ٴتىلشىمىز لۋ جۇڭ، ەرىكتى ٴتىلشى ۋاڭ ۋىنجيە حابارلايدى. التىن كۇز، 9 ـ ايدا كۇرىش اتىزىنان حوش ٴيىس اڭقيدى، كۇنەس اۋدانى سوربۇلاق قالاشىعى قاق قىستاعىنىڭ 10 مىڭ مۋلىق اتىزىنداعى كۇرىش ورىلۋ الدىندا تۇر.

قاق قىستاعى 1991 ـ جىلى 3 ـ ايدا قۇرىلعان، قىستاقتا جالپى 137 وتباسى، 505 جان بار. قاق قىستاعىنداعى توپىراقتىڭ سىلتىلىك قاسيەتى ٴبىرشاما جوعارى بولعاندىقتان، تەك كۇرىشتىڭ وسۋىنە عانا ۇيلەسەدى. جەرگىلىكتى قىستاق تۇرعىندارى 1985 - جىلدان باستاپ كۇرىش ەككەن. 2020 ـ جىلعا كەلگەندە اتالعان قىستاقتىڭ كۇرىش ەگىلگەن جالپى جەر كولەمى 17 مىڭ مۋ، جالپى ٴونىم مولشەرى 9 مىڭ توننا اينالاسىندا بولىپ، كۇرىش ەگىلگەن جەر كولەمى مەن ٴونىم مولشەرى اۋدان بويىنشا ماڭداي الدىڭعى ورىنعا شىعىپ، كۇنەس اۋدانى جاعىنان «كۇرىش ەگۋدەگى ٴبىرىنشى قىستاق» اتاعى بەرىلگەن.

جاقىنعى جىلداردان بەرى ىلە گازەتى مەكەمەسىنىڭ  «ۇعىسۋ، تيىمدىلىك جاساۋ، توعىستىرۋ» بويىنشا سوربۇلاق قالاشىعى قاق قىستاعىندا تۇراتىن قىزمەت اترەتى مەن قىستاق «ەكى كوميتەتى» كۇرىش ەرەكشە ەگىمشىلىگى ارقىلى كىرىستى ارتتىرىپ، دامۋدى جەبەۋدى توڭىرەكتەپ، جەرگىلىكتىڭ جاعدايىنا قاراي شارا قولدانىپ، بەلسەنە ىزدەنىس جاساپ، ٴداستۇرلى جالاڭ، ۇتىمسىز تيجارات ۇلگىسىن وزگەرتتى. 2020 ـ جىلى 9 ـ ايدا كۇنەس اۋدانىندا ۋيحۋ كۇرىش ەگىمشىلىگى كاسىپتىك سەلبەستىك كووپەراتيۆى قۇرىلىپ، تاپسىرىس فورماسىنداعى ٴوندىرۋ، سەلبەستىك كووپەراتيۆى ٴبىر تۇتاس ساتۋ ارقىلى كووپەراتيۆ مۇشەلەرىن كىرىستى ارتتىرىپ، اۋقاتتانۋعا باستاپ، «كۇنەستەگى كۇرىش ەگۋدەگى ٴبىرىنشى قىستاق» ماركاسىن جاراتتى.

«سەلبەستىك كووپەراتيۆى قۇرىلعاننان كەيىن، ٴبىر تۇتاس ساتۋ ارقىلى كۇرىشتىڭ ساتىلۋ باعاسى جاعىندا اناعۇرلىم كوپ باعاعا كەلىسۋ ۇقىعىنا يە بولدىق، كۇرىشتىڭ ٴار كيلوگرامىنىڭ ساتىلۋ باعاسى 2019 ـ جىلداعىدان 0.3 - 0.4 يۋان جوعارى بولدى. تەك وسى ٴبىر ٴتۇردىڭ وزىنەن بۇكىل قىستاقتاعى كۇرىش ەگەتىن وتباسىلارىنىڭ كىرىسى 2019 ـ جىلداعىدان 2 ميلليون 700 مىڭ يۋان، ٴار وتباسىنىڭ ورتاشا كىرىسى 20 مىڭ يۋان ارتتى» دەدى 9 ـ ايدىڭ 3 ـ كۇنى قاق قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى حۋ چاڭۋىن.

بيىل جىل باسىنان بەرى قىستاقتا تۇراتىن قىزمەت اترەتى مەن قىستاق  «ەكى كوميتەتى»  ەرەكشەلىكتى كورنەكتىلەندىرىپ، كۇرىش ەگۋ كاسىبىن «ٴبىر قىستاقتا ٴبىر ٴونىم بولۋدى» نەگىزگى قامال الۋ باعىتى ەتىپ، كۇرىش ەگىمشىلىگىن ارنايىلاندىرۋ، ەرەكشەلەندىرۋ، ماركالاندىرۋ قۇرىلىسىن كۇش سالا ىلگەرىلەتتى.

