ٴتىلشىمىز لۋ جۇڭ حابارلايدى. جىل باسىنان بەرى قۇلجا قالاسىنىڭ ٴتۇيىندى نىساندارىندا قۇرىلىس ٴتارتىپتى ىلگەرىلەتىلگەن، قارجى قوسۋ جەدەل ارتقان جاعداي جارىققا شىقتى. 8 - ايدىڭ 22 - كۇنىنە دەيىن قۇلجا قالاسىنىڭ 148 ٴتۇيىندى نىسانىندا جۇمىس (قايتالاي) باستالىپ، جۇمىس (قايتالاي) باستالۋ سالىستىرماسى %100 كە جەتتى.

اۆتونوميالى وبلىستىڭ بيىلعى ٴتۇيىندى نىسانى - قۇلجا قالاسى اقتوبە ونەركاسىپ باقشا رايونى نەگىزدىك قۇرىلعىلارىنىڭ سايكەستى قۇرىلىس نىسانى بولعان وسى باقشا رايونىنىڭ لاس سۋدى ٴبىر جاقتى ەتۋ زاۆودى مەن وسىنداعى ورتا، شاعىن كاسىپورىنداردى جەتىلدىرۋ باقشاسىنىڭ قۇرىلىس نىسانى جەدەل ىلگەرىلەتىلۋدە. 

8 - ايدىڭ 22 - كۇنى ٴتىلشى قۇلجا قالاسى اقتوبە ونەركاسىپ باقشا رايونىنىڭ لاس سۋدى ٴبىر جاقتى ەتۋ زاۆودى نىسانىنىڭ 1 - مەرزىمدىك قۇرىلىس جۇرگىزۋ ناق مايدانىنان جۇمىسشىلار اسحاناسى مەن ماشينا رەمونتتاۋ سەحىنىڭ نەگىزگى قۇرىلىسى تامامدالىپ، جۇمىسشىلار قىزمەت عيماراتىنىڭ سىرتىن اشەكەيلەپ جاتقانىن كورگەن.

ۇعىسۋعا قاراعاندا، بۇل نىسانعا 180  ميلليون يۋان قارجى قوسىلعان، نىسان قۇرىلىسى جالپى كولەم بويىنشا كۇنىنە 20 مىڭ تەكشە مەتر لاس سۋدى ٴبىر جاقتى ەتەدى. ٴبىر جاقتى ەتىلگەننەن كەيىنگى قالىپتى سۋ باقشا رايونىنىڭ جولدارىنا شاشۋعا، جاسىلداندىرۋعا جانە ٴىشىنارا كاسىپورىنداردىڭ وندىرىسىنە پايدالانىلىپ، ونەركاسىپ باقشا رايونىنان لاس سۋدى سىرتقا ىعىستىرماي، قالىپتى سۋدى اينالمالى پايدالانىپ، ونەركاسىپ باقشا رايونىنىڭ جاسىل باياندى دامۋىن جۇزەگە اسىرادى. باقشا رايونىنىڭ سۋ ىعىستىرۋ  مولشەرىنىڭ بىرتىندەپ ارتۋ قاجەتىنە ساي، نىسان قۇرىلىسى 3 مەرزىمگە ٴبولىنىپ جۇرگىزىلەدى. مۇنىڭ ىشىندە، 1 - مەرزىمدىك نىساندا بيىل 4 - ايدىڭ 25 - كۇنى قۇرىلىس باستالعان، بۇل كۇنىنە 3 مىڭ تەكشەمەتر لاس سۋ ىعىستىرادى ەكەن.

اقتوبە ونەركاسىپ باقشا رايونىنداعى ورتا، شاعىن كاسىپورىنداردى جەتىلدىرۋ باقشا قۇرىلىسى نىسانىنىڭ يەلەگەن جالپى جەر كولەمى شامامەن 149 مۋ، نىسان قۇرىلىسى 2 مەرزىمگە ٴبولىنىپ جۇرگىزىلەدى، مۇنىڭ ىشىندە، 1 - مەرزىمدىك نىسان قۇرىلىسىنىڭ ولشەمدەندىرىلگەن 9 زاۆود ٴۇيى بار بولىپ، مۇنىڭ قۇرىلىس اۋماعى جالپى 35 مىڭ 400 شارشى مەتر، قىزمەت وتەۋ بويىنشا جاڭا تيپتەگى ماتەريالداردى مانەرلەۋ كاسىبى، جابدىق جاساۋ كاسىبى، جەڭىل تيۆتەگى مانەرلەۋ كاسىبى سياقتىلاردى نەگىز ەتەدى. 

كاسىپتەردى جەتىلدىرۋ باقشا قۇرىلىسى سالىنىپ بولعاننان كەيىن، كاسىپورىن تەك قاجەتتى جابدىقتاردى ساتىپ السا بولعانى تەز ارادا وندىرىسكە قوسىلىپ، قارجى قوسۋدى ازايتۋمەن بىرگە، وندىرىسكە قوسىلۋ ۋاقىتىن قىسقارتىپ، وسىندا ىرگە تەپكەن كاسىپورىندارعا قولايلىلىق جاراتادى. 

اقتوبە ونەركاسىپ باقشا رايونى ورتا، شاعىن كاسىپورىنداردى جەتىلدىرۋ باقشاسى قۇرىلىس نىسانىنىڭ تەحنيكالىق جاۋاپتىسى يۋە دىڭحۇڭ بىلاي دەدى: « 1 - نومىردەن 4 - نومىرگە دەيىنگى زاۆود ۇيلەرى قۇيما قۇرىلىمدى، 5 - نومىردەن 9 - نومىرگە دەيىنگى زاۆود ۇيلەرى بولات قۇرىلىمدى. 11 - ايدىڭ سوڭىندا ولشەمدەندىرىلگەن 9 زاۆود ٴۇيى تۇگەلدەي سالىنىپ ٴبىتىپ، تەكسەرىپ وتكىزىپ الۋ ولشەمىنە جەتەدى».

ىلە شىنتيان كومىر - حيميا ونەركاسىبى شەكتى جاۋاپكەرلىك سەرىكتىگى اۋىر، حوش ٴيىستى كومىر سۋتەگىنەن كوپ نەگىزدى كومىر سۋتەگىن جىنتىكتەي مانەرلەۋ نىسانى − اۆتونوميالى وبلىس دارەجەلى ٴىرى نىسان، نىسانعا جالپى 73 ميلليون يۋان قارجى قوسىلعان، جالپى يەلەنگەن جەر كولەمى 95 مۋ.

8 - ايدىڭ 23 - كۇنى ٴتىلشى  وسى نىساننىڭ قۇرىلىس جۇرگىزۋ ناق مايدانىنان نىساننىڭ جالپى تۇلعالىق قۇرىلىسىنىڭ تولىق جاقتان ورىندالعانىن، قۇراستىرۋ رايونىنداعى شكاپتارعا نەگىزىنەن اۆتوماتتى مەڭگەرىلەتىن كورسەتكىش اسپابىنىڭ، باسقاۋ تىزبەگى تەڭشەلىپ بولعانىن، قىزمەتكەرلەردىڭ جابدىقتاردىڭ ەڭ سوڭعى ورنالاستىرىلۋ جاعدايىن تەكسەرىپ جاتقانىن؛ كەزەكتە  نىسان جوباسىنداعى قالىپ قالعان جوسپار تۇرلەرى، قۇرىلىس ساپاسى، بىتپەگەن قۇرىلىس سياقتىلار تەكسەرىلۋدە ەكەن، سونىمەن بىرگە، مىندەت، ادام، ۋاقىت جانە شارالاردى بەلگىلەۋ قىزمەتىنىڭ جۇرگىزىلىپ جاتقانىن كورگەن. 

جۋىق جىلداردان بەرى ىلە شينتيان كومىر - حيميا ونەركاسىبى شەكتى سەرىكتىگى كومىر گازدەن گاز الۋ ٴوندىرىسى حاۋىپسىزدىگى نەگىزىندە، زەرتتەۋ، قارجى قوسۋ تەبىنىن ارتتىرىپ، كومىردەن گاز الۋ نىسانىنىڭ جوعارعى، تومەنگى كاسىپ تىزبەگىن ۇزارتۋ جونىندە زەرتتەۋ جۇرگىزدى، اۋىر، حوش ٴيىستى كومىر سۋتەگىنەن كوپ نەگىزدى كومىر سۋتەگىن جىنتىكتەي مانەرلەۋ نىسانى سالىنعاننان كەيىن، جىلدىق ٴبىر جاقتى ەتۋ قۋاتى 200 مىڭ تونناعا جەتىپ، قاتەرلى جاراقسىز زاتتاردى باسقارۋ تىزىمدىگىنە ەنگىزىلگەن اۋىر، حوش ٴيىستى كومىر سۋتەگىن تىكەلەي ساتۋعا بولاتىن مۇناي بۇيىمدارىنا اينالدىرۋعا بولادى.

ىلە شينتيان كومىر- حيميا ونەركاسىبى شەكتى جاۋاپكەرلىك سەرىكتىگى نىسان باسقارۋ ٴبولىمىنىڭ ورىنباسار مەڭگەرۋشىسى ۋاڭ حۇي تىلشىگە بىلاي دەدى: «نىسان جوعارى تەمپەراتۋرالى كوكىس مايىن جىنتىكتەي مانەرلەۋ تەحنيكاسىنان پايدالانىپ، اۋىر، حوش ٴيىستى كومىر سۋتەگى مەن كوپ نەگىزدى كومىر سۋتەگىن ايىرىم ٴبولىپ الىپ، بۇرىنعى اۋىر، حوش ٴيىستى كومىر سۋتەگى مەن كوپ نەگىزدى كومىر سۋتەگى سياقتى قاتەرلى جاراقسىز زاتتاردى قايتادان فەنول مايى، تازارتىلعان ماي، انتراتسەن مايى، (كومىر) اسفالت ونىمدەرىن وندىرەدى،  بۇلاردى تىكەلەي سىرتقا ساتىپ، ٴونىمنىڭ قوسىمشا قۇنىن ارتتىرۋعا بولادى، سالىنىپ بولعاننان كەيىن ٴار جىلعى پايداسى 100 ميلليون يۋاننان اسادى، ٴونىمى ەرەكشە جاقسى».