ءتىلشىمىز حان شاشا حابارلايدى. وبلىستىق پارتكوم ۇگىت ٴبولىمى ۇيىمداستىرعان، وبلىستىق اقپارات قىزمەتكەرلەرى قوعامى، ىلە راديو-تەلەۆيزيا ستانسياسى مىندەتىنە الىپ وتكىزگەن اۆتونوميالى وبلىستىڭ 8 - كەزەكتى اقپارات شەبىندەگى «مايتالمان ٴتىلشىنىڭ مايەكتى اڭگىمەسى» تاقىرىبىنداعى لەكسيا جارىسى 9 - ايدىڭ 29 - كۇنى ىلە راديو - تەلەۆيزيا ستانسياسىنىڭ كونسەرت زالىندا بولىپ ٴوتتى. وبلىسقا توتە قاراستى ورىندارداعى اقپارات شەبىنەن كەلگەن 13 تاڭداۋلى اقپارات قىزمەتكەرى قاراپايىم دا اسەرلى تىلمەن وزدەرىنىڭ ٴبىرىنشى شەپتە تىلشىلىك ىستەۋ بارىسىنداعى مايەكتى اڭگىمەلەرىن ٴبولىستى.

جارىسقا قاتىناسقاندار نەگىزگى تاقىرىپتى توڭىرەكتەپ، تىلشىلىك بارىسىن بايانداپ، اسەرىن اڭگىمەلەپ، ٴار سالا، ٴار كاسىپتەگى قۋانارلىق وزگەرىستەر مەن اقپارات قىزمەتكەرلەرىنىڭ «ٴتورت ٴتۇرلى قابىلەتتى» امالياتتا ايگىلەۋ، مىندەت اتقارىپ، جاۋاپكەرلىكتى ادا ەتۋ تاماشا وبرازىن ايگىلەدى. ولاردىڭ تارتىمدى اڭگىمەسىندە اۋىل ٴيىسى اڭقىپ، وتانعا سۇيىسپەنشىلىك بەينەلەنىپ،ٴداۋىر تىنىسى ايگىلەنىپ، سەنىم كۇش - قۋاتى تاسقىنداپ، قوعامعا وڭ ەنەرگيا تاراتۋ ەرەكشەلىگى كورنەكتىلەنگەن.

جارىسقا قاتىناسقان شەبەرلەردىڭ رياسىز جۇرەك ٴۇنى ادامدى اسەرلەندىرەدى. قيانكەسكى باسەكە ارقىلى وبلىسقا توتە قاراستى ورىنداردان كەلگەن 13 شەبەر 1 -، 2 -، 3 - دارەجەلى سيلىققا جانە ۇزدىك سيلىعىنا يە بولدى.

مايتالمان تىلشىلەردىڭ مايەكتى اڭگىمەسى − نەگىزگى ساتىعا، بۇقارا اراسىنا ىشكەرىلەي بارعانداعى شىنايى اڭگىمەلەر ٴارى كاسىپتىك ٴمورالدان جازباي، مىندەت اتقارىپ، جاۋاپكەرلىكتى ادا ەتىپ، كاسىپتى قاستەرلەگەن اڭگىمەلەر. «وسىناۋ مەيىرىمدى قارت ىلەلىكتەردىڭ ماقتانىشى، ٴتىپتى، شينجياڭدىقتاردىڭ ماقتانىشى...». ىلە راديو - تەلەۆيزيا ستانسياسىنىڭ ٴتىلشىسى ساي ۋىننىڭ «قارت ياچەيكا شۋجيىنىڭ وتانعا سۇيىسپەنشىلىگى» تاقىرىبىنداعى اڭگىمەسى باس شۋجي شي جينپيڭنىڭ مامەتجان ومەرگە «1 - شىلدە» وردەنىن بەرگەن كەزدەگى سۋرەتپەن باستالادى. وندا نەشە ونداعان جىلدار بويى مامەتجان ومەردىڭ جەتەكشىلىگىندە قۇلجا اۋدانى ونيار قالاشىعى بولەكەي قىستاعىنىڭ كوللەكتيۆ ەكونوميكاسى ۇزدىكسىز قوردالانعانى، قىستاق تۇرعىندارىنىڭ باقىتتى دا باياشاتتى تۇرمىسى، ٴار ۇلت بۇقاراسىنىڭ ٴبىرٴۇيلى جانداي تاتۋ ٴوتىپ جاتقاندىعى اسەرلى باياندالعان.

جارىسقا قاتىناسقان ىلە گازەتىنىڭ ٴتىلشىسى ما چىڭلۋ − 90 - جىلداردىڭ تۇلەگى. ول اۆتونوميالى وبلىستىڭ جوعارى قارقىندىق تاس جولى ٴجۇز شاقىرىمدىق جاسىل ٴدالىزىنىڭ «ٴبىرىنشى قول» ينجەنەرياسىنان كوز جازباي ٴۇرتىس تىلشىلىك ىستەگەندەگى كورگەن - بىلگەندەرىن قاراپايىم تىلمەن جەتكىزدى. ول: «بۇگىنگى لەكسيا جارىسى مەن جونىنەن سايىس، ٴتىپتى، شابىت ەسەپتەلەدى. بۇل مەنى مۇرات - سەنىمدى ٴتىپتى دە بەكەمدەپ، اۋەلگى ماقسات پەن بورىشتى ٴتىپتى دە ەستە بەرىك ساقتاۋعا جەتەكتەدى. مەن تىلشىلىك كاسىپتەن توتەنشە كوپ نارسەگە يە بولدىم، بايابان دالانىڭ بارلىق جەرىنە ٴىزىمدى قالدىرىپ، قالام ارقىلى ٴداۋىر وزگەرىسىن ەستەلىككە الۋدى، قىزۋ ىنتامەن ىلەنىڭ حيكاياسىن تارتىمدى اڭگىمەلەۋدى ۇيرەندىم. الداعى جەردە اقپارات شىندىعىنا، بۇقاراعا ٴتىپتى دە جاناسقاندا عانا ٴبىز ۇلى ٴداۋىردىڭ قادامىنا ىلەسە الامىز، ىلەنىڭ ٴاربىر تارتىمدى حيكاياسىنان قاعىس قالمايتىن بولامىز» دەدى.

وبلىستىق پارتكوم ۇگىت ٴبولىمى اقپاراتتىق ۇگىت - تاربيە باسقارماسىنىڭ كادرى ياڭ پيڭپيڭ بىلاي دەدى: «لەكسيا قيمىلىن جوبالاۋدان جارىسقا دەيىنگى ٴبىر ايدا وبلىسقا توتە قاراستى اۋدان - قالالاردان كەلگەن اقپارات قىزمەتكەرلەرى تولىق دايىندالدى، بەينەسى تاماشا بولدى، تۇتاس وبلىستاعى اقپارات قىزمەتكەرلەرىنىڭ  وسى جولعى جارىستا اعالاپ العا شىققان مايتالمان تىلشىلەر مەن تاماشا اڭگىمەلەردە ايتىلعان كەيىپكەرلەردى ۇلگى تۇتىپ، پارتيانىڭ اقپارات - قوعامدىق پىكىر قىزمەتىنىڭ جاۋاپكەرلىگى مەن بورىشىن ەستە بەرىك ساقتاپ، نەگىزگى ساتىنىڭ ٴبىرىنشى شەبىن <ٴتورت ٴتۇرلى قابىلەتتى> امالياتتا ايگىلەيتىن تياناق ەتىپ، پارتيانىڭ اقپارات ىستەرى ٴۇشىن كۇش - قۋاتىن ارناۋىن ٴۇمىت ەتەمىن».