ٴتىلشىمىز لي شين - ان حابارلايدى. بيىل 10 - ايدىڭ 1 - كۇنى − جۇڭحۋا حالىق رەسپۋبليكاسى قۇرىلعاندىعىنا 72 جىل تولعان كۇن. اۆتونوميالى وبلىستاعى جانە  قۇلجا قالاسىنداعى ٴار ۇلت، ٴار سالا ۋاكىلدەرى مەن وقۋشىلار ۋاكىلدەرى قۇلجا قالاسى چيساي الاڭىنا جينالىپ، جاۋىپ تۇرعان جاڭبىرعا قاراماي مەملەكەت مەرەكەسىن قۇتتىقتاۋعا ارنالعان مەملەكەت تۋىن شىعارۋ سالتىنا قاتىناسىپ، ايبىندى مەملەكەت تۋىن شىعارۋ سالتى ارقىلى وتانىمىزعا باقىت تىلەدى.

ساعات 8 دەن 15 مينۋت وتكەندە قۇلجا قالاسىندا باياۋ جەل شىعىپ، سىركىرەپ كۇز جاڭبىرى جاۋىپ تۇردى. اق جاڭبىر ىشىندە ەر تۇلعالى مەملەكەت تۋىن قورعاۋ اترەتىنىڭ مۇشەلەرى كەۋدە كەرە ارشىندى قاداممەن بەس جۇلدىزدى نارت قىزىل تۋدى قورعاپ الاڭعا كىردى. ايبىندى «ەرىكتىلەر مارشىنىڭ» اسقاق اۋەنىمەن بەس جۇلدىزدى نارت قىزىلتۋ باياۋ كوتەرىلدى. تولاسسىز جاۋعان جاڭبىرعا قاراماي ٴار ۇلت كادر - بۇقاراسى رەتتى قاتار تۇزەپ، كوكىرەك تولى سۇيىسپەنشىلىكپەن مەملەكەت تۋىنا كوز تىگىپ، قۇرمەت ٴبىلدىردى. وتانشىلدىق سۇيىسپەنشىلىك پەن ماقتانىش سەزىمى جۇرت جۇرەگىنە تەرەڭ ۇيالاعان.

وبلىس باسشىلارىنان چيۋ شۋحۋا، قادەن كابەن ۇلى، جاۋ تيانجيە، ابدۇسالام سادىق، جياۋ ي - مين، سەرجان ۇعىباي ۇلى، ليۋ شينلي، پارحات ٴسايدي، رازبەك قامزا ۇلى، جيا  ي - شىڭ، ديڭ باڭۋىن، تاۋ چيڭسۇڭ، جياۋ شياۋفان، چىن شياڭ جانە وبلىستىق حالىق قۇرىلتايى تۇراقتى كوميتەتىنىڭ، ۇكىمەتتىڭ، ساياسي كەڭەستىڭ، سونداي - اق قۇلجا قالاسىنىڭ ٴتورت باسشىلىق القاسىنىڭ باسشىلارى مەملەكەت تۋىن شىعارۋ سالتىنا قاتىناستى.