ٴتىلشىمىز جاڭ جينفىڭ حابارلايدى. 9 - ايدىڭ 20 - كۇنى قۇلجا قالاسى قارا ٴدوڭ اۋىلى جىرعالاڭ قىستاعىنان قىپ - قىزىل بولىپ پىسىپ، ورۋ مەزگىلىنە وتكەن كاۋلەن اتىزىن كوردىك.

جىرعالاڭ قىستاعىنىڭ اتى سىبىرتكى تۇيۋمەن الىس - جۋىققا تانىلعان. قىستاق تۇرعىنى احىمەت احات بىلاي دەدى: ورىلعان كاۋلەندى اتىز باسىندا ٴتورت - بەس كۇن كەپتىرگەننەن كەيىن ۇيگە تاسىپ الامىز دا، قىستا قول بوساي قالعان كەزدە سىبىرتكى تۇيەمىز.

احىمەت وتكەن جىلى 20 مۋ جەرىنە بۇكىلدەي كاۋلەن ەگىپ، 40 مىڭ يۋان اقشا تاپقان. بيىل ول تاعى 30 مۋ جەردى كوتەرمەگە الىپ، كاۋلەن ەكتى، تۇرمىستارى جىلدان - جىلعا جاقسارۋدا.

قىستاق تۇرعىنى يليار راحىمەتتىڭ ۇيىندە 7 جان بار، ولار 15 مۋ جەرگە كاۋلەن ەككەن. ول قىستا جىرعالاڭ قىستاعىنداعى حۇڭسۇي شارۋالار سىبىرتكى كاسىبى سەلبەستىك كووپەراتيۆىندە قىزمەت ىستەيدى، ٴبىر سىبىرتكىنى 2 يۋان 50 فىنمەن تۇيگەندە، كۇنىنە 150 يۋان دا 200 يۋان اقشا تابادى. قازىر ول 80 شارشى مەترلىك بەيقۇت ۇيدە تۇرادى، جەڭىل اۆتوكولىك تە ساتىپ الدى.

جىرعالاڭ قىستاعى بويىنشا جالپى 6 مىڭ مۋ جەرگە كاۋلەن ەگىلگەن، بۇدان جىلىنا ٴبىر ميلليون 200 مىڭ دانا سىبىرتكى تۇيىلەدى. «2016 - جىلى قىستاعىمىزدا سەلبەستىك كووپەراتيۆى قۇرىلعاننان كەيىن، سىبىرتكى كاسىبىندە قامداۋ - ساتۋ  تىزبەگى قالىپتاستى»، - دەيدى حۇڭسۇي شارۋالار سىبىرتكى كاسىبى سەلبەستىك كووپەراتيۆىنىڭ جاۋاپتىسى ٴابدۋالي ٴالي.

كاۋلەن ورۋ              ٴتىلشىمىز جاڭ جينفىڭ