باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
قورعاس قالاسى بارلىق ادامعا 4 - رەتكى حىسۋان تەكسەرۋدى باستادى
2021-10-12 11:48:49     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

شينجياڭ گازەتىنىڭ حابارى (ٴتىلشى سۋ لۋپيڭ). 10 - ايدىڭ 7 - كۇنى تۇستەن كەيىن ىلە قازاق اۆتونوميالى وبلىستىق حالىق ۇكىمەتى اقپارات كەڭسەسى اقپارات جاريالاۋ ٴماجىلىسىن اشىپ، ىلە وبلىسىنىڭ (بيڭتۋان 4 - شىسىن قامتيدى) ىندەتتەن ساقتانۋ - تىزگىندەۋ قىزمەتىنىڭ ەڭ جاڭا اياق الىسىن حابارلادى. ماجىلىستە ىلە وبلىستىق دەنساۋلىق ساقتاۋ، سالاماتتىق كوميتەتى پارتگرۋپپاسىنىڭ شۋجيى چىن جىڭ ىلە وبلىسىنىڭ حىسۋان تەكسەرۋ جاعدايىن حابارلادى.

10 - ايدىڭ 3 - كۇنى قورعاس قالاسى اۋرۋ بەلگىسى جوق 2 جۇعىمدالۋشىنىڭ بايقالعاندىعىن مالىمدەگەننەن كەيىن ىندەتتىڭ تارالۋىنان، ورشۋىنەن باتىل ساقتانۋ ٴۇشىن ىلە وبلىسى شۇعىل جاعدايعا توتەپ بەرۋ دايىندىق جوباسىن ىسكە قوسىپ، «ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ» تالابى بويىنشا، بارلىق ادامعا حىسۋان تەكسەرۋ قىزمەتىن دەر كەزىندە ورىستەتىپ، ۇلگى الۋ قىزمەتكەرلەرىن، تەكسەرۋ قۇرىلىمىن، تاسىمالداۋ اۆتوكولىگىن عىلمي ورنالاستىرىپ، ۇلگى الۋ، تاسىمالداۋ، تەكسەرۋ قىزمەتىن سايكەستىرۋدى بارىنشا ساپالىلاندىردى. 

ىلە وبلىسى 10 - ايدىڭ 5 - كۇنى جانە 10 - ايدىڭ 7 - كۇنى 1 -، 2 - رەتكى حىسۋان تەكسەرۋدى اياقتادى، 10 - ايدىڭ 5 - كۇنى قورعاس قالاسىندا 1 ادامنىڭ تەكسەرۋ ناتيجەسى بولىمدى بولۋدان سىرت، بارلىعىنىڭ بولىمسىز بولعاندىعى مالىمدەلدى. 10 - ايدىڭ 5 - كۇنى قورعاس قالاسى بارلىق ادامعا 3 - رەتكى حىسۋان تەكسەرۋدى باستادى، 10 - ايدىڭ 6 - كۇنى ساعات 19 عا دەيىن بارلىق تەكسەرۋ ناتيجەسى بولىمسىز بولدى. كەزەكتە قورعاس قالاسى بارلىق ادامعا 4 - رەتكى حىسۋان تەكسەرۋ قىزمەتىن باستادى.