«قىستاقتاعى 137 وتباسىنىڭ ىشىندە 85 وتباسى كۇرىش ەگىمشىلىگىمەن شۇعىلدانادى، كۇرىش ەگىمشىلىگى − قاق قىستاعىنىڭ جەتەكشى كاسىبى ٴارى باسىمدىققا يە كاسىبى سانالادى. الايدا قاق قىستاعىنىڭ كۇرىش سورتى جالاڭ ەدى، بيىل قىزمەت اترەتى مەن قىستاق <ەكى كوميتەتى> تۇقىم سورتىن سۇرىپتاپ جەتىلدىرۋ، اتىزدا باسقارۋ سياقتى بۋىنداردان باستاپ ىسكە كىرىسىپ، كۇرىش ساپاسىن جوعارىلاتۋ ارقىلى كۇرىش ەگىمشىلىگى كاسىبىن زورايتتىق، الۋەتتەندىردىك» دەدى قىستاقتىڭ 1 - شۋجيى، قىزمەت اترەتىنىڭ باستىعى لين حاي.

بيىل 36 جاستاعى رىن شۋەميڭ كۇنەس اۋدانى ۋيحۋ كۇرىش ەگۋ كاسىپتىك سەلبەستىك كووپەراتيۆىنىڭ القاسى، ول بيىل 200 مۋ جەرگە كۇرىش ەكتى. ٴوندىرىس ونىمدىلىگىن جوعارىلاتىپ، ەگىمشىلىك وزىندىك قۇنىن تومەندەتۋ ٴۇشىن، رىن شۋەميڭ 60 مىڭ يۋاننان استام قارجى جۇمساپ، وسىمدىك قورعاۋ درون اسپابىن ساتىپ الىپ، ٴوزى پايدالانۋدان سىرت، باسقا ديقانداردىڭ كەڭىستىكتەن قورعاۋ جۇمىسىن دا ىستەپ بەرىپ، 2 ايدان استام ۋاقىتتا 100 مىڭ يۋاننان استام كىرىس كىرگىزدى.

«قاق قىستاعىنداعىلار بۇرىن كۇرىش ەككەندە تۇقىمدى قولمەن شاشاتىن، مۇنىڭ ەڭبەك كۇشەمەلىلىگى، وزىندىك قۇنى جوعارى بولىپ، ورتا ەسەپپەن ٴار مۋ جەردىڭ وزىندىك قۇنى 25 يۋان اينالاسىندا بولاتىن، بيىل سەلبەستىك كووپەراتيۆى 6 وسىمدىك قورعاۋ درون اسپابىن ساتىپ الىپ، ودان پايدالانىپ تۇقىم سەپتى. بۇلاي بولعاندا تۇقىم سەبۋ جۇمىسى قولمەن تۇقىم سەبۋگە قاراعاندا ٴتىپتى دە بىركەلكى بولادى، ونىڭ ۇستىنە جۇمىسشى ىستەتۋ وزىندىك قۇنى مەن كۇرىش تۇقىمىن پايدالانۋ مولشەرىن ازايتادى، كۇرىش پەن تۇقىمدى قولمەن سەبۋگە جۇمسالاتىن وزىندىك قۇننان ٴار مۋ جەردەن 30 نەشە يۋان ۇنەمدەۋگە بولادى» دەدى رىن شۋەميڭ.

كۇرىش سورتىن ساپالىلاندىرۋ ٴۇشىن، بيىل قىزمەت اترەتى مەن قىستاق«ەكى كوميتەتى» كۇنەس اۋدانى ۋيحۋ كۇرىش ەگىمشىلىگى كاسىپتىك سەلبەستىك كووپەراتيۆىمەن بىرلەسىپ، 20 مۋ جوعارى ساپالى كۇرىش سىناق اتىزىن اشىپ، شىعىس سولتۇستىكتەن 16 جاڭا كۇرىش سورتىن ەنگىزدى.

ٴتىلشى كۇرىش تاجىريبە اتىزىنداعى كۇرىش ساباعىنىڭ جۋان، ٴدان ماساعىنىڭ ۇلكەن ەكەنىن كوردى. «كۇرىشتىڭ بۇل جاڭا سورتىنىڭ ساپاسى جوعارى بولۋمەن بىرگە، ٴار كيلوگرامىنىڭ ساتىلۋ باعاسى كونە سورتتى كۇرىشتىڭ باعاسىنان ٴبىر يۋاننىڭ ۇستىندە جوعارى، سىناق رەتىندە ەگۋ جاعدايىنان قاراعاندا، 16 جاڭا سورتتىڭ باسىم كوبىىنىڭ ٴوسۋى جاقسى،  كەلەر جىلى كەڭ كولەمدە جالپىلاستىرىپ ەگەمىز» دەدى حۋ چاڭۋىن.

«سەلبەستىك كووپەراتيۆىنىڭ قۇرىلۋى قاق قىستاعىنىڭ كوپ جىلدان بەرگى كۇرىش ەگىمشىلىگىندەگى ۇتىمسىز ەگۋ سىندى تيجارات ۇلگىسىن وزگەرتتى، كۇرىش ەگۋشىلەر جەكە دارا ەگۋدەن، توپتىق ەگۋگە قاراي دامىدى، قازىر كۇرىش ەگىمشىلىگىمەن شۇعىلداناتىن 58 وتباسى سەلبەستىك كووپەراتيۆىنە مۇشە بولدى، سەلبەستىك كووپەراتيۆى دە «يجيانمەي» تاۋار ماركاسى تىركەۋگە الدىرۋدى  ٴوتىنىش ەتتى، بۇدان كەيىن قاق قىستاعى وسى ماركانىڭ ىقپال كۇشىن ونان ارى جوعارىلاتپاقشى» دەدى لين حاي.