ەرىكتى ٴتىلشى لي جياۋجياۋ حابارلايدى. نەگىزگى ساتىنىڭ پارتيا قۇرىلىسى قىزمەت ورەسىن جوعارىلاتىپ، پارتيا تاريحىن ۇيرەنۋ تاربيەسىن تەرەڭدەتىپ، پارتيا مۇشەلەرىنىڭ ەرىكتى قىزمەت وتەۋ قيمىلىن جەبەۋ ٴۇشىن 9 - ايدىڭ 17 - كۇنى تۇستەن كەيىن اۆتونوميالى رايوندىق پارتكومنىڭ پارتيا تاريحىن ۇيرەنۋ تاربيەسى قيمىلىنا ارالاپ جەتەكشىلىك ەتۋ 1 - گرۋپپاسى، وبلىستىق پارتكوم پارتيا مەكتەبى (اكىمشىلىك شۋەيۋانى) مەن ٴدوڭمالى ٴمالى باسقارماسىنىڭ شينحۋا باتىس داڭعىلى الەۋمەتتىك اۋماعىمەن بىرگە، الەۋمەتتىك اۋماقتىڭ مادەنيەت اۋلاسىندا «<1 - شىلدەدەگى> ماڭىزدى ٴسوزدىڭ رۋحىن ۇيرەنىپ، ارشىندى قاداممەن تىڭ جورىققا اتتانۋدان ۇلى كۇش قابىلدايىق» اتىنداعى ەرىكتى قىزمەت وتەۋ ۇگىت - لەكسيا قيمىلىن وتكىزدى.

اۆتونوميالى رايوندىق پارتكومنىڭ پارتيا تاريحىن ۇيرەنۋ تاربيەسى قيمىلىنا ارالاپ جەتەكشىلىك ەتۋ 1 - گرۋپپاسىنىڭ باستىعى گاۋ جيانلۇڭ پارتيانىڭ 100 جىلدىق شۇعىلالى كۇرەس جۇرگىزگەن تاريحي بارىسىن تياناق ەتىپ، باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحىمەن ۇشتاستىرىپ، «جۇڭگو كوممۋنيستىك پارتياسى نە ٴۇشىن ىسكەر، ماركسيزم نە ٴۇشىن جارامدى، جۇڭگوشا سوتسياليزم نە ٴۇشىن جاقسى» سياقتى جاقتاردان تەرەڭ ويدى تۇسىنىكتى تىلمەن جەتكىزگەن ۇگىت - لەكسيا جاساپ، بارشا پارتيا مۇشەلەرىن دۇرىس تاريح كوزقاراسىن ورناتىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى ورىنداۋعا» جەتەكتەدى.

شينحۋا باتىس داڭعىلى الەۋمەتتىك اۋماعىنىڭ تۇرعىنى ۋىن شىحۇڭ بيىل 94 جاستا، 68 جىلدىق پارتيا ستاجىنا يە. ول بىلاي دەدى: «ٴبىزدىڭ تۇرمىسىمىزداعى وراسان زور وزگەرىستەر − جۇڭگو كوممۋنيستىك پارتياسىنىڭ دانا باسشىلىعىنىڭ ارقاسى. بۇل ۇگىت - لەكسيا قيمىلى وتە كەرەمەت بولدى، مەن پارتيالىلق قاسيەتىمدى ماڭگى ساقتايمىن».

ەرىكتى قىزمەت وتەۋ ۇگىت - لەكسيا قيمىلىنا قاتىناسقان پارتيا مۇشەلەرى ٴبىر اۋىزدان بىلاي دەدى: قىزىل قان تامىردى ۇزدىكسىز جالعاستىرىپ، ۇلى پارتيا قۇرۋ رۋحىن ساۋلەلەندىرىپ، جاڭا داۋىردەگى تىڭ جورىقتىڭ داۋىرلىك داستانىن ۇزدىكسىز جالعاستىرىپ جازامىز.

قيمىل بارىسىندا وبلىستىق پارتكوم پارتيا مەكتەبى (اكىمشىلىك شۋەيۋانى) ورگان كوميتەتى مەن شينحۋا باتىس داڭعىلى الەۋمەتتىك اۋماعى پارتيا ياچەيكاسىمەن پارتيا قۇرىلىسىن بىرگە كوركەيتۋ كەلىسىمىن جاساسىپ، ەكى جاقتىڭ بىرگە جەبەپ، بىرگە ىلگەرىلەتۋىن پارمەندى ۇيىمدىق كەپىلمەن قامتاماسىزداندىردى.

ۇگىت - لەكسيا قيمىلى اياقتاعاننان كەيىن اۆتونوميالى رايوندىق پارتكومنىڭ پارتيا تاريحىن ۇيرەنۋ تاربيەسى قيمىلىنا ارالاپ جەتەكشىلىك ەتۋ 1 - گرۋپپاسى مەن وبلىستىق پارتكوم پارتيا مەكتەبى (اكىمشىلىك شۋەيۋانى) ورگان كوميتەتى شينحۋا باتىس داڭعىلى الەۋمەتتىك اۋماعىنىڭ 30 كادرى مەن ساقا پارتيا مۇشەسىنە امانداسا بارىپ، حال سۇراپ، ولارعا ايكۇلشە، جەمىس - جيدەك سياقتى مەرەكەلىك تارتۋ ۇسىندى.