ٴتىلشىمىز ۋاڭ جىحۋا حابارلايدى. 9 - ايدىڭ 8 - كۇنى توعىزتاراۋ . حۋاليڭ سيىر شارۋاشىلىعى اۋىل - قىستاق ۋنيۆەرسالدى تۇلعالىق نىساننىڭ ىرگە تاسىن قالاۋ سالتى اقتۇبەك قالاشىعى ونەركاسىپ باقشا رايونىندا وتكىزىلدى. بۇل وسى اۋداننىڭ مال شارۋاشىلىعى كاسىپ سالاسىنىڭ دامۋىندا تىڭ پاراق اشىلعاندىعىن ايگىلەيدى.

وبلىستىق حالىق قۇرىلتايى تۇراقتى كوميتەتىنىڭ  مەڭگەرۋشىسى ابدۇسالام سادىق، وبلىستىق پارتكومنىڭ تۇراقتى مۇشەسى رازبەك قامزا ۇلى وسى كۇنگى جۇمىس باستاۋ سالتىنا قاتىناستى.

بۇل نىساندى شينجياڭ حۋاليڭ ونەركاسىپ - ساۋدا (توبى) شەكتى سەرىكتىگى قارجى قوسىپ قۇرعان، جالپى قوسىلاتىن قارجى ٴبىر ميلليارد يۋاننان، باعىمداعى سويىس سيىر 30 مىڭ باستان كەم بولمايدى ەكەن، نىسان «باستاماشى كاسىپورىن + عىلىم - تەحنيكادان ۇلگى كورسەتۋ باقشا رايونى + سەلبەستىك كووپەراتيۆى+ شارۋالار» ۇلگىسىنەن پايدالانىپ، سويىس سيىر كاسىبى عىلىم - تەحنيكالىق ۇلگى كورسەتۋ باقشاسى، ساپالى پىشەن ەگىمشىلىگى عىلىم - تەحنيكالىق ۇلگى كورسەتۋ باقشاسى، اينالمالى ەكونوميكا كاسىبى عىلىم - تەحنيكالىق ۇلگى كورسەتۋ باقشاسى جانە سويىس سيىر كاسىبى ەرەكشە شاعىن قالاشىعىن نەگىزگى قۇرىلىس مازمۇنى ەتىپ، زات ينتەرنەت تورابى تەحنيكاسى تاسىلىنەن پايدالانىپ، ەگىن، مال شارۋاشىلىعىنا ينتەلەكتتى قىزمەت وتەۋ جۇيەسىن قۇرىپ، شوعىرلانعان، قامتۋ كولەمى كەڭ، باستاماشىلىق رولعا يە سويىس سيىر كاسىپ تىزبەگى مەن كاسىپ شوعىرىن كۇش سالا قالىپتاستىرادى. سونىمەن بىرگە، توعىزتاراۋ اۋدانىنىڭ «تۇتاس وڭىرلىك ساياحات»، «تۇتاس وڭىرلىك كۇتىمدەلۋ» جانە «ساياحات ارقىلى حالىقتى اۋقاتتاندىرۋ» سىندى ٴۇش ٴىرى ستراتەگياسىنا بەلسەنە ٴۇن قوسىپ، سويىس سيىر كاسىبىن دامىتۋدى سۇيەنىش ەتىپ، مال شارۋاشىلىق ساياحاتى، اۋىل شارۋاشىلىق ساياحاتى، مادەنيەت ساياحاتىن كاسىپ سالالاندىرۋمەن ٴبىر تۇلعالاندىرا دامىتۋدى جەبەپ، ەڭ سوڭىندا «ەگىمشىلىك، باعىمشىلىق + 1 -، 2 -، 3- كاسىپ» ىشكەرىلەي توعىسقان جاسىل اينالمالى كاسىپ تىزبەگىن قالىپتاستىرادى.

شينجياڭ حۋاليڭ ونەركاسىپ - ساۋدا (توبى) شەكتى سەرىكتىگى پارتكومىنىڭ شۋجيى گو شياڭياڭ بىلاي دەدى: «حۋاليڭ توبى بۇل نىساندى اۋىل - قىستاقتى كوركەيتۋدىڭ ۋنيۆەرسالدى تۇلعاسىنا اينالدىرىپ، جەرگىلىكتى شارۋالاردىڭ باسقا سالاعا ويىسىپ، جاڭا تيپتى كاسىپتىك مالشى، ونەركاسىپ جۇمىسشىسنا اينالۋىنا مۇمكىندىك جاساپ، كاسىپتەردى توعىستىرا دامىتۋدىڭ قاتىناسۋشىسى جانە يگىلىكتەنۋشىگە اينالدىرۋمەن بىرگە، توعىزتاراۋ اۋدانىندا ەكولوگيالىق، ەكونوميكالىق، قوعامدىق ونىمدىلىكتە تەڭ يگىلىككە كەنەلەتىن مال شارۋاشىلىق كاسىبىن دامىتۋ جولىن سالۋدى جەبەيدى».

بۇل نىسان توعىزتاراۋ اۋدانىنىڭ ٴداستۇرلى مال شارۋاشىلىق كاسىبىن وسى زامانعى مال شارۋاشىلىق كاسىبىنە ويىستىرىپ، مال شارۋاشىلىعىنىڭ قۇرىلىمىن ساپالىلاندىرىپ، كولەمدەندىرىپ دامىتۋدى تەبىندى تىرەكپەن قامداپ، كەدەيلىكتەن ارىلتۋدان قامال الۋ جەتىستىكتەرىن ۇزدىكسىز بەكەمدەۋ مەن اۋىل - قىستاقتى كوركەيتۋدى ٴونىمدى ۇشتاستىرىپ، شارۋالاردى كىرىسىن ارتتىرىپ، بايۋ جولىنا تۇسۋگە باستاپ، توعىزتاراۋ اۋدانىنىڭ ەكونوميكاسى مەن قوعامىنىڭ دامۋىن جەبەۋدە توتەنشە ماڭىزدى مانگە يە بولادى.

توعىزتاراۋ اۋدانى «ساۋداگەرلەرگە ٴمان بەرۋ، ساۋداگەرلەردى جاقىن تارتۋ، ساۋداگەرلەرگە كومەكتەسۋ» ۇستانىمىن جالعاستىرىپ، نىسان قۇرىلىسىن جان - جاقتى، ساپالى قىزمەت وتەۋمەن قامداپ، كۇش سالا ىلگەرىلەتىپ، نىساننىڭ ەرتەرەك سالىنىپ بولۋىنا، ەرتەرەك وندىرىسكە قوسىلۋىنا، ەرتەرەك ونىمدىلىك جاراتۋىنا كەپىلدىك ەتەدى.