باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
توعىزتاراۋ اۋدانى جەلىلەس قيمىل وتكىزىپ، مول ٴونىمدى قۇتتىقتادى
2021-09-30 16:06:03     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

    ٴتىلشىمىز جاڭ لياڭ توعىزتاراۋدان حابارلايدى. 9 - ايدىڭ 23 - كۇنى توعىزتاراۋ اۋدانىنىڭ كوبەلەك كول باقشاسىندا ٴار ۇلت جۇرتشىلىعى اسقاقتاتا ٴان شىرقاپ، بۇرالا بيگە باسىپ، «پارتياعا ماڭگى ىلەسەمىز» اتىنداعى بۇقارالىق سيپاتتى نەگىزگى تاقىرىپتىق ۇگىت - تاربيەسى جانە مول ٴونىم مەرەكەسىن قۇتتىقتاۋ قيمىلىن ورىستەتتى. 

ۇعىسۋىمىزشا، بۇل رەتكى قيمىل ٴان - ٴبي كوركەمونەر ويىن ٴنومىرى، «اۋىل - قىستاقتى گۇلدەندىرۋ − توعىزتاراۋدا مول ٴونىم» اتىنداعى حاتكەرلىك جانە سىزبا سۋرەت جاسامپازدىعى كورمەسى، «پارتياعا ايتارىم بار» تاقىرىبىنداعى ادەبي تۋىندىلاردى سيلاۋ سياقتىلاردى قامتىعان.

التىن كۇز، 9 -اي، مول ٴونىم ايى، 9 - ايدا توعىزتاراۋ اۋدانىنىڭ ٴتۇرلى ەگىس داقىلدارى دەرلىكتەي كۇزگى جيىن - تەرىن كەزەڭىنە ٴوتتى. توعىزتاراۋ اۋداندىق اۋىل شارۋاشىلىعى، اۋىل - قىستاق مەكەمەسىنىڭ باستىعى نۇرسيپات ومارعالي ۇلى مىنانى ٴبىلدىردى: كۇزگى جيىن - تەرىنگە بۇكىل اۋدانىمىز ساقاداي ساي بولدى، كۇزگى جيىن - تەرىن مەزگىلىندەگى ٴوندىرىس حاۋىپسىزدىگى ۇگىت - تاربيەسى قيمىلىن ورىستەتتىك ٴارى قىرۋار اۋىل شارۋاشىلىعى ماشينالارىن ىسكە قوسىپ، قاتىستى قامتاماسىزداندىرۋ قىزمەتىن ويداعىداي ىستەدىك. 

ٴتىلشى اۋىل شارۋاشىلىق ونىمدەرى جارمەنكە تەكشەسىنەن كوپتەگەن اۋىل شارۋاشىلىق كاسىپورىندارىنىڭ ەرەكشەلىككە يە ونىمدەرىن كوردى. جاقىنعى جىلداردان بەرى توعىزتاراۋ اۋدانى ساۋداگەر شاقىرىپ، قارجى ەنگىزۋ تەبىنىن ۇزدىكسىز ارتتىرۋىنا ساي، كوپتەگەن اۋىل شارۋاشىلىق كاسىپورىندارىنىڭ جەرگىلىكتى ەرەكشەلىككە يە اۋىل شارۋاشىلىق ونىمدەرىنە ىقىلاسى اۋدى. كوپتەگەن اۋىل شارۋاشىلىق كاسىپورنىنا ەنگىزدى. مىسالى: ازىقتىق جۇگەرى مانەرلەۋ، ٴسۇت ونىمدەرىن جىنتىكتەي مانەرلەۋ، ەت ونىمدەرىن بولشەكتەپ قالتالاۋ سياقتى نىساندار كاسىپورىنداردى جەدەل دامىتىپ، ەگىنشى - مالشىلاردىڭ ەگىمشىلىك، باعىمشىلىق بەلسەندىلىگىن جوعارىلاتىپ، جەرگىلىكتى ورىنداعى بوس ەڭبەككۇشتەردىڭ جۇمىستانۋ ماسەلەسىن شەشتى. 

قيمىلدا توعىزتاراۋ اۋدانى «جاقسى» ساۋدا شەكتى سەرىكتەستىگىنىڭ ونىمدەرىن كورمەگە قويعان لي ياڭ بىلاي دەدى: «مەن تاستوبە اۋىلىنىڭ ەگىنشىسىمىن، ۇيىمىزدەگى 8 مۋ جەردى ٴبىر تۇتاس وتكەرمەلەپ بەرگەننەن كەيىن وسى سەرىكتەستىككە قىزمەتكە ورنالاستىم، ايىنا 4 مىڭ يۋاننان استام ەڭبەكاقى الامىن. بيىل وتباسىمىزدىڭ كىرىسى ارتتى، بۇعان توتەنشە قۋانىشتامىن».

قيمىل ورنىنداعى «اۋىل - قىستاقتى گۇلدەندىرۋ − توعىزتاراۋدا مول ٴونىم» حاتكەرلىك جانە سىزبا سۋرەت جاسامپازدىعى كورمەسى دە بۇقارانى باۋرادى.