ٴتىلشىمىز دۋ لەي حابارلايدى. «قازىر كوپشىلىك ٴبىر ـ بىرىمەن بيىل سەن 50 مىڭ يۋان تاپساڭ، ال مەن سەنەن اسىپ تۇسەمىن دەپ باسەكەلەسە اۋقاتتانۋ جولىنا تۇسۋدە، ولاردىڭ كەيبىرى جۇمىس تاۋىپ ىستەسە، ال كەيبىرى كاسىپ سالاسىن دامىتۋدا»، - دەدى 9 ـ ايدىڭ 16 ـ كۇنى چاپچال سىبە اۆتونوميالى اۋدانى اسىل تۇقىمدى قوي فەرماسى اۋماعىن باسقارۋ كوميتەتى بايىن الەۋمەتتىك اۋماعى پارتيا ياچەيكاسىنىڭ شۋجيى ۋاڭ جۇڭشۇي. 

بۇرىن وسى الەۋمەتتىك اۋماقتاعىلاردىڭ «كۇتىپ وتىرۋ، يەك سۇيەۋ، الاقان جايۋ» يدەياسى اۋىر بولاتىن دا، ٴوندىرىستى دامىتۋعا، سىرتقا شىعىپ جۇمىس ىستەۋگە  زاۋقى سوقپايتىن، وسىلايشا 2017 ـ جىلى الەۋمەتتىك اۋماقتىڭ جان باسىندىق كىرىسى  8 مىڭ 900 يۋان عانا بولدى. 

الەۋمەتتىك اۋماق پارتيا ياچەيكاسى مەن «ۇعىسۋ، تيىمدىلىك جاساۋ، توعىستىرۋ» بويىنشا الەۋمەتتىك اۋماقتا تۇراتىن قىزمەت اترەتى شارۋالار كەشكى مەكتەبى سياقتىلاردان پايدالانىپ، تۇرعىندارعا پارتيانىڭ حالىققا تيىمدىلىك جاساۋ ساياساتىن جاپپاي ۇگىتتەگەندىكتەن، قازىر الەۋمەتتىك اۋماقتا ۇزاق ۋاقىت ورنىقتى جۇمىستانعاندار سانى 300 دەن استى. 

بايىن الەۋمەتتىك اۋماعى پارتيا ياچەيكاسى ەگىنشىلىك قۇرىلىمىن كۇرىش ەگۋدەن جۇگەرى، ٴبيداي سياقتى داقىلداردى ەگۋگە رەتتەگەندىكتەن، قىستاق تۇرعىندارىنىڭ مۋ باسىندىق ورتاشا كىرىسى 704 يۋان ارتتى. بۇدان سىرت، وسى الەۋمەتتىك اۋماق باعىمشىلىق شاعىن رايونىن قۇرىپ، 700 باس سيىرى بار باعىمشىلىق كولەمىن قالىپتاستىردى.

الەۋمەتتىك اۋماق تۇرعىنى حۋاڭ دىرىن بۇرىن كۇرىش ەگۋدى نەگىز ەتكەن، مۋ باسىنان ورتا ەسەپپەن 300 كيلوگرام عانا ٴونىم الاتىن. 2019 ـ جىلى ول الەۋمەتتىك اۋماقتىڭ ەگىنشىلىك قۇرىلىمىن رەتتەۋ اياق الىسىنا ىلەسىپ، 80 مۋ جەردى كوتەرمەگە الىپ جۇگەرى ەگىپ، سول جىلى 60 مىڭ يۋان كىرىس كىرگىزدى. 

ۋاڭ جۇڭشۇي بىلاي دەدى: «2011 ـ جىلى الەۋمەتتىك اۋماق ولشەمدەنگەن 30 قورا سالىپ، باعىمشىلىق شاعىن رايونىن قۇردى، كەيىن قىستاق تۇرعىندارى وزدەرى قارجى توپتاپ، باعىمشىلىق شاعىن رايونىندا 23 ولشەمدەنگەن قورا سالدى، بىلتىر الەۋمەتتىك اۋماق 2 ميلليون 350 مىڭ يۋان كىرىس كىرگىزىپ، 7 جوعارى ولشەمدى قورا سالدى».

ۋاڭ جۇڭشۇي: «2020 ـ جىلى بايىن الەۋمەتتىك اۋماعىنىڭ جان باسىندىق كىرىسى 18 مىڭ 100 يۋانعا، قىستاقتىڭ كوللەكتيۆ كىرىسى 461 مىڭ 500 يۋانعا جەتتى»، - دەدى.