شينجياڭ گازەتىنىڭ حابارى (تىلشىلەر شينجياڭ گازەتى ىلە تىلشىلەر پۋنكتىنەن ما چىڭلۋ، ەرىكتى ٴتىلشى لي رۇڭلي). پارتيا تاريحىن ۇيرەنۋ تاربيەسى ورىستەتىلگەننەن بەرى ىلە قازاق اۆتونوميالى وبلىسى «مەن بۇقارا ٴۇشىن ناقتى ٴىس ىستەيمىن» امالياتتىق قيمىلىن پارتيا تاريحىن ۇيرەنۋ تاربيەسىنىڭ، باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحىن ۇيرەنۋدىڭ، دايەكتىلەندىرۋدىڭ كىرىسۋ ٴتۇيىنى جانە تياناعى ەتىپ، بۇقارا قانداي ماسەلەلەرگە كوڭىل بولسە، نازاردى سول ماسەلەلەرگە شوعىرلاندىرىپ، بۇقارانىڭ ەڭ كوڭىل بولگەن، ەڭ تىكە، ەڭ رەال مۇددە ماسەلەلەرىن دەن قويا، كۇش سالا شەشتى.
قيىن تۇيىندەردى شەشىپ، قوعامنىڭ دامۋىنا دەم بەردى
9 - ايدىڭ 7 - كۇنى قۇلجا قالاسىنىڭ تۇرعىنى شوكىرات ابدۇقيۇم اۆتوكولىگىمەن قۇلجا قالاسى بايياڭ ليجيڭ شاعىن اۋماعى ماڭىنداعى جەدەل جەتكىزۋ تۇيىنىنە جەدەل جولداماسىن العالى كەلگەندە، ٴاپ - ساتتە - اق كولىك توقتاتاتىن ورىن تاۋىپ الدى. «قازىر قالا رايونىنىڭ كوپتەگەن جەرىندە وسىنداي جۇيەلىلەندىرىلگەن اۆتوكولىك توقتاتۋ الاڭى بار، قالا تۇرعىندارىنىڭ كولىك توقتاتۋىنا بارعان سايىن قولايلى بولدى»، - دەدى شوكىرات.
بايياڭ ليجيڭ شاعىن اۋماعى ماڭىندا ساۋدا سارايى، شيپاحانا بار، «كولىك توقتاتۋ قيىن بولۋ» ماڭايداعى ساۋداگەرلەر مەن بۇقارانىڭ شەشۋدى ەڭ قاجەت ەتكەن ماسەلەسى بولىپ كەلگەن ەدى. بيىل جەرگىلىكتى ۇكىمەت وسى اۋماقتا اۆتوكولىك توقتاتۋ ورنىنان 109 ىن وزگەرتىپ، كەڭەيتىپ سالىپ، جاڭادان كوبەيتىپ، قالا تۇرعىندارىنىڭ اۆتوكولىك توقتاتۋ قاجەتىن بارىنشا قاناعاتتاندىردى.
بۇقارا اڭىس ەتكەن اۆتوكولىك توقتاتۋ قيىن بولۋ ماسەلەسىنە مەڭزەس، ىلە وبلىسى ناقتى تەكسەرۋ - زەرتتەۋ جۇرگىزۋ، اڭگىمەلەسىپ پىكىر الماسۋ، حالىق تۇرمىسى ىستىق لەنياسى، ينتەرنەت حات ساندىعى سياقتى تاسىلدەر ارقىلى ينتەرنەت جەلىسىندە جانە جەلىدەن سىرت كەڭ كولەمدە ۇسىنىس - پىكىر الدى. قاتىستى فۋنكتسيالىق تاراۋلار بىرلەسە ارەكەتتەنىپ، بىرگە كۇش سالىپ، 1175 جاڭا ٴداۋىر وركەنيەت امالياتى ورتالىعىن (بولىمشە، پۋنكت) سۇيەنىش ەتىپ، «قىزىل كۇردەكتى باستاۋشىلار» ەرىكتى قىزمەت وتەۋ اترەتىن قۇرىپ، قوعامدىق اۆتوكولىكتەردى تارتىپپەن توقتاتۋعا باستاپ، جەكەلىك اۆتوكولىك، ەلەكترلى موتوتسيكل، ورتاق ۆەلوسيپەد سياقتىلارعا سايكەستى كولىك توقتاتۋ ورنىن شىعارىپ، كولىك تۇمسىعى قاراتىلاتىن سترەلكا بەلگىسى، ٴورت ٴسوندىرۋ كولىگى وتەتىن جەرگە كولىك توقتاتپاۋ بەلگىسى سياقتىلاردى ورناتتى.
3 - ايدان قازىرگە دەيىن ىلە وبلىسى اۆتوكولىك توقتاتۋ الاڭىنان 83 ىن جاڭادان، وزگەرتىپ، كەڭەيتىپ سالىپ، 8 مىڭنان استام كولىك توقتاتۋ ورنىن جاڭادان قوسىپ، بۇقارانىڭ كولىك توقتاتۋ قيىن بولۋ ماسەلەسىن ٴونىمدى شەشتى.
ەلەۋسىز قالعان تۇيىندەردى ٴدال تاۋىپ، حالىق تۇرمىسىن قامتاماسىز ەتۋگە كۇش ۇستەدى
جۇمىستانۋ − ەڭ ۇلكەن حالىق تۇرمىسى. ىلە وبلىسى «ينتەرنەت جەلىسىندە جۇمىسقا قابىلداۋ، جەلىدەن سىرت جەتىلدىرۋ» ۇلگىسىن قولدانىپ، كاسىپورىنداردىڭ «جۇمىسشى قابىلداۋى قيىن بولۋ» جانە ەڭبەكشىلەردىڭ «جۇمىستانۋى قيىن بولۋ» ماسەلەسىن شەشىپ، كوپ جىكتى، ٴار الۋان جۇمىسشى ىستەتۋ تالابىن قاناعاتتاندىرىپ، ٴار ۇلت بۇقاراسىنىڭ تابىس سەزىمىن، باقىت سەزىمىن كۇشەيتتى.
تەكەس اۋدانى بۇكىل اۋداندا اۋىل - قالاشىق ەڭبەك ىستەرىن قامتاماسىز ەتۋ ورنىنان 9 ىن جاڭادان قۇرىپ، كاسىپورىندارعا جانە قىزمەت ىزدەۋشىلەرگە دانەكەر بولدى. جەلىدەن سىرت نەگىزگى ساتى الەۋمەتتىك قىزمەت وتەۋ تۇعىرىن قۇرۋدان تىس، تاعى «جەلىدە نەگىزگى ساتى الەۋمەتتىك قىزمەت وتەۋ تۇعىرىن» قۇرىپ، كاسىپورىنداردىڭ جۇمىسشى قابىلداۋى قيىن بولۋ ماسەلەسىن شەشتى.
6 - ايدىڭ باسىندا تەكەس اۋدانى تەكەس قالاشىعى ازات الەۋمەتتىك اۋماعىنىڭ تۇرعىنى حان ي الەۋمەتتىك اۋماق ادام كۇشى بايلىعى جانە قوعامدىق قامتاماسىزداندىرۋ تۇعىرى ارقىلى تەكەس اۋدانى حىڭتۇڭ حالىقارالىق قوناقجايىنان جۇمىس تاپتى. «قازىر ايىنا 3 مىڭ 500 يۋان ەڭبەكاقى الامىن، مەن وسى قىزمەتىمە توتەنشە رازىمىن»، - دەدى حان ي.
سونىمەن بىرگە، ىلە وبلىسى حالىققا قولايلى قىزمەت وتەۋ ينجەنەرياسىن زور كۇشپەن اتقارىپ، ٴار دارەجەلى ەمدەۋ قۇرىلىمدارىنىڭ ەمدەۋ قىزمەت وتەۋ ورەسىن كۇش سالا جوعارىلاتتى. ىلە وبلىستىق دەنساۋلىق ساقتاۋ، سالاماتتىق جۇيەسى پارتيالى ەمدەۋ قىزمەتكەرلەرىن قىستاقتارعا، الەۋمەتتىك اۋماقتارعا بارىپ تەگىن ەمدەۋ جۇرگىزۋ جانە شيپاگەر جىبەرۋ، ٴدارى - دارمەك جەتكىزۋ، سالاماتتىق جەتكىزۋ قيمىلىن ورىستەتۋگە ۇيىمداستىرىپ، بۇقارانىڭ ەمدەلۋى قيىن بولۋ ماسەلەسىن شەشتى.
بوگەتتەردى اشىپ، حالىققا قولايلى قىزمەت وتەۋدى كۇشەيتتى
9 - ايدىڭ 8 - كۇنى قۇلجا قالاسىنىڭ تۇرعىنى شىن چياڭ ىلە وبلىسى اكىمشىلىك قىزمەت وتەۋ زالىنا كەلىپ، شوفەرلىك كۋالىگىن تەكسەرۋدەن وتكىزدى. «5 مينۋتقا جەتپەيتىن ۋاقىتتا ٴبىتىرىپ بەردى، قىزمەتكەرلەردىڭ پوزيتسياسى دا ەرەكشە جاقسى ەكەن. قازىر بۇقارانىڭ جۇمىس ٴبىتىرۋى بارعان سايىن قولايلى بولدى»، - دەيدى شىن چياڭ.
ىلە وبلىسى نازاردى بۇقارا قاداعالاي كوڭىل ٴبولىپ وتىرعان وقۋ - اعارتۋ، ەمدەۋ، زەينەتكەرلىك، قاتىناس، قالا باسقارۋ سياقتى ماسەلەلەرگە شوعىرلاندىرىپ، قالىڭ پارتيالى كادرلاردى ٴبىرىنشى شەپكە بارىپ پىكىرلەردى تىڭداۋعا، قاجەتتەرىن ۇعىسۋعا، ناقتى ٴىس ىستەۋگە ۇيىمداستىرىپ، بەتپە - بەت جۇمىس ٴبىتىرىپ بەرۋ، ينتەرنەتتە جۇمىس ٴبىتىرۋ سياقتى تاسىلدەردى قولدانىپ، بۇقارانىڭ «شۇعىل، قيىن، ۋايىمداعان، ٴزارۋ» ماسەلەلەرىن دەن قويا، كۇش سالا شەشتى.
سونىمەن بىرگە، اكىمشىلىك قىزمەت وتەۋ، «12345» اكىمشىلىك ىستەر تۇعىرى، اۋدان (قالا) اكىمىنىڭ حات ساندىعى سياقتى دانەكەرلەرگە سۇيەنىپ، بۇقارانىڭ قيىنشىلىق جونىندەگى تالاپ - تىلەكتەرىن، ۇسىنىس - پىكىرلەرىن جيىپ، ماسەلەلەردى شەشۋ ۋاقىت شەگىن ايقىندادى ٴارى جۇمىس ٴبىتىرۋ ناتيجەسىن دەر كەزىندە بۇقاراعا جەتكىزىپ وتىردى. نەگىزدىك قۇرىلعىلار قۇرىلىسى، قورشاعان ورتا تازالىعى، شاعىن اۋماق قوجالىعى، ٴوندىرىس حاۋىپسىزدىگى سياقتى بۇقارا اڭىس ەتكەن قىزۋ ٴتۇيىندى ماسەلەلەر توڭىرەگىندە قاتىستى تاراۋلاردى تياناقتاندىرۋعا، شەشۋگە تاباندا ورنالاستىردى. كەزەكتە ىلە وبلىستىق اكىمشىلىك قىزمەت وتەۋدى باسقارۋ مەكەمەسى 10 ٴتۇرلى ٴىستى «ولكە اتتاپ ٴبىر تۇتاس ٴبىتىرۋدى» جۇزەگە اسىرىپ، «بۇكىل بارىستى ينتەرنەتتە ٴبىتىرۋ»، «باسقا جەردە وكىلەتتى قابىلداۋ، وكىلەتتى تاپسىرۋ» ۇلگىسىن قولدانىپ، كاسىپتىك تاراۋلاردىڭ «ينتەرنەت + اكىمشىلىك قىزمەت وتەۋ» تۇعىرى، شينجياڭ زەردەلى ادام كۇشى بايلىعى جانە قوعامدىق قامتاماسىزداندىرۋ APP ى، مەملەكەتتىك ەمدەۋ قامسىزداندىرۋىنا قىزمەت وتەۋ APP ى سياقتى كوپ ٴتۇرلى قولايلى ارنالار ارقىلى جۇمىس ٴبىتىرۋشى كاسىپورىنداردىڭ جانە بۇقارانىڭ باسقا جەردە جۇمىس بىتىرگەندە «كوپ جەرگە شاپقىلاۋ»، «قايتا شاپقىلاۋ» سياقتى ماسەلەلەرىن ٴونىمدى شەشتى.
ىلە وبلىستىق پارتكوم پارتيا تاريحىن ۇيرەنۋ تاربيەسى باسشىلىق گرۋپپاسى كەڭسەسى امالياتتىق قيمىل گرۋپپاسىنىڭ ورىنباسار باستىعى شىن يۇيرۋ بىلاي دەدى: ەندىگى قادامدا ىلە وبلىسى «مەن بۇقارا ٴۇشىن ناقتى ٴىس ىستەيمىن» امالياتتىق قيمىلىن ۇزدىكسىز ىشكەرىلەي ىلگەرىلەتەدى، كەزەكتە ىلە وبلىسى «ىلە وبلىستىق پارتكومنىڭ <مەن بۇقارا ٴۇشىن ناقتى ٴىس ىستەيمىن> امالياتتىق قيمىلىنا رازىلىعىن تەكسەرۋ - باعالاۋدى» جانە تەكسەرۋ ساۋالناماسىن ازىرلەپ، بۇقارانىڭ وسى قىزمەت تۋرالى ۇسىنىس - پىكىرلەرىن الۋدا تاعى ٴبىر رەت ۇسىنىس - پىكىر جيناۋ، رەتتەۋ ارقىلى بۇقارا ٴۇشىن ناقتى ٴىس ىستەۋ ٴتىزىمىن تولىقتىرىپ، بۇقارا كوڭىل ٴبولىپ وتىرعان حالىق تۇرمىسىنا قاتىستى ٴبىرسىپىرا ىستەردى كۇشتى شوعىرلاندىرا وتىرىپ شەشەدى.