انار بۇلت / شينجياڭ گازەتىنىڭ ءتىلشىسى يۇي شي 10 - ايدىڭ 2 - كۇنى ۇرىمجىدەن حابارلايدى. مەملەكەت مەرەكەسى مەزگىلىندە ىندەتتەن ساقتانۋ - تىزگىندەۋدى ۇدايىلاندىرۋدى جاقسى ىستەۋ العى شارتىندا، رايونىمىزدىڭ جەر - جەرى تاۋارمەن قامداۋ تەبىنىن كۇشەيتتى، بازاردا قامداۋ ارتىپ، تۇتىنۋ مولايدى.

　　10 - ايدىڭ 2 - كۇنى تۇستەن بۇرىن ءتىلشى ءۇرىمجى قالاسى دوستىق سولتۇستىك جولىنا ورنالاسقان دوستىق ساۋدا سارايىنان زات سورەسىنە سىقاي تىزىلگەن تاۋارلاردىڭ كوز سۇرىندىرەتىندىگىن، نە كەرەكتىڭ ءبارى تابىلاتىندىعىن كوردى. ەرەن بازاردا ەت، ءۇي قۇستارى، بالىق، جۇمىرتقا، كوكونىستىڭ ءبارى بار، قىزمەتكەرلەر زات تاسىپ، بۇيىمداردى ءتىزىپ، قوراپتاپ، ولشەپ، قاربالاس ءجۇر. ساۋدا سارايى مەزگىلگە قاراي شىعارىلاتىن تاۋارلاردى، سەرۋەندىك تاۋارلاردى شوعىرلى كورمەگە قويىپ ساتۋ، تيىمدىلىك جاساپ ارزانداتۋ سياقتى قيمىلداردى ورىستەتىپ، كوپتەگەن قالا تۇرعىندارىن زات ساتىپ الۋعا باۋرادى.

　　سول كۇنى تۇستەن كەيىن ءتىلشى شينجياڭ ليڭچيڭ كوكونىس، جەمىس - جيدەك تولايىم ساتۋ بازارىنا كىرگەندە، كوكونىس، استىق - ماي، قوسىمشا ازىق - تۇلىكتەر سياقتى زات قاينارىنىڭ تولىق ەكەندىگىن كوردى. تۇرپان سياقتى جەرلەردەن جەمىس - كوكونىس اكەلگەن اۆتوكولىكتەر تارازىعا سالۋعا ءيىن تىرەسە ءتىزىلىپ تۇر. بازار كوپ ءتۇرلى جولمەن زات قاينارىن ۇيىمداستىرىپ، استىق - ماي، كوكونىس، جەمىس - جيدەك سياقتى تۇرمىستىق قاجەتتى بۇيىمدارمەن قامداۋدى قامتاماسىز ەتتى.

　　قاشقار ايماعى، حوتان ايماعى، اقسۋ ايماعى زات قاينارىن ۇيىمداستىرۋ، بازاردا ساتۋ سياقتى شەشۋشى بۋىنداردى ءجىتى قاداعالاپ، استىق - ماي، كەپتىرىلگەن جەمىس، پراندىك - كۇلشە، سيىر، قوي ەتى، سۋ ونىمدەرى سياقتى تۇرمىستىق زاتتىق ماتەريالدارمەن قامتاماسىز ەتۋ تەبىنىن كۇشەيتىپ، بازار قامداۋىنىڭ جەتكىلىكتى بولۋىنا شىنايى كەپىلدىك ەتتى. ءۇش جەردەگى ساۋدا سارايلارى، ەرەن بازارلار، تاعامجايلار، تولايىم ساتۋ بازارلارى سياقتى ءتۇرلى ءىرى تاۋار اينالىمى كاسىپورىندارىنىڭ قامداۋى مەن سۇرانىسى بىردەي مول بولدى. اۋات اۋدانىندا ءارقايسى ءىرى ساۋدا سارايلارىندا، ەرەن بازارلاردا، اۋىل شارۋاشىلىق جانە كومەكشى كاسىپ ونىمدەرى بازارلارىندا، ەت، ءۇي قۇستارى، جۇمىرتقا، ءسۇت، پراندىك - كۇلشە، قانت - شاي قاتارلى تاۋارلار سورەلەرگە سىقاي تولتىرىلعان، ءارقايسى ساۋدا ورىندارى جاپا - تارماعاي ەلەكتروندى كورسەتپەلى ەكران، ۇگىت كەرمە تۋى سياقتىلار ارقىلى مەرەكەنى قۇتتىقتاۋ بايلانىسىمەن جاسالعان تيىمدىلىك قيمىلدارىن ۇگىتتەدى. ”مەملەكەت مەرەكەسى دەمالىسىندا، ءبىز زات ەنگىزۋ ارناسىن كەڭەيتتىك، سيىر، قوي ەتى، جەمىس - جيدەك، كوكونىس، پراندىك - كۇلشە سياقتىلاردىڭ زاپاس قورى ％30 ارتتى“، - دەدى اۋات اۋدانى جينچياۋ ەرەن بازارى ازىق - تۇلىك ءبولىمىنىڭ باسقارۋشىسى لي رۇيلي.