزبەكتى قىزمەت وتەۋمەن قامداپ، جەمىس - جيدەك كاسىپورىندارىنىڭ، باعىبانداردىڭ پايدا تابۋ، اۋقاتتانۋ ارناسىن كەڭەيتتى.

بيىل جىل باسىنان بەرى 5 ٴتۇرلى ٴونىمى ەكسپورت ەتىلگەن جەمىس باعىنىڭ تىزىمگە الدىرۋ، تىركەلۋ جۇمىسىنا جەتەكشىلىك ەتتى، بۇل جەرگىلىكتى ورىنداعى جانە ماڭىنداعى 54 مىڭ مۋ اۋماقتاعى جەمىس ەگىمشىلىك باعىن قامتىدى. 

ۇعىسۋعا قاراعاندا، جەمىس - جيدەك كاسىبىن زورايتۋدى جانە الۋەتتەندىرۋدى كۇش سالا سۇيەمەلدەۋ ٴۇشىن قورعاس كەدەنى ىرىقتىلىقپەن الدىن الا قىزمەت وتەدى. كەدەننىڭ نەگىزگى جاۋاپتىلارى قوسىن باستاپ اتىز باسىنا ىشكەرىلەي بارىپ، جەمىستەردى باپتاۋ، ٴوندىرۋ جانە ەكسپورت ەتۋ جاعدايىنا ناق مايداندا تەكسەرۋ جۇرگىزدى جانە ارناۋلى ماماندار گرۋپپاسىن «باعىتتامالى ۇلگىدە» دالمە - ٴدال سۇيەمەلدەۋ - كومەكتەسۋ قىزمەتىن ورىستەتۋگە جىبەرىپ، باعىبانداردىڭ قاينارىنان باسقارۋ - تىزگىندەۋدى كۇشەيتۋىنە كومەكتەسىپ، تىزبەكتى زەرتتەۋ ٴتۇزىمىن ورناتىپ جانە كەمەلدەندىرىپ، جەمىس - جيدەك كاسىبىن دامىتۋعا پارمەندى تەحنيكالىق قولداۋ كورسەتتى.

بيىل جىل باسىنان بەرى قورعاس كەدەنى مەرزىمدى ۋاقىتتا زياندى ورگانيزمدەرگە باقىلاۋ - ساراپتاۋ جۇرگىزىپ، جەمىس باقتارىنىڭ ساپا حاۋىپسىزدىگى ورەسىن جوعارىلاتىپ، ەكسپورت ەتىلەتىن جەمىس - جيدەكتىڭ تەكسەرۋ - كارانتيندەۋ ولشەمىنە ۇيلەسۋىنە كەپىلدىك ەتتى.

قورعاس كەدەنى قاراستى رايوندارداعى سىرتقى ساۋدانى دامىتۋدىڭ توسقاۋىل تۇيىندەرىن جاپپاي ارشىپ، «ٴبىر كاسىپورىندا ٴبىر كەدەن قىزمەتكەرى بولۋ»، كەدەن كاسىپورىنعا «بەتپە - بەت» كومەكتەسۋ - سۇيەمەلدەۋ شاراسىن اتقارىپ، كاسىپورىنداردى زاڭ، ساياسات جاعىنان كەڭەس بەرۋ قىزمەت وتەۋىمەن قامداپ، قاراستى رايوندارداعى كاسىپورىندار اڭساعان، قينالعان، ۋايىمداعان، ٴزارۋ بولعان ماسەلەلەردى شەشۋگە كومەكتەسىپ، كاسىپورىندارعا «ەڭ سوڭعى ٴبىر كيلومەترگە» دەيىن قىزمەت وتەدى.

قازىرگە دەيىن قورعاس كەدەنى قورعاس قالاسىنداعى ەلەكتروندىق ونىمدەر وندىرەتىن 2 كاسىپورىنعا مانەرلەۋ ساۋداسى قولدانباسىن ارحيۆكە الدىرۋ، تەكسەرۋ رەسمياتىن ٴبىتىرىپ بەرىپ، كاسىپورىنداردىڭ مانەرلەۋ ساۋداسىن جالعاستى ورىستەتۋىنە داڭعىل جول اشىپ بەردى.

بۇدان تىس، قورعاس كەدەنى قورعاس قالاسىنداعى 6 مەكەمە - ورىنعا، قاراستى رايونداعى سىرتقى ساۋدامەن شۇعىلداناتىن 20 كاسىپورىنعا شەكارا تۇرعىندارىنىڭ ساۋدا جاساۋى جونىندەگى ساياساتتاردان بەتپە - بەت ۇگىت - لەكسيا جاساپ، ساياساتتاعى تاۋاردىڭ ٴتۇرى، كەلۋ قاينارى، وبيەكتىنىڭ قامتيتىن اياسى سياقتىلارعا ساياتىن مازمۇندارداعى تىڭ وزگەرىستەر جونىندە ايقىن تۇسىنىك جاساپ، كەدەننىڭ باقىلاۋ - باسقارۋ تالابىن تانىستىرىپ، كاسىپورىنداردىڭ كۇدىكتى سۇراۋلارىنا ناق مايداندا جاۋاپ بەرىپ، كاسىپورىندارعا ايقىن دامۋ بەتالىسىن نۇسقاپ، قىزمەتتى تىڭعىلىقتى ىلگەرىلەتتى. قورعاس كەدەنى «ساۋدا جاساۋ + مانەرلەۋ كاسىبىن ىرگە تەپتىرۋ»، «ساۋدا جاساۋ + ەلەكتروندى ساۋدا» كاسىبى ۇلگىسىنىڭ تياناقتانۋىن بەلسەنە جەبەپ، وتكەلدىڭ سىرتقا باعىتتالعان ەكونوميكاسىنىڭ دامۋى مەن حالىققا قولايلى كىرىستى ارتتىرۋ، يگىلىك جاراتۋ ىستەرىنە كەدەننىڭ قالتقىسىز كۇش - قۋاتىن ارنادى.

قورعاس كەدەنى باقىلاۋ - باسقارۋ 4- ٴبولىمىنىڭ باستىعى يۇي رۇيچىڭ بىلاي دەدى: «كەلەسى قادامدا كەدەنىمىز باقىلاۋ - باسقارۋ جاعىنان قىزمەت وتەۋدى ۇزدىكسىز كۇشەيتىپ، قاراستى رايوندارداعى كاسىپورىنداردىڭ دامۋ جاعدايىن ىشكەرىلەي ۇعىسىپ، ساياساتتىق جاقتان جەتەكشىلىك ەتۋ مەن تەحنيكالىق جاقتان سۇيەمەلدەۋدى كۇشەيتىپ، كاسىپورىندار مەن بۇقارا ٴۇشىن ناقتى ٴىس، يگى ٴىس ىستەۋگە قۇلشىنادى